ما هى افضل طريقه لعمل كابل لبطاريه العربيه
 

السلام عليكم ورحمه الله
انا كنت بدور على احسن طريقه لعمل كابل بطاريه ومحتاجين افكار
ومبدئيا كده
انا كنت بفكر انه يكون بطول 3 متر (علشان ما اديقش على نفسى ولا اضطر انى الزق العربيتين فى بعض)
وعلشان ما يسخنش زى الكابل الصينى هايكون كل فرده منه سلكين 6ملي من اسلاك السويدى
يعنى الطرف السالب هايحتاج (3متر× 2 سلك) من لون
والطرف الموجب هايحتاج (3متر× 2 سلك) من لون تانى
وعلشان الزحمه هانحط الاربع فى خرطوم كهرباء سوسته(من عند اى كهربائى)
http://www.flixcompany.com/images/_MG_0618.JPG
وبعدين مش هايفضل غير اننا نشترى 4 قاطش بتاع البطاريه بلونين مختلفين ونوصل كل قاطش بالكابلين الخارجين.
نيجى للاسئله بقه :
هل ابعاد الكابلات دى مناسبه ولا نشترى اعرض.
ولو فى اى افكار تانيه انا معاكم :fun_36_3_11[1]:

رد: ما هى افضل طريقه لعمل كابل لبطاريه العربيه
 

رد: ما هى افضل طريقه لعمل كابل لبطاريه العربيه
 

انا احيى حضرتك على فكرتك الجيدة .. و ده رئيى المتواضع ...

طول الكابل 3 متر قصير شوية ... خليه 5 متر مثلا ...

و اعتقد ان حضرتك محتاج تستخدم سلك اتخن من كدة برضو ..
حضرتك محتاج تلف شوية فى السوق علشان تعرف ايه الموجود فى السوق

و حضرتك مش حتستخدم قواطيش بطارية ... حتستخدم كلابات
تقبل مرورى و فى انتظار اراء اكثر تفصيلا

رد: ما هى افضل طريقه لعمل كابل لبطاريه العربيه
 

خرطوم الكهرباء لا يستحمل حرارة المحرك

رد: ما هى افضل طريقه لعمل كابل لبطاريه العربيه
 

اه انا قصدى كلابات بس ما كنت اعرف اسمها
https://encrypted-tbn3.gstatic.com/i...ez8bIAD0_xbjoQ
هو احنا هانستخدمه بس علشان نقوم البطاريه لو نامت منك بنوصل بطاريه العربيه ببطاريه عربيه تانيه.

رد: ما هى افضل طريقه لعمل كابل لبطاريه العربيه
 

من الافضل ان يكون الكابل من النحاس الشعيرات من النوع الجيد لايفل عن 16 مم لو 25 مم يبقى افضل حتى لايسخن لان كل1 مم نحاس يتحمل3 أمبير اقل مارش يسحب فى البدايه اكثر 50امبير مع تركيب قطاش مشبك ويكون لون الكابل لون احمر + لون اسود- حتى لايحدث اختلاف فى القطبيه الطول من 3 الى 4 متر

رد: ما هى افضل طريقه لعمل كابل لبطاريه العربيه
 

اولا شكرا ليك أخ وائل علي الفكره
وهتبأ حاجه تستحمل وشكلها شيك (صورة)
بس الكلابات نجبها منين؟ من شارع الجمهوريه مثلا؟

م/محمد شكرا ليك علي المعلومة الفنيه (كل 1مم يستحمل 3 امبير)
و طول 4 متر اعتقد كافي جدا ,
كدا نأدر نأول
1- 8 متر سيلك نحاس 25مم (شعر) كل 4 متر بلون مختلف ولو حكمت أوي وملأيناش لون مختلف أعتقد الكلابات هيكونو كل 2 بلون مختلف
2- عدد 4 كلابات (كل 2 بلون مختلف)
3- خرطوم كهرباء بطول 4 متر
صح كدا ؟