مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   Hyundai Elantra - النترا (https://www.masrmotors.com/vb/forumdisplay.php?f=134)
-   -   صوت الموتور عالى والسحب بطىء (https://www.masrmotors.com/vb/showthread.php?t=133597)

asho 15-10-2014 03:39 PM
صوت الموتور عالى والسحب بطىء
 
سيارتى اللنترا 2005 اوتوماتيك اشترتها منذ حوالى سنه ظهرت مشكله معايا من حوالى شهر ان السحب فى بداية الطلوع بقى بطىء جدا و صوت الموتور بقى عالى بصورة واضحه والحاجات دى مكنتش موجوده خالص ..روحت كشفت على الشكمان لقيته سليم ...ميكانيكى قالى البوجيهات عايزه تتغير فغيرتها ومع ذلك المشكله موجوده وواحد تانى قالى حساس الشكمان بس بصراحه خايف اغيره ويطلع ع الفاضى ...فياريت لو حد يقدر يفدنى فى الموضوع دا

aymanlaw 15-10-2014 07:04 PM
رد: صوت الموتور عالى والسحب بطىء
 
مافيش قدام حضرتك غير كشف كمبيوتر علشان تحدد باالضبط العيب فين وربنا يوفقك وتتحل المشكله

eng/walaaeldeen 15-10-2014 09:17 PM
رد: صوت الموتور عالى والسحب بطىء
 
السلام عليكم
اكشف على زيت الفتيس وفلتر زيت الفتيس
وياريت تغيرهم لو عملوا كيلو متر كتير
والله المستعان

ezzat2002mo 15-10-2014 09:33 PM
رد: صوت الموتور عالى والسحب بطىء
 
شوف برضة فلتر الهواء مهم جدا لو كان متبهدل يعمل كدة
وبص على فلتر البنزين كمان
ومتابعين معاك

mounaf 15-10-2014 11:27 PM
رد: صوت الموتور عالى والسحب بطىء
 
السلام عليكم
اكشف على زيت الفتيس وفلتر زيت الفتيس
وياريت تغيرهم ممكن زيت الفيتس محترق

dr inas 25-10-2014 09:58 PM
رد: صوت الموتور عالى والسحب بطىء
 
السلام عليكم.. انا تقريبا عتدي نفس المشكلة... أنا اشتريت فيرنا م 2007 اوتوماتيك من شهر ونصف بالضبط وغيرت سرفيس كامل وكشفت عليها ف بنزينة وكمبيوتر وقالوا كويسة جدا... وبدأت اتعلم عليها مع مدربة من شهر ونزلت بيها بالضبط 5 مرات... اول مرتين كانت كويسة... ثالت مرة فرامل اليد سابت وغيرت سلك فرامل اليد والميكانيكي قال ان المدربة استعفت ع فرامل اليد لانها بتوقفني بيها ع طول.. رابع وخامس مرة ظهرت المشكلة دي.. مش عارفةادوس بنزين ع الشعرة زي مابتقولي المدربة لانها مش بتمشي لما بعمل كده واضطر ادوس بنزين جامد والموتور يعمل صوت وحش... ده غير ان فرامل الرجل لما اهدي بيها مثلا في اشارة وارجع اشيل رجلي من عليها العربية مش بتمشي الا لما ادوس بنزين... وفي برضه حاجة غريبة؟ مؤشر البنزين مدي اشارة انه فارغ Empty بينما العربية متفولة... المدربة قالت لي العربية فيها مشكلة ورحنا للميكانيكي مع العلم اني اول مرة اسوق واتعامل مع ميكانيكي... المهم قال زيت الفتيس عايز يتغير قلت له انه متغير من 6 اسابيع فقط قال يبقى حط لك زيت سئ غيري وهاتي موبيل.. رحت البنزينة قال لي اتاكدي الاول ان العيب من الزيت مش من الفتيس نفسه.. روحي الحي السابع شوفي الفتيس... علما باني من مدينة نصر... انا بصراحة خفت لاني معرفش حاجة ولا اعرف ميكانيكي معين واسمع ان الفتيس الاوتوماتيك غالي... اتصرف ازاي دلوقت كمبتدأة؟؟؟؟ اسفة على الاطالة...:120102~318:

zing0 25-10-2014 11:52 PM
رد: صوت الموتور عالى والسحب بطىء
 
اقتباس:
السلام عليكم.. انا تقريبا عتدي نفس المشكلة... أنا اشتريت فيرنا م 2007 اوتوماتيك من شهر ونصف بالضبط وغيرت سرفيس كامل وكشفت عليها ف بنزينة وكمبيوتر وقالوا كويسة جدا... وبدأت اتعلم عليها مع مدربة من شهر ونزلت بيها بالضبط 5 مرات... اول مرتين كانت كويسة... ثالت مرة فرامل اليد سابت وغيرت سلك فرامل اليد والميكانيكي قال ان المدربة استعفت ع فرامل اليد لانها بتوقفني بيها ع طول.. رابع وخامس مرة ظهرت المشكلة دي.. مش عارفةادوس بنزين ع الشعرة زي مابتقولي المدربة لانها مش بتمشي لما بعمل كده واضطر ادوس بنزين جامد والموتور يعمل صوت وحش... ده غير ان فرامل الرجل لما اهدي بيها مثلا في اشارة وارجع اشيل رجلي من عليها العربية مش بتمشي الا لما ادوس بنزين... وفي برضه حاجة غريبة؟ مؤشر البنزين مدي اشارة انه فارغ Empty بينما العربية متفولة... المدربة قالت لي العربية فيها مشكلة ورحنا للميكانيكي مع العلم اني اول مرة اسوق واتعامل مع ميكانيكي... المهم قال زيت الفتيس عايز يتغير قلت له انه متغير من 6 اسابيع فقط قال يبقى حط لك زيت سئ غيري وهاتي موبيل.. رحت البنزينة قال لي اتاكدي الاول ان العيب من الزيت مش من الفتيس نفسه.. روحي الحي السابع شوفي الفتيس... علما باني من مدينة نصر... انا بصراحة خفت لاني معرفش حاجة ولا اعرف ميكانيكي معين واسمع ان الفتيس الاوتوماتيك غالي... اتصرف ازاي دلوقت كمبتدأة؟؟؟؟ اسفة على الاطالة...
غالباً رجلاش فرامل اليد عاوز يتضبط , كده الفرامل الخلفية مشدودة على طول و بتآكل فى الطنابير, حضرتك ممكن تتأكدى أكتر لو طلعتى مشوار متوسط و بعدين تلمسى الجنوط الخلفى و الأمامى و تشوفى فيه فرق فى درجة الحرارة (لو الجنوط الخلفى أسخن يبقى زى متوقعت) و لو نفس درجة الحرارة تقريباً يبقى الرجلاش برئ.
و نصيحتى خلى موضوع الفتيس آخر حاجه
و ممكن تغيرى الزيت بموبيل بس تسألى على النوع المناسب للعبية بالضبط لإنه غالى(الكيلو بحوالى 35 ج تقريباً) و فيه منه كذا نوع كلهم موبيل.


الساعة الآن 02:37 AM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017