رينو ستيب واى 2015 ولا بيكانتو 2015
 

محتار جدا بين الرينو ستيب واى 2015، والبيكانتو 2015 ممكن حد يفدنى أيهم احسن، خصوصا ان الرينو منيوال فقط ، وبنفس سعرها اقدر اجيب البيكانتو اوتو، بس الرينو عجبانى من ناحية المتور والعلو والثبات ونظام الفرامل، والبيكانتو حاسس انهااحسن فى الشكل الداخلى والأوبشن، برجاء معلومات عن :
1- سعر الستيب واى 2015 هاى لاين فى حدود كام وهل هو متوفر ولا سأنتظر ، عالما بأنى سأشتريها بنظام التقسيط.
2- مميزات العربية وايه اللى نزل زيادة للستيب واى فى 2015 .
3- قطع الغيار للاستيب واى متوفرة، وياترى أعطال الاستيب واى كتير ولا البيكانتو.
4- أيه اخبار توكيل الاتنين وانهى الأفضل .

ياريت أى حد يفدنى لأنى فى حيرة فعلا خصوصا انها هتكون أول عربية ليا ، بس عادى انا معايا رخصة وبسوق مانيوال كويس ...... برجاء الإفادة ولكم جزيل الشكر

بيكانتو 2015 ولا رينو ستيب واى 2015
 

محتار جدا بين الرينو ستيب واى 2015، والبيكانتو 2015 ممكن حد يفدنى أيهم احسن، خصوصا ان الرينو منيوال فقط ، وبنفس سعرها اقدر اجيب البيكانتو اوتو، بس الرينو عجبانى من ناحية المتور والعلو والثبات ونظام الفرامل، والبيكانتو حاسس انهااحسن فى الشكل الداخلى والأوبشن، برجاء معلومات عن :
1- سعر الستيب واى 2015 هاى لاين ،والبيكانتو فى حدود كام وهل هو متوفر ولا سأنتظر ، عالما بأنى سأشتريها بنظام التقسيط.
2- مميزات العربية وايه اللى نزل زيادةللبيكانتو أو للستيب واى فى 2015 .
3- قطع الغيار للاستيب واى متوفرة، وياترى أعطال الاستيب واى كتير ولا البيكانتو.
4- أيه اخبار توكيل الاتنين وانهى الأفضل .

ياريت أى حد يفدنى لأنى فى حيرة فعلا خصوصا انها هتكون أول عربية ليا ، بس عادى انا معايا رخصة وبسوق مانيوال كويس ...... برجاء الإفادة ولكم جزيل الشكر

رد: رينو ستيب واى 2015 ولا بيكانتو 2015
 

الاسعار تقريبا
الاستيب واى ب101000
الكيا بيكانتو اتوماتيك 92000

بس انا ارشحلك الاستيب واى الشكل الجديد ومعلومه السعر ده للاستيب واى 2014 لان ماظنش ان 2015 نزل اصلا فى شركة رينو عموما فى مصر
اولا البيكانتو سياره صغيره جدا وحرام يدفع المبلغ ده كله فى سياره هاشباك مينى اما الاستيب واى اكبر واعلى واوسع واشيك بس العيب الوحيد انها مانيوال والى يركبها يكون عاشق للمانيوال MADDRIVE لو عايز تتصل بشركة رينو مصر على رقم 16202 ده رقم الوكيل الرسمى واسألهم الاتوماتيك هينزل امتى

بس ملحوظه اخيره العيب الاخير فى رينو عموما انك لازم تعرف انك لو اشترتها هتخسر فى بيعها كتير ودى مشكلة الرينو كله

تحياتى

رد: رينو ستيب واى 2015 ولا بيكانتو 2015
 

لو احنا في أي مكان تاني غير مصر كنت قلت لك رينو
لكن لو بصينا علي سعر اعادة البيع واسعار قطع الغيار وعلي التزام التوكيل يبقي بيكانتو تكسب 100%
توكيل رينو فيه ناش اشتكت وهو فعلا غالي جدا وقطع غيار غالية ومعاملة سيئة وبالذات توكيل المقطم

رد: رينو ستيب واى 2015 ولا بيكانتو 2015
 

رد: رينو ستيب واى 2015 ولا بيكانتو 2015
 

حضرتك انا محتار فعلا ... ناس قالولى علشان شوارع مصر اشترى عربية عالية وده موجود فى الستيب واى ومش موجود فى البيكانتو ..... غير ان الرينو ستيب واى 1600 سى سى انما البيكانتو 1200..... سألت بالنسبة لقطع الغيار لقيتها مش غالية وناس قالو لان الرينو بقت منتشرة اوى يعنى مثلا الفانوس ف التوكيل ب 500 وسير الفرامل ب 200 وكتير قالولى انه قطع الغيار الفرنسية لو غالية شوية عن الكورى بس بتعمر اكتر بكتير ... وبالنسبة للبيكانتو عجبانى انها اوتو بس كتير قالولى متجيبش اوتو غير المانى او يابانى والمانيوال سعر صيانتها ارخص ومشاكلها اقل ومبتستهلكش بنزين ..... من ناحية الاوبشنز الداخلى كيا بس من ناحية اوبشنز كويس وعوامل سلامة وامان رينو سانديرو ستيب ..... من ناحية سعر اعادة البيع كيا بس انا بقول ان اعادة البيع اللى بيحدده حالة العربية يعنى حسب الاستهلاك ولو عربية فيها كل الاوبشنز ومريحانى هبعها ليه غير للضرورة والحمد الله متيسرة.... بس من ناحية التوكيل كتير بيشكروا ف توكيل كيا وبرضوا بيشكروا ف الرينو بس فى حالات فردية ف كل توكيل بس ف الاول او الاخر برضه لو العربية كويسة مش هتحتاج توكيل غير فى الصيانات بس .... بصراحة دى فيها مميزات ودى مميزات ...... ياريت اراء مالكى الستيب واى والبيكانتو ينصحونى بايه .

انا فى حيرة بصراحة عربية كورى وصغيرة 1200 سى سى وبصراحة سعرها مبالغ اوى على حجمها يعنى لما يكون المانيوال ب 88 الف والاوتوماتيك بيبدأ من 96 الف لغاية 110 الف .... على الرغم ان فى الاخر سايق عربية مينى ودى أسعار سمير ريان .... بصراحة كل ما بشوف مواصفات واسعار البيكانتو والاستيب واى بأحتار اكتر .... ربنا يكرم حضرتك على رايك وياريت اراء اكثر خصوصا من صاحبى البيكانتو وال رينو سانديرو ستيب واى .

رد: رينو ستيب واى 2015 ولا بيكانتو 2015
 

حضرتك أنا كنت فى سمير ريان يوم الخميس اللى فات وقالى ان البيكانتو اوتوماتيك بتبدأ من 96 الف الى 110 ألف
واتصلت بتوكيل رينو قالى ان الاستيب واى 2015 موجودة وبسعر 101400 .. والفئة دى مبينزلش فى مصر منها اوتوماتيك ..... بس أنا مؤيد لحضرتك فى كلامك وياريت تنصحونى اكتر بأهم المميزات وأهم العيوب ... وياترى أيه العيوب اللى ممكن تخلى البيكانتو او الرينو الواحد مايفكرش فيها .... اصل التوكيل واعادة البيع انا شايف انه بقى عادى فى مصر مش كل التوكيلات بكل فروعها على مستوى واحد ... وبما ان العربيات الزيرو بقى القسط فى متناول اغلب المشتريين يبقى ليه اشترى مستعمل فحاسس ان سوق اعادة البيع فى مصر لازم ينزلك فى سعر العربية علشان تتباع مهما يكن النوع المهم الحالة