|
فرامل وطنابير 516
السلام عليكم
قمت بتغيير الطنابير وطقم تيل أمامى (كله جديد) ولكن بعد التقفيل سمعت صوت حكه عالى من الفرده الشمال رجعت للميكانيكى قالى نفك ونشوف غير التيل وقفل ودور لقينا الصوت زى ما هو قالى إمشى بيها يومين وهى هتطبع وتمنع الصوت طيب هو فى خطورة أو ممكن الطنابير تبوظ |
رد: فرامل وطنابير 516
السلام عليكم صوت الحكه دي في الغالب بتكون اما نوع التيل ناشف او بتكون الصاجه الى خلف الطنبوره بتحك في الطنبوره وطبعا في الحالتين غلط على الطنبوره والله المستعان |
رد: فرامل وطنابير 516
اعتقد ان التيل سمكة اكبر من الطبيعى كمان عشان الطنابير لسة جديدة ومحملة
بكدة يبقى دماغنا لازم تروح لبستم الدشمة انة مش بيرجع للاخر لازم يتفك ويتنضف عموما حاول تدوس على الفرامل بشكل اكبر يعنى تدوس فرامل قبل ما تاخد ملف مثلا بفترة كبيرة وبدوسة هادية عشان لو فى زيادة فى التيل تروح مع الدوسة انما لو استمر الوضع يبقى لازم البستم دة يتفك وينضف |
رد: فرامل وطنابير 516
فعلا ممكن يكون البستم عايز يتفك ويتنضف لأنه فى الطوالى الصوت بيخف أما فى الملفات الصوت بيزيد جدا
وكذلك لأن نفس التيل ونفس الطنبورة فى الجنب اليمين ومفيش مشكله خالص السؤال بقى هو فك البستم ده سهل ولا صعب يعنى بياخد وقت مع الصنايعى وأى صنايعى يعمله ولا لازم حد شاطر |
رد: فرامل وطنابير 516
السلام عليكم لو الصوت بيختفي في الطوالي وليظهر في الملفات يبقي احتمال مايكون عيب فرامل ممكن تكون فردة الكاوتش بتحك في شيئ في جسم العربيه او في المساعد والسوسته والله اعلى واعلم والله المستعان |
رد: فرامل وطنابير 516
اقتباس:
دور على اى حاجة بتلمع |
رد: فرامل وطنابير 516
يا جماعة الخير
المشكله ظهرت بمجرد تغيير التيل والطنابير فورا ولم تكن موجوده قبل ذلك وكشفت تانى على الصاجه وكله تمام غيرت لقم التيل بلقمتين 50% وجربت برده صوت الحكه موجود ونضفت بستم الكاليبر بالـ WD40 ولا تزال المشكله قائمه إحترت وإحتار دليلى ماذا أفعل |
| الساعة الآن 02:43 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017