مصر موتورز مجتمع السيارات - رجة فى بداية التحرك

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - رجة فى بداية التحرك (https://www.masrmotors.com/vb/showthread.php?t=134571)

رجة فى بداية التحرك

العربية عندى بقالها شوية لما أجى اطلع بيها بيحصل زى رجة بسيطة مع العلم ان العربية لسة ماكملتش ال 20000 الف ...رحت كشفت على القواعد لقيتهم سلام مافيهمش حاجة ...فا الميكانيكى قال ممكن يكون الاسطوانة والديسك مع العلم انها ف السحب كويسة
فا مش عارف هل يكون الاسطوانة تكون باظت بالسرعة دى ؟؟؟؟؟وبتبان اوى الرجة ف المارشدير لازم ادوس اوى على البنزين عشان ما تترجش

رد: رجة فى بداية التحرك

السلام عليكم
في الغالب عيب اسطوانه وبالتحديد سوست الأسطوانه
http://t1.gstatic.com/images?q=tbn:A...aGhufiwWaaZW9Q
http://t0.gstatic.com/images?q=tbn:A...-Ve5xvNKpUCnBI
وده صورة كسر في السوسته

http://t2.gstatic.com/images?q=tbn:A...7p_SH9rHTdkf5A
والله اعلى واعلم
والله المستعان

رد: رجة فى بداية التحرك

وتفتكر حضرتك التوكيل هايرضى يغيرها فى الضمان ولا اية لانى رحتلهم بالعيب دة فا قالولى العربية مافيهاش حاجة

رد: رجة فى بداية التحرك

موضوع الدبرياج فى الضمان صعب
لان ممكن يرجعوه لعيب سواقة مبقولش سواقتك غلط بس هما حيقولوا كدا

رد: رجة فى بداية التحرك

السلام عليكم
احتمال ضعيف انهم يغيروه في الضمان كما قال اخي العزيز
والله المستعان

رد: رجة فى بداية التحرك

انا رحت التوكيل فعلا امبارح وبعد تجربة العربية قالو انها عيب اسطوانة وديسك
واتصلو بيا ورحت نازل للمهندس ولقيتو بيقولى انهما هايغيرو الديسك والاسطوانة والبلية والزيت وانا هادفع تمنهم لانهم حسب كلامة قطع غيار استهلاكية زيها زى تيل الفرامل والضمان مابيغطيش القطع دى
المهم قلتلو فين المهندس المسؤل قللى هناك اهو وراح منادى علية وقلتلو ازاى عربية ماشية 15000 الف كيلو تجييب اسطوانة وديسك وتانى حاجة ازاى ادفع انا تمنهم
قاللى نفس كلام المهندس الاولانى فا لقيت مافيش فايدة
وقاللى ان فى خصم 33% على قطع الغيار وكاتبين يفط ف كل حتة ان تغيير طقم الدبرياج كامل ب 740
قلتلهم ماشى رجع يقوللى فى ضريبة مابيعات هاتبقى الاجمالى 880 قلت ماشى لقيتو بيقوللى فى تمن زيت حوالى 100 كمان هنا بقى انفجرت فيهم وصوتى وصل لاخر التوكيل وقلتلو يعنى كلام ال33% اى كلام وضحك على الناس وف النهاية قاللولى احنا هانشيل حق الزيت قلتلهم ماشى وامرى على الله
راح الافندى الفنى اشتغل يفك ويفك وهو بيفك العجل بالجهاز اللى معاة كسر مسمارين ف العجل وراحو مغيرنهم المسمار الواحد ب 15 جنية من غيير الصامولة لان المسمار انكسر جوة الصامولة
يعنى 30 جنية من غير الصواميل
ف النهاية كلمونى وقاللو انهم خالصو وادانى الفاتورة لقيت فيها مصيبة الاجمالى 1026 جنية
قلتلهم ازاى وصلو لللالف قاللى اصل احنا غيرنا المسامير والمصنعيات غليت من اول امبارح
من هنا لهنا دفعت 978 جنية وخت العربية ومشيت مع العلم ان الاسطوانة القديمة من نوع فاليو
اسف على الاطالة بس انا حبيت احكى اللى حصل بالتفصيل

رد: رجة فى بداية التحرك

الله المستعان
ربنا يخلف عليك بالخير
نوع العربية اية