سانديرو ستيب واي 2015
 

اخواني الاعزاء خبراء السيارت
ارجو التكرم بتقديم نصيحة لي لاني ابحث عن سيارة (في حدود 100,000 - واسعه - اقتصادية - عالية نوعاً ما علشان المطبات اللي بجد تعبتني نفسياً - واهم شئ خدمة ما بعد الشراء (يعني توكيل وقطع غيار)

وعندما بحثت وجدت الاختيارات التالية :-
- فيرنا 2015 اوتوماتك
- رينو سانديرو ستيب واي 2015
- اسبرانزا تيجو 2015
وانا اميل اكثر للسيارة رينو ستيب واي بس خايف منها وناس كتير مخوفاني بسبب عدم الثبات وارتفاع اسعار قطع الغيار والصيانه.

افيدونييييييييييييييييييي بجد 128 خلعتلي كتفي ورجلي

رد: سانديرو ستيب واي 2015
 

وكمان مشكلة الاستيب واي 2015 ان الدبرياش واير وليس زيت .

ياريت حد يرد عليه رجاء بجد احترت ومش عارف اخد قرار نهائي

رد: سانديرو ستيب واي 2015
 

يا جدعان مفيش حد عاوز يعبرني ليه هي دي معاملة عضو جديد بردو طيب حد يقولي ان كل العربيات اللي بستفسر عليها وحشة وانا والله مش هزعل بس عبروني

رد: سانديرو ستيب واي 2015
 

اذا كان لا بد واحدة من ال 3 يبقى اكيد بلا منازع الستيب وى :)
لكن بص بصة على الجراند i10 اهى اتوماتيك

رد: سانديرو ستيب واي 2015
 

الستب واى من اكثر السيارات الثابتة وشكله شيك وعملية وكماليات فيه كتيرة والتوكيل من احسن التوكيلات فى مصر

رد: سانديرو ستيب واي 2015
 

اشكركم علي تعليقاتكم بس انا عندي سؤال ؟
الستيب واي بيقولو ان الفتيس بتعها وير مش زيت بس مش عارف دي مشكلة ولا لا ؟
وغير انها لانها عالية عن الارض بثباتها بيقل بعد سرعة 100 كم هل هذا صح ولا لا؟

انا فعلاً نفسي بالاستيب واي لانها عربية عالية وشيك جداً بس الموضوعين دول مشككني فيها؟

رد: سانديرو ستيب واي 2015
 

عموما كل العربيات العاليه أقل ثباتا من السيدان .لو حضرتك بتاع جرى وغرز وسفر كتير خليك فى السيدان ز لو بتسافر مرتين تلاته فى السنه وبتمشى بسرعه معقوله ومعرض للسير فى طرق غير ممهده هات الكروس أوفر ( الستيب واى او التيجو ) الستيب واى بتنزل بزيرو جمارك طبقا لأتفاقيه أغادير على ما سمعت من حد فى الجمارك ( وبالتالى ما ننتظرش أنخفاض فى سعرها - عشم ابليس فى الجنه _ الذى يدعونه فى أول يناير ) وبالتالى ال 101.5 الف اللى انت بتدفعهم فيها يعادلو 120الف فى عربيه تانيه . وبالتالى انت بتدفع اقل مال قصاد القيمه فيها نافيجيتور ومحدد ومثبت سرعه وأيمبولايزر ومخدع لليد فرامل ايه بى اس 2 ايرباج اضواء الأشارات فى المرايات الجانبيه كرسى السائق يمكن تعديل ارتفاعه............ز.... مشكلتها : قطع غيارها محسوبه على الفرنساوى يعنى غاليه بس معمره وبالتالى ما تاخفش من النقطه دى . عصايه الفتيس فيها رعشه - صوت الموتور عالى شويه لأنه 8صباب و90حصان فقط ودى نقطه الضعف الوحيده فيها . أحتمال على شهر 3 تنزل اوتو من السانديرو ودى بيبقى الموتور 16صباب 110 حصان فده ها يكون أفضل . الفيرنا سيدان وبالتالى لا تقارن بالكروس أوفر . التيجو متهيألى ب120 فالفرق فى السعر يخرجها من المنافسه