|
مساعدة فى توصيل جهاز ماس الكترونكس
السلام عليكم
امبارح كنت فى دار السلام (عند معتز بتاع الكربراتير) وأنا راجع عالمعادى, واخد الشارع الزراعى (مصر حلوان الزراعى), الشارع ده من أول سور مستشفى القوات المسلحه لحد آخره عند البنزينه (مخرج الكورنيش عند الشرطة العسكريه ), الطبيعى بتاعه من 7-10 دقايق علشان التقاطعات بس إمبارح كان واااااااااقف, أخدته فى ساعتين و ربع و العربية عطلت, الأبلاتين ودّع فى وسط الزحمه دى :( رجعت قمة الإرهاق و الزهق, قولت أشوف جهاز ماس ده, كنت قريت أن فيه واحد شايل لوط من الشركة و بيبيعه بـ 45 ج, اتصلت بيه و قولت أجرب و رحت له النهارده الهرم و جبته بفضل الله, و ربنا يستر و يكون شغال جيت أوصله معرفتش و الصنايعية طبعاً قافلين فى العيد معلش حد يفهمنى الكلام ده بالراحه علشان مش فاهم حاجه http://im65.gulfup.com/GqAkfX.jpg - أنا عندى سلك الكونتاك متوصل عالموبينه مع نفس السلك اللى طالع عالإسبراتير (أو كما أعتقد) طيب أوصل مين فين؟ - و الموبينه زيت, ليها مسمارين فوق (واحد طالع منه سلك للإسبراتير و مشترك معاه سلك للكونتاك و المسمار الثانى طالع منه سلك للكتاوت تقريباً و متوصل أرضى فى العربية) غير جسم الموبينه اللى متثبت فى العربية, فين الأرضى بتاعها؟ - دلوقتى بيقولوا هنفك السلك الواصل بين الإسبراتير و الموبينه من ناحية الموبينه و نوصله بالسلك الإسود, طيب و سلك الكونتاك ؟ معلش أستحملونى لإنى حاسس إنى تايه فى المولد |
رد: مساعدة فى توصيل جهاز ماس الكترونكس
متابع معاك
|
رد: مساعدة فى توصيل جهاز ماس الكترونكس
طيب فيه رسمه تحت الشرح معناها:
- السلك اللى بين الأسبراتير و الموبينه هيتقطع - الجزء اللى داخل عالإسبراتير يتوصل مع الإسود - الجزء الباقى (اللى متوصل عالموبينه و معاه سلك الكونتاك عندى) يتوصل بالأخضر - السلك الأحمر يتوصل بطرف الموبينه التانى (اللى المفروض عليه الكتاوت) - السلك الابيض مع جسم الموبينه أرضى هل الكلام ده صح؟ أفتونى يا خبراء الكهرباء يا رب يكون cars admire باشا معدّى صدفه و يسلم علينا |
رد: مساعدة فى توصيل جهاز ماس الكترونكس
فيش أى جديد يا جماعة؟
|
رد: مساعدة فى توصيل جهاز ماس الكترونكس
الاول موضوع ماس هو دائرة اليكترونية لتقليل الشرارة التى تحدث بين اطراف االابلاتين وبالتالى يعيش الابلاتين فترة اطول وكما تلاحظ فان دائرة ماس لها زعانف لزيادة وكفاءة تبريدها لذلك التزم بوضعها بعيدة عن اى مصدر للسخونة
كما هو واضح من كلامك فان سلك الكونتاكت لسيارتك موصل مع الطرف السالب للموبينة فبرجاء توصيله مع الطرف الموجب للموبينة حتى تحافظ على الابلاتين ويعيش فترة اطول وتوصيلات ماس ستكون كما ذكرت الا ان اللون الاحمر لماس يتم توصيله مع الطرف الموجب للموبينة وكذلك مع طرف الكونتاكت اللون الاخضر لماس مع الطرف السالب للموبينة اخيرا اعتقد الكتاوت الذى ذكرته ريلاى مارش وستسمع صوته فقط عند تدوير المارش |
رد: مساعدة فى توصيل جهاز ماس الكترونكس
طبعا التوصيلة الاساسية اللى عندك فيها مشكلة
بص عشان تبقى فاهم الموضوع البوبينة بتشتغل على تيار متردد بفرق جهد 12 فولت متردد البطارية بتخرج 12 فولت مستمر وظيفة الابلاتين والكوندنسر تحويل التيار المستمر الى " شبه " تيار متردد او تشوية الموجه جيبية لمنحنى الفولت من مستمر خط افقى تماما الى موجات تبدا من الصفر وتنتهى بفارق جهد مقدارة 12 فولت لاعلى ولا يسمح المكثف " الكوندنسر" بانحراف الموجة لاسفل لتعطى سالب 12 فولت وتنزل الى الصفر مرة اخرى وبكدة يبقى لازم البوبية تتغذى بجهد 12 فولت من طرف البطارية الموجب اللى جاى من الكونتاكت وهتلاقى على صامولة البوبية علامة + اما الطرف الثانى وهو السالب - بيتاخد من الابلاتين اللى راكب جوة الاسبراتير اللى راكب على شاسية العربية ومتغذى بطرف سالب يبقى كدة حققنا شروط الطاقة اللى هى طرف موجب وطرف سالب بكرر الطرف الموجب من البطارية مرور بالكونتاكت والطرف السالب من الابلاتين مرورا بشاسية الموتور والعربية كدة البوبية اخدت 12 فولت مجاذا متردد وبالتالى بيحصل تكرير للفولت دة فى ملفاتها الثانوية وبتقدر تخرج من السلك اللى فى المنتصف قدرة 8 الاف فولت ودة بيتنقل عن طريق كابل البوجية اللى الاسبراتير او كوباية الاسبراتير فى المنتصف وبيتوزع الجهد العالى دة على الـ اربع سبوك للبوجيهات عن طريق فحمة وش الاسبراتير ومنة الى الشاكوش ومنة الى نقاط تلامس موجودة داخل وش الاسبراتير ومنة الى البوجيهات الاربعة |
رد: مساعدة فى توصيل جهاز ماس الكترونكس
عارف
فى عيب مشهور اوى لما العربية ما بترضاش تدور فى سياق كلامنا والعيب هو الطرف السالب الخارج من الاسبراتير المفروض انة بيتربط بصامولة صغير ولكن الصامولة بالمسمار بيكونو معزولين عن شاسية الموتور تماما وبالتالى البوبينة بتاخد سالب مباشر على طول من شاسية العربية وليس سالب متقطع ناتج من عمل الابلاتين دة عيب مشهور بيخلى العربية مش عاوزة تدور |
| الساعة الآن 03:36 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017