|
خــــروج مــاء من الشـــكمان
سلام الله على كل الأعضاء والأصدقاء
يقال ان خروج ماء من الشكمان عند تدوير السيارة فى الصباح، هو دلالة على ان الماتور قوى ، ويدل هذا على اان الماتور ليس خفيف هل هذة المعلومات صحيحة وان لم تكن صحيحة فماذا يدل خرج الماء من الشكمان فى الصباحشكرى وتحياتى الى اهل الخبرة والعلم .:140109~347::GROWIN~12: |
رد: خــــروج مــاء من الشـــكمان
طبعاً خروج نقط من المياه من الشكمان دلاله على إن الموتور قوى وعفى |
رد: خــــروج مــاء من الشـــكمان
ليس دليل على قوة او كفاءة المحرك وانما يدل على ان توقيت الاشعال مثالى
|
رد: خــــروج مــاء من الشـــكمان
م / نبيل عبد الرحمن
شكرى وتحياتى وأحترامى لأهتمامك بالموضوع ، والأفادة جزاك الله كل خير .[/COLOR][/COLOR] |
رد: خــــروج مــاء من الشـــكمان
أستاذى / mr - astra
[أفهم من ذلك انة ليس مقياس للماتور وقوتة يعنى لو الماتور خفيف ومحتاج طقم شنبر ، يخرج ماء من الشكمان، لان الموضوع دة موجود فى السيارة عندى ، وبعض الميكانيكية قالولى الماتور خفيف لانى بقولهم ان كل اسبوع او اكثر الزيت بينقص عندى اقى من نصف لتر مع ان السيارة سحبها ممتاز وبسافر بيها القاهرة وبحمل بضاعة وفى صعود الكبارى عزمها كويس علشان كدة سئلت السؤال بتاع الشكمان ولك شكرى وامتنانى ،شكر وتقديرشكر وتقدير وزادك الله علما . |
رد: خــــروج مــاء من الشـــكمان
خروج الماء دليل ان الماتور يعمل في حالة مثالية و هي ناتجة من التفاعلات الكيميائية المثالية داخل المحرك تنتج بخار الماء و يتكثف عند الشكمان
|
رد: خــــروج مــاء من الشـــكمان
اقتباس:
اقتباس:
الزيت ممكن يقل عن منسوبة لاسباب كتيرة ومش من ضمن الاسباب دى ان الموتور خفيف وعاوز شنبر ممكن يكون نوع الزيت ردىء والنقطة دى هامة جدا لان معظم الزيوت الموجودة فى السوق هى زيوت مغشوشة ومعاد تعبئتها والسوق اتملى انواع زيوت بيتقال عنها انها المانى وهى لا حول ولا قوة الا بالله ممكن يكون فى تسريب زيت من احد الجوانات او احد الـ اويل سيلات والنقطة دى سهل الكشف عليها بالعين او بالنظر حولين الموتور واسفل الموتور خصوصا عند كرتيرة الزيت لكن لو الموتور محتاج او فية مشكلة اويل سيل كرنك خلفى صعب انك تحددها بالعين ودى من اكتر المشاكل الموجودة وتشخصها صعب لانها ملهاش دليل ....حتى لو ركنت العربية شهر مش هتلاقى زيت تحت الموتور على الارض لان منسوب الزيت دائما اقل من ارتفاع اويل سيل الكرنك الخلفى وبكدة الزيت عمرة ما هايخرج من اويل سيل الكرنك الخلفى الا لما الموتور يشتغل ويتحمل علية كمان ....والنقطة دى بيقع فيها ميكانيكية كتير العبرة باية عشان اقول الموتور خفيف ومحتاج شنبر لة مؤشرات ثابتة اولا الصوت بيكون مختلف واداء ضعيف وسحب اقل من الطبيعى وصعوبة فى الادارة خصوصا فى الصباح كمان فى مؤشرات ظاهرية زى خروج دخان لونة ازرق وليس ابيض مثل بخار الماء ويستمر خروج الدخان باللون الازرق طول النهار خصوصا مع ارتفاع درجة حرارة الجو والمحرك خروج دخان ازرق من خرطوم فايظ المحرك الواصل بين كرتيرة الزيت ومنفول السحب وعند تفاقم المشكلة يحدث بلل زيت على سن البوجيهات ....يعنى تفك بوجية او اكتر تلاقى على قطب البوجية زيت وبعدها البوجية يقطع حريق وتلاقى العربية تـ تلت يعنى تشتغل 3 سلندر فقط وبرجة فى الموتور وكل شوية تحتاج بوجيهات كمان لو الموتور خفيف مش بيقل الزيت بالدرجة اللى عند حضرتك لو الشنبر نفسة مكسور بيقل الزيت بكمية كبيرة بس العربية بتكون عاملة زى عربية البطاطا الكلام دة كولة مش عندك توقعى لمشكلتك هى تسريب زيت من مكان معين بالتوفيق |
| الساعة الآن 04:52 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017