صورة محزنة جدا
 

منقول من جريدة الوفد<TABLE style="WIDTH: 100%"><TBODY><TR><TD style="WIDTH: 100%; HEIGHT: 51px" vAlign=top align=right>http://www.alwafd.org/admin/newsimgs/33219l.jpg
هذه الصور تعبر بصدق عن أحوال المصريين الذين* ‬يعيشون تحت خط الفقر،* ‬ويتجاوز عددهم الآن أكثر من نصف سكان مصر*!!.‬إنهم* ‬يبحثون في* ‬صناديق القمامة عن لقمة عيش*!. ‬وطبعا*.. ‬لم* ‬يجدوا سوي* ‬الفتات*!!. ‬وهذا حال المصريين الآن بعد اختفاء موائد الرحمن التي* ‬انتشرت في* ‬شوارع المحروسة طوال شهر رمضان،* ‬واستقبلت الملايين من موظفي* ‬الحكومة وغيرهم*!. ‬ويبدو أن هذه الصور تعبر عن أحوال الذين* ‬يعيشون تحت خط الفقر طوال أيام السنة*!!‬ ان هؤلاء رعاياك* ‬يا دكتور أحمد نظيف رئيس الوزراء*!!‬،* ‬والذين تجاهلتهم في* ‬المجلد العظيم الذي* ‬أصدرته ويتحدث عن قيامكم بتحقيق* ‬60* ‬إنجازا في* ‬عهدكم السعيد*!! ‬نعتقد أن هذه الصور أكبر صفعة لمجلد الإنجازات*!!‬ </TD></TR><TR><TD style="WIDTH: 3%; HEIGHT: 21px" vAlign=top align=right></TD><TD style="WIDTH: 100%; HEIGHT: 21px; TEXT-ALIGN: left" vAlign=top align=right></TD></TR><TR><TD vAlign=top align=right colSpan=2 rowSpan=2>
</TD></TR></TBODY></TABLE>

رد: صورة محزنة جدا
 

إن لله وإنا اليه راجعون
مين اللى بيسأل فى الغلابة هما فالحين غير مع رجال الاعمال والناس اللى معاها فلوس
اللهم أرنا فيهم عجائب قدرتك ( اللى لا يهمه حال المصريين الغلابة والفقراء )
وحسبى الله ونعم الوكيل
وتسلم إيدك على الموضوع يا دكتور

رد: صورة محزنة جدا
 

اسمحلى يا دكتور اخالفك الرأى فى الصورة دى

لان الصورة كانت منشورة فى المصرى اليوم عن تفشى الزبالة فى محافظة الجيزة وان شركة النظافة المسئولة المحافظة اخلت بشروط التعاقد وان الاهالى وهيئة النظافة عما اللى هايتولو نظافة المحافظة والكلام ده كان قبل العيد بحوالى 4 ايام

ولو حضرتك دققت فى الصورة كويس هاتلاحظ ان فى عامل نظافة وكمان واحدة ست رايحة ترمى الزبالة فى الصندوق مش بتاخد منه والست الاخيرة كانت بتحط الحجاب على بقها عشان تقوم بالنظافة مع عمال الهيئة

باعتذر عن الاطالة ........ لكن حسيت انى لازم اعلق واصحح المعلومة

لانه مهما حصل مش هايوصل بينا الحال ان احنا ندور على لقمة العيش ف صناديق الزبالة

دا احنا برضه المصريين وكرامتنا بالدنيا حتى لو كانت ف سبيل لقمة ناكلها

رد: صورة محزنة جدا
 

مع احترامى الشديد للكل ! الصوره فعلا يا صلاح فيها شك ! يعنى ما تقدرش تقول الناس

دى بتاخد زباله ولا بترمى زباله ! لآنه ببساطه لو كانوا بينقوا حاجه من الزباله كانوا يا اما

راكبين فوق الصندوق أو قالبين الصندوق على الآرض لآن الصندوق عميق ومش ح يكفى

حد ينقى من على السطح فقط وبعدين ماحدش مادد يده داخل الصندوق أساسا ! على كده بأه

أنا ح أخاف أروح أرمى زبالة المنزل فى الصندوق بعدين حد يصورنى ويطلع مانشيت يقول

" طبيب يبحث فى الزباله " " لك الله يا مصر " عمومآ صحيفة الوفد أو المصرى وماشابه صحيح بتجيب

أخبار ساعات بتبقى انفراد أو لها مصداقيه وساعات بتزود البهارات شويه ! أنا لست مع الحكومه

ولا مع تحسين صورتها ولكن مع الشعب المصرى و تحسين صورته !

وبعدين للعلم فيه عاملات نظافه من النساء مثل الرجال وفيه ناس صحيح بتلم الزجاجات والورق

وأكياس البلاستيك لآعادة التدوير ! و...و..." ان بعض الظن اثم " !

Dr. Bolbolan ptmnlo123per144

رد: صورة محزنة جدا
 

تسلم ايدك وكى بوردك وبقك يا صلاح

اكيد الحمد لله موصلناش لكده ومش هنوصل لكده احنا عايشين غلاء اه زى كل الدنيا فيه ناس ظروفها وحشة جدا بس موصلتش لمجاعة يعنى

الصورة ديه اما زى ماقال صلاح ذكرت فى سياق مشاكل النظافة وازالة القمامة
او صورة للناس اللى بتشتغل فى جمع القمامة لاعادة تشغيلها
لان فيه ناس شغلتهم يدورو فى القمامة لاستخراج بلاستيك او مواد معينة لاعادة استخدامها وممكن كلنا نشوفهم فى اوقات كتيرة بس مش بيدورو على اكل ولا حاجة

وبعدين واضح فى خلفية الصورة انها فى مكان شعبى فمش منطقى ان الناس الميتة من الجوع فى مكان شعبى يدورو على اكل فى صندوق زبالة فى نفس المكان
اكيد هيدورو فى صندوق زبالة فى العمرانية ولا حاجة ptmnlo123per111

رد: صورة محزنة جدا
 

يا جماعة بتتكلموا ف أيه
بصرف النظر عن الصورة متفبركة ولا غير معبرة أحنا ف الموضوع
فيه ناس فعلا بتاكل من الزبالة والله شفتهم بعينى
أنزلوا للمدن الصغيرة وشوفوا أحوال الفئة الفقيرة المعدمة عاملة ازاى!!
أنا بشوف ناس وكمان فى الريف حالتهم ضنك ومش لاقيين 00هل تعلمون أن هناك ناس للآن بتفطر وتتعشى بعيش بتاو وملح!!
وفيه ناس بتعامل معاهم مبيلاقوش حق الدوا مع أنه مبيزدش عن عشرين جنيه ده غير أن الكشف مجانا للمحتاجين
بيت مفيهوش عشرين جنية فى القرن الحادى والعشرين!!
فيه ناس عمال يومية يوم آه وعشرة لأ وبيشحتوا
لاحول ولا قوة الا بالله

رد: صورة محزنة جدا
 

لا يا دكتور الموضوع لا يحتمل غض النظر اطلاقا خاصة مع وجود حملة تشويهه ومبالغة فى الفضائيات والاعلام المطبوع والمسموع على جميع الاصعدة وكلها لا تخرج عن المبالغة وتشويهه صورة مصر حضاريا واجتماعيا وسياسيا وو لا لشىء الا نكاية فى ظام سياسى لصالح نظام سياسى اخر وكلها انظمة فاشله بشكل او باخر

محدش يقدر ينكر ان الوضع سىء وللغاية كمان بس فيه فرق بين مناقشتة واستعراضة من باب التحليل والمعالجة وبين عرضة بطريقة غسيلنا الوحش

العالم كله عنده ازمة غذاء والعالم كله بيعانى من اسعار السلع الغذائية لكن مصر مازالت من اقل الدول العربية فى قيمة الغذاء وان كانت الدخول ونسبه البطالة مرتفعة
المشكلة مش اكل المشكلة فى شغل يجيب اكل

من ناحية تانية تفتكر لو المشكلة فى الغذاء حادة بالشكل اللى يخلى ناس تاكل من الزبالة ليه كل الناس ديه ساكتة ده الجوع ده غريزة اساسية ممكن تسلب من الناس حريتهم ويعيشو خانعين لكن لو سلبت لقمتهم كمان لن تأمن غضبتهم ابداً

ليه ايام السادات قامت ثورة الجياع والناس هتفت فى الشوارع "كيلو اللحمة بقى بجنية امال الغلابة تعمل ايه " وليه دلوقتى واللحمة ب40 جنية مفيش مظاهرة واحدة ولا فى حلايب حتى

فيه غضبات جماهيريه واعتصامات ومظاهرات حقوقية او دينية او سياسية او اضرابات عمال وبتحصل كل يوم وبوتيره متصاعدة ديه حقيقة لكن مفيش اعتصام ولا مظاهرة ناس جعانين ومش لاقيين اكل غير فى الزبالة !

طبعا انا لاحملك يا دكتور اى عتاب فحضرتك ناقل عن جريدة قومية والمفروض بتعبر عن حزب عريق لكن حزب الوفد موديل 2009 غير 2005 خالص
لكن المهم من الموضوع اننا مش نقعد نحقر فى نفسنا ونتباكى وبس الاهم اننا نناقش بجديه مشاكلنا ونحط ايدينا على مكامن الخلل وبالتالى نوجد حلول

المصريين مش جعانين صدقنى ولا ممكن يجعوا ولا يمكن يسكتو لو جاعو لكن الحقيقة ان غالبية المصريين مسرفين حتى الطبقات المتوسطة والفقيرة وبندفع فى الموبيلات اكتر ما بندفع فى الاكل وفى المناطق الشعبية بيدفعو فى المخدرات اكتر ما بيدفعو فى الاكل وانا وانت بنصرف على عربياتنا اكتر من اللى بنصرفة على اكلنا

المشكلة مش اكل صدقنى اكيد زى السودان فيها طفره ونمو اقتصادى فى الشمال ومجاعة وحروب عرقية فى دارفور مصر بشكل نسبى طبعا واى مكان فى العالم فيه وفيه ولازم يبقى فيه تفاوت لكن حتى لو كان فيه ناس باعداد محدودة فى اماكن نائية جداً وصلو للدرجة ديه وده شىء مؤسف جداُ طبعا ويحتاج لوقفة بلاشك

لكن مش نص سكان مصر بياكلو من الزبالة