|
شات البنات المبتدئات فى القيادة
سلام عليكم ورحمة الله وبركاته
انا لسه مبتدئه يا جماعه فى تعليم السواقه خدت كورس 6 حصص أساسى شرح لكل القواعد وتطبيقها على خفيف ونايه اكمل بكورس تانى ممارسه فى الشوارع الضيقه و وسط الزحام ومطالع الكبارى والركنات وكده مشكلتى الخوف الشديد والرهبه قلبى مش جامد ابدا وخوافه ياترى هلاقى هنا بنات نفس مشكلتى كده نساعد بعض ونشجع بعض عشان نبقى محترفات سواقه وده هدفى انشاء الله يارب حقق لى مرادى |
رد: شات البنات المبتدئات فى القيادة
اهلاً بيكى فى مصر موتورز اولاً
موضوع الخوف من السواقة مش خاص بالبنات ولا السيدات بس حتى الشباب فى الاول بيبقى عندهم خوف من السواقة ومواقف الطرق بس مع الممارسة كل ده بينتهى وفى المقابل ثقتك بنفسك وبتحكمك فى العربية بتزيد المهم الممارسة يومياً |
رد: شات البنات المبتدئات فى القيادة
فعلا كلام المهندس /وائل مظبوط لا تقلقى
ده شعور طبيعى عند الجميع كلنا كنا كده فى الاول وبعد كده شويه شويه هتتجرأى فى السواقه ولكن لا تفقدى الحزر وربنا يحفظك من أى سوء |
رد: شات البنات المبتدئات فى القيادة
أخيرا حد عبرنى
الحمد لله طب فين باقىالبنات عاوزين التركات والملحوظات وعاوزة اعرف اهم حاجه ايلى ايلى بيضايق الرجالة من الستات فى السواقه لان الرجالة بيبقوا مخنوقين مننا على الاخر |
رد: شات البنات المبتدئات فى القيادة
عدم ادراك المكان و السرعة
ربنا يعينك و لازم ممارسة جيدة |
رد: شات البنات المبتدئات فى القيادة
بالنسبة للملفات يا جماعه مش بعرف المفروض الف امتى واكسر الدريكسون قد ايه يعنى فى اليوترن اكسر كله ولا نصفه
انا بستنى اما اعدى المرايه واكسر الدريكسون مفيش قاعده لموضوع لملفات ده وليه مفيش تفاعل فى الموضوع زى مواضيع زمان بتاعتكم الجميلة |
رد: شات البنات المبتدئات فى القيادة
ال يو تيرن لو ضيق يفضل اكسر كله
بس لازم تتعودى على حاجة متخليش الدركسيون يوصل لاخر مشوارة لغاية لما يصد لو جاب اخره و صد رجعيه سنة صغيرة لان لو دايما يتجاب لاخره و يصد و افضل زنقه كدا علبة الدركسيون حتبوظ مع الوقت |
| الساعة الآن 08:40 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017