|
ارجو الافاده وايهما الافضل اللانسر بومه 2008 ولا نيسان صنى 2010
ارجوكم عايز اعرف ايهما الافضل اللانسر1600 2008 ولا النيسان صنى 2010 من حيث الاستخدام واستهلام البنزين والارتفاع من الارض ايهما الاعلى .والتكيف والسحب وقطع الغيار والصيانه و وسع الصالون والثبات
الرجاء سرعه الرد من اهل الخبره |
رد: ارجو الافاده وايهما الافضل اللانسر بومه 2008 ولا نيسان صنى 2010
السلام عليكم على ما أعتقد اللانسر افضل والله اعلى واعلم والله المستعان |
رد: ارجو الافاده وايهما الافضل اللانسر بومه 2008 ولا نيسان صنى 2010
العربيتين قريبين من بعض .... تختلف الصنى فى زيادة استهلاك البنزين عن اللانسر ... و بالتالى .. سحب اكبر .. التكييف احسن من اللانسر .. قطع الغيار متقاربة فى السعر و ان كانت اسعار قطع غيار الصنى اقل شوية
صالون اللانسر اكبر شوية من الصنى ... جودة التقفيل فى صالح اللانسر .. |
رد: ارجو الافاده وايهما الافضل اللانسر بومه 2008 ولا نيسان صنى 2010
اقتباس:
السلام عليكم مين قال ان الصني سحبها افضل من اللانسر وتكيفها افضل اختلف معاكي اخي احمد اللانسر افضل من الصني في رأي والله اعلى واعلم والله المستعان |
رد: ارجو الافاده وايهما الافضل اللانسر بومه 2008 ولا نيسان صنى 2010
عزيزى المهندس ولاء الدين .. ( كتبتها صح المرة دى :) )
انا معايا لانسر 1300 مانيوال ... زميلى فى الشغل معاه 1300 اوتو و زميل اخر معاه 1600 اوتو ... و 2 زمايلى فى الشغل كان معاهم صنى اوتوماتيك ... فمن حسن حظى ... انا جربت العربيات االاربعة ... فى السحب و التجميع .... و سرعة الاستجابة لدواسة البنزين الصنى تكسب ... و فى اعتقادنا .. ده علشان المحرك ال 16 صباب .. الذى يستهلك بنزين اكثر من اللانسر ال 1600 اوتو زمايلى الى معاهم الصنى باعوهم و جابو فلونس .. و التانى جاب سيراتو ... لا يزالون يتذكروا سحب الصنى اما عن اللانسر .... اوسع فى صالونها و اريح فى قعدتها من الصنى ... استهلاك افضل فى البنزين .. خامات التابلوه افضل قليلا ... قطع الغيار اغلى تيل الفرامل بيتغير على 20 الف كم .... فى الصنى على 30 الف كم و تقريبا بنفس السعر سير الكاتينة فى اللانسر بيتغير على 80 الف كم .. فى الصنى جنزير ... بيتكشف عليه بعد 100 الف ... و ممكن يتغير بعد 300 الف .. العفشة انعم من الصنى ... و اطول عمرا عن الصنى نصف قطر الدوران فى الملفات اقصر كتير فى اللانسر عن الصنى يعنى انا ممكن الف فى ملفات اضيق من الصنى فى رأيى المتواضع ... الصنى افضل من ناحية السعر تقبل مرورى |
رد: ارجو الافاده وايهما الافضل اللانسر بومه 2008 ولا نيسان صنى 2010
السلام عليكم اللانسر 1600 برضه 16 صباب زي الصني انا جربت الأثنين في السفر حسيت ان اللانسر افضل من حيث الوسع واستهلاك البنزين وقوة المحرك لاتختلف كثيرا بين الأثنين وانا سعيد للمناقشه معك اخي الكريم احمد والله اعلى واعلم والله المستعان |
رد: ارجو الافاده وايهما الافضل اللانسر بومه 2008 ولا نيسان صنى 2010
انا لا جربت لا دي و لا دي .
مع ابن عمي بومه اوتو و مع جار لي بومه مانوال , الاتنين في سؤالي لهم المطبات ..؟؟.. محدش اشتكي بتاتا و العربيه عاليه مش بتحك غير ان علي كلامهم العربيه تقيله و ثابته علي السرعات و يكفي انتشار العربيه كدليل علي جودتها ... |
| الساعة الآن 12:02 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017