ما هي اجراءات الحفاظ على ضمان السيارة
 

انا اشتريت فيرنا من شهر و نص كده من سمير ريان و سلمني كتيب للضمان مش مكتوب عليه اي حاجه و لا مختوم
و بعد ما عملت الف كيلو رحت عملت صيانه في مركز خدمه جنب البيت ختملي الدفتر و اداني فاتورة لكن مكتبش في الدفتر رقم العربية و لا الموتور و لا على الفاتورة
بس اخد صورة الرخصه و البطاقه
السؤال بقه مين اللي هيقول لغبور ان الفاتورة و دفتر الضمان ده بتاع العربية دي
يعني لا قدر الله لو احتجت اغير حاجه في الضمان ايه اللي يثبت اني عملت صيانه الاف او الصيانات اللي بعد كده
يا ريت اللي عنده فكره يرد عليا و ليه الشكر مقدما

رد: ما هي اجراءات الحفاظ على ضمان السيارة
 

بيبقى مكتوب فى اول صفحه فى الضمان رقم الشاسيه و الموتور

لو مش مكتوب قولهم فى الصيانه القادمه يكتبوهم

رد: ما هي اجراءات الحفاظ على ضمان السيارة
 

طيب يا استاذ احمد هل تصليح علبه دريكسيون مثلا فى سياره جديده يخرجها بره الضمان كلها ولا الجزء اللى فيه شغل فقط ارجو التاكيد

رد: ما هي اجراءات الحفاظ على ضمان السيارة
 

لو التوكيل كويس هايخرجوا الجزء اللى اتلعب فيه فقط لكن لو هايرزلوا هايخرجوا العفشه بالكامل من الضمان

رد: ما هي اجراءات الحفاظ على ضمان السيارة
 

ايوه لكن المحرك والكهرباء وباقى الامور ميقدروش يقولو انها مش فالضمان اصل انا عملت حادثه بالكارينز اللى مكملتش اسبوعين العربيه واطيه من الامام فخبطت فى غطا بلاعه كسرلى القنطره والجزء المربوط اومكان تثبيت علبه الدريكسون فتخيل عيزين يغيرو علبه الدريكسون وبسوالى عن تمنها اتقلى 5500 والقنطره معديه الالفين فانا قلت اغير القنطره واصلح علبه الدريكسيون فهددونى بان العربيه هتخرج بره الضمان انا بصراحه قلت فداهيه الضمان ولا انى ادفع5500 فعلبه دريكسون عايز رايك لو تكرمت استاذ احمد

رد: ما هي اجراءات الحفاظ على ضمان السيارة
 

يا أ/أحمد مفيش حاجة إسمها لو التوكيل كويس ولا وحش
الموضوع مش فتة
القصة إن العميل إشترى عربية من غير ما يقرأ شروط الضمان
و بالفعل إصلا أى جزء خارج مركز الخدمة المعتمد او التوكيل أكيد يخرج السيارة كلها خارج الضمان حتى إن علية الدركسيون ليس لها علاقة بكهرباء السيارة مثلا
أنصحك بقرأة شروط الضمان جيدا

و انصح أى حد عايز يجيب عربية يقرأ شروط الضمان كويس و لو مش مقتنع بيها أنصحة إنه مش يشتريها

فى حاجة تانية إسمها إرضاء العميل بمعنى إن العميل بيعمل صيانة العربية بإستمرار و أكرر مرة تانية بإستمرار و حتى لو خرج من غير الضمان و انا عارف إنه عيب شائع فى العربية مفيش مانع إنى أعملها له فى الضمان
و تاكدوا تماما إن التوكيل يهمه سمعة عربيته و كمان سمعة ضمانه و كمان راحة عميله

رد: ما هي اجراءات الحفاظ على ضمان السيارة
 

الف شكر على الرد و ان شاء الله الصيانه الجايه اخليهم يكتبو الشاسيه و الماتور في الدفتر
لكن هل ضروري اروح التوكيل و لا ممكن في مركز الصيانه اللي جنبي و خلاص
شكرا مقدما