محتار..........
 

السلام عليكم...............
انا متعلم السواقه بقالي فتره طويله بس ما سوقتش كتير........
ولما نويت اجيب عربيه...قررت اجيب في حدود 50 ألف كده.......
في الوقت الحالي في واحد معرفه عارض لانسر اوتماتيك 98 حاله نضيفه (محافظ عليها جدا)ومسقط موتور 1600
وفي نفس الوقت فكرت في لانوس وطبعا الانوس مانيوال بس
المشكله اني خايف ابدأ بسواقه الاتوماتيك ولما اجي اغير كمان فتره ولا حاجه ارجع للمانيوال اتعب في سواقته
الفكره كمان ان الانسر اللي قدامي حالته مغريه جدا والدايو في اغلب الاحيان بتبقى متبهدله حبتين
غير ان سحب الانسر وثباتها احسن بكتير على ما اعتقد........
استشرت ناس حواليا قالوا عادي الاتوماتيك وكده كده الجديد كلوا كمان كام سنه هيبقى اتوماتيك...
ارجو الافاده وعذرا للاطاله.............

رد: محتار..........
 

مبدأيا اللانوس فيه منها اتوماتيك زي ما فيه منها مانيوال
و اللانسر برضه فيه منها اتوماتيك زي ما فيه منها مانيوال
و عربيه صاحبك لو حالتها نضيفه اوي مكنش غير الموتور بتاعها الصراحه
انا جايب اختها و هاف اوبشن و مانيوال و ب 50 الف
ازاي دي اتوماتيك و فول اوبشن و نضيفه كمان و 50 الف؟؟!!!!!!!!!
اهم حاجه ما تبقاش حاطط عربيه تحت عنيك و بس لانك لو مقتنع بيها عمرك ما حتشوف عيوبها
زي دلوقتي انت مقتنع باللانسر وب تقارن بينها و بين اللانوس مع انك مافيش عربيه لانوس قدامك
بس انت اخدت قرار ان كل اللانوس متبهدل و كلها مانيوال
عموما بالنسبه ليك لو جبت اتوماتيك حتتعود عليها فعلا و مش حتعرف تسوق ماينوال تاني
يبقي الافضل هات عربيه مانيوال و تكون لانسر في الاول و بعد فتره غيرها و هات اتوماتيك
و ما تسمعش كلام اللي يقولك كمان كام سنه المانيوال حيتلغي لان المانيوال له عشاقه اللي ما يعرفوش يسوقه غيره ولا يعرفوا طعم للعربيه من غير فتيس مانيوال!!!!!!

رد: محتار..........
 

هي ب55 مش 50 وكمان هو نزل في السعر بعد ما لقى السوق نايم دلوقتي
بالنسبه للانوس فالاتوماتيك بتاعها اعتقد قليل اوي
والانسر الراجل الحقيقه شاديدها شده كويسه اوي

رد: محتار..........
 

وجهة نظرى إن العربية لو متسقطلها ماتور مش محركها يعنى بلاش منها
العربية دى أصلا 1300 فبلاش اللعب مع المواتير(( اللعب مع الكبار))

رد: محتار..........
 

انا راي تدور علي لانسر تكون حالتها كويسه وتسيبك من الي متسقط لها موتور
زي ما انت شايف كله خايف منها ما عدا انت طيب ليه تدبس نفسك في حاجه مش مضمونه

رد: محتار..........
 

ابعد عن العربيات اللى متسقط لها موتور وبخاصة لة كان السي سي بتاع الموتور الجديد اعلي من الاصلي المتصمم علية شاسية العربية<?xml:namespace prefix = o ns = "urn:schemas-microsoft-com:office:office" /><o:p></o:p>

رد: محتار..........
 

شكرا للافاده..................