تسليك الكبراتير
 

البنزين اية مش عاوز اقول هو زبالة و الكبراتير اتخنق مش عارف اجيب منضف بتاع التنك و لا اعمل اية ؟

رد: تسليك الكبراتير
 

كارب انجكشن كلينر
ورش فى باب الكربراتير

رد: تسليك الكبراتير
 

أنا جربت منظف الكربراتير الإسبراى
(فيه منه للكربراتير بحوالى 15 ج و للإنجكشن بحوالى 20 ج)
ممتااااااااااااااااااز
و فيه طريقة تانية سمعت عنها و جربتها و هأقول رأيى فيها:
بنستخدم أسيتون (مزيل طلاء الأظافر) فى بخاخه و نرش برضو جوة البوابة
- لاحظت إنة بيفور جوة الكربراتير (زى المنظف بالضبط) بس بيكون تقريباً علية زيوت و ألوان مش بتطير و لازم تتحرق مع البنزين.
النتيجة العامة للأسيتون مش مرضية أوى زى المنظف الجاهز.
منظف دورة الوقود بتاع التانك مجربتوش بس أسمع إنه مش بنفس كفاءة الإسبراى.

أعانكم الله و وفقنا لضبط الكربراتير (لإنى بقالى إسبوع عمال أضبط فيه مش عاوز يتضبط) :(

رد: تسليك الكبراتير
 

ناوى اعمل زيارة لواحد بيفهم فى الكبراتير ... لو لاداوية غيرى عملم الزيارة دى قبل كده يا ريت اية النظام

رد: تسليك الكبراتير
 

ياسر بتاع شبرا بعد ما تنزل من كوبرى الساحل هيبقى الكورنيش على ايدك اليمين اول شارع شمال اسأل هناك

رد: تسليك الكبراتير
 

لو قصدك على "ياسر و خيرى" بلاش بلاش بلاش
كانوا صبيان الحاج إبراهيم و بعدين أشتغلوا مع بعض و أتخانقوا و فصلوا
الكلام ده على لسان صبى شغال معاهم (أو كان شغال معاهم لإن الكلام من حوالى سنتين)
و شغلهم نصب فى نصب عن تجربة, تجربتى معاهم:
عمل أكس و باب , فكوا الكربراتير و بعتوه مع صبى لعمل الخراطة فى مخرطة خارجية بيتعاملوا معاها و التقفيل عندهم و الحساب عندهم
المقاسات زفت, و تم عمل باب و لم يتم عمل الأكس (و أتحاسبت عالإثنين) و العربية بلاعة بنزين.

أفضل واحد لحد الآن معتز المصرى دار السلام اللى رشحولنا الأستاذ سيد, بصراحة صنايعى صح و شغل الخراطة بيعمله بنفسة على المخرطة عنده و يركب و يقفل و العربية لو مكنتها مضبوطة لازم الشكمان يعرق مياة. ده برضوا جربته

الموضوع لا دعاية و لا دياولة علشان محدش يفهم غلط. الصنايعى لو رحتله مش هيعرفنى أصلاً, مجرد زبون عادى جربته بعد ما أخ محترم دلنا عليه و تقييمى ليه بيأكد رأى ناس كتير.
و ربنا يكفينا شر الحرام و يمتعنا بالحلال و يقبضنا إليه من أهل الجنة