مساعدة فى شد سيارة لادا 2017
 

السلام عليكم ورحمه الله وبركاتةدة اول موضوع ليا فى المنتدى الاكثر من رائع وبجد استفد منة كتير ومن خبراتكم ...اخش فى الموضوعYAKHBRYAKHBRYAKHBR YAKHBR واسف على الاطالة
انا ليسة شارى سيارة لادا 2017 لوط جيش وبشدها من الالف الى الياء كنت عايز اعرف اجيب موتور كام سىسى وفتيس كام غيار وسعرة كام والطبلوة ناقص منة بعض الحجات هل القطع الناقصة دى بتتباع ولا اجيب واحد جديد احسن وسعرة كام وبالنسبة لتقل الطارة اعمل اية واجيب جنوط اسبور ولا جنوط بتعتها العادية احسن والكراسى الامامية ظهرها مش بينفرد الماكينة بايظة اجيب كراسى جديدة ولا بيتصلحو واجيب الماكنة منين.......

رد: مساعدة فى شد سيارة لادا 2017
 

لو تحب انا ممكن اشدلك العربية من الالف للياء وتريح نفسك من كل حاجة
واسعار اقل من برة انا عندي مركز صيانة من المنصورة رقمي 01091801808

رد: مساعدة فى شد سيارة لادا 2017
 

متابع معاك ... فى انتظار راى الخبراء :)

رد: مساعدة فى شد سيارة لادا 2017
 

بوجة عام
صنايعية الأرياف أفضل بكتيييييييييير من القاهرة , بس مسألة الضمير دى لا يعلمها إلا الله
لو حضرتك قريب من المنصورة (دمياط لأ) أو خط المناشى (الإسكندرية لأ) هتلاقى بدل الصنايعى مليون, و سعرهم متهاود

لو حضرتك من القاهرة أو الجيزة, مش هتلاقى أفضل من محمد طلبة اللى فى الوراق , عبقرى لادا و يجيبلك أى حاجه العربية محتجاها من الصامولة للمكنه و أنت باشا و عنده ضمير, و أسعارة فى المعقول

رد: مساعدة فى شد سيارة لادا 2017
 

مشكور جدا على التفاعل .. كنت عايز رد على اسئلتى عن المكنة والكراسى والطبلوة ..

رد: مساعدة فى شد سيارة لادا 2017
 

حضرتك غاوى شقى و لا عاوز تعرف معلومه فقط (للعلم بالشئ)
اللى إنت عاوز تعمله ده متعب جداً جداً و أكيد هيتعمل عليك أحلى شغل لو مش فاهم, لذلك بنقول على الناس اللى جربناها و عندها صنعه و ضمير, عالعموم ....

هو السؤال دلوقتى:
حضرتك عاوز تغير الموتور و الفتيس ليه؟
موتور اللادا بيتصلح و نادر لما حد يغيرة, و إصلاحه سهل مقارنة بالعربيات الحديثة, و الفتيس محمد طلبه بيفكه و يغيرلك الغوايش و البرميلين و يشيك على كل حاجه فيه و يرجع زى الفل بإذن الله
بالنسبة للطبلوه, أيه الحاجات اللى ناقصة؟ عدادات يعنى, بتتباع جديدة فى التوفيقية فى المركز الروسى و عند أولاد سيد نصار, لو مفاتيح كهرباء عند أى حد , لو هوايات برضو فى التوفيقية.
بالنسبة للطارة هتركبلها مناول على رولمان بلى بحوالى 80 ج (لو مش راكب لها)و تكشف على زيت علبة الدركسيون بس, إوعى تركب باور و هاف باول و لا تغير العلبة لإسكاترا و الكلام الفاضى ده علشان ثبات العربية.
الكراسى بتتصلح عند أى سروجى, أما لو عاوز تغير يبقى إستيراد بس أكيد مش نفس كراسى اللادا, هات حاجه مريحة شوية (كراسى طيارة مثلاً)و المكنه بتتصلح بس عاوزة سروجى محترم.
الجنوط الأصلى الحديد مفيش أحسن منه, و ممكن تركب علية طقم طاسات شيك و شكراً.
أعانك الله

رد: مساعدة فى شد سيارة لادا 2017
 

المكانيكى قالى ان الموتور ناقص حاجات كتير ومعمول فية كذا عمرة قبل كدة فكرة المكانيكى حسب مافهمت ان اجيب موتور ١٦٠٠سى سى بفتيس ٦غيار احسن وكنت عايز اعرف تفرق ٥من٦غيار اية غير السرعة وبالنسبة للكراسى الى موجودة فيها كراسى طيارة بس فيها لحمات كتير من تحت وظهر الكرسى مش بينفرد المشرشر بايظ فقالى اما تستخدمة على كدة او تجيب كرسيين لانسر وبالنسبة لثقل الطارة العفشجى قالى على موضوع الاسكترا بتاعت الادا الحديثة نركبها عندك عشان تخف الطارة معاك والطارة عندى الرفيعة كنت عايز طارة يكون شكلها احلى شوية من الى فيها والطبلوة متبهدل شطلة وناقص بعض القطع مثل الهويات وكدا ...