|
ماهو تاثير الاسبراتير على العربيه فى حاله التقديم والتاخير ؟
السلام عليكم ورحمه الله وبركاته على اعضاءمصر موتور
نوع العربيه اكسنت 1300 كربراتير كان عندى اسفسار كده بخصوص كهربه العربيه "الاسبراتير" وعلاقته بالبوجيهات و البنزين و الهوا تاثير الاسبراتير على العربيه وخصوصا البوجيهات والبنزين ولون العادم" لو الاسبراتير مقدم" "الكهربه مقدمه" ؟ تاثير الاسبراتير على العربيه وخصوصا البوجيهات والبنزين ولون العادم "لو الاسبراتير متاخرة" "الكهربه واطية" ؟ وزاى اقدر اميز ان كهربه العربيه مقدمه او مناخرة ؟ ومين افضل واحد يعرف يظبط المنظومه دى كلها كهربا و هوا وبنزين |
رد: ماهو تاثير الاسبراتير على العربيه فى حاله التقديم والتاخير ؟
ضبط خليط الهوا و البنزين بيكون من الكربراتير
الإسبراتير وظيفته يوزع شرارة الموبينه على البوجيهات و يتحكم فى توقيت الإشتعال (بشكل جزئى مع تقسيمة الكاتينه) =============== لو العربية مقدمه كهربا: يعنى الشرارة بتطلع من البوجية و خليط البنزين و الهوا جوه البساتم بيفرقع قبل البستم ميوصل لآخر مشوارة و بالتالى العربية هتسقف (هتسمع صوت صفع أو تسقيف خاصة و أنت بتعدى مطب, يعنى عدد لفات المكنه قليل و ممكن تفصل لو على الغيار الثانى و أنت بتعدى المطب) لون شمعة البوجية (السن) هتلاقيه أبيض المكنه هيبقى فيها رعشة غير منتظمة (الرعشة ليها أسباب كتير ده منها) ممكن تحس إن السحب أفضل مضرة بأجزاء المحرك الداخلية, لإن فى الوقت إللى الكرنك بيزق البساتم لفوق, حصل فرقعة و البستم نازل لتحت, و بين الفوق و تحت هيطلع ضغط زياده ممكن يسبب أضرار لا قدر الله ----------------------- لو العربية مأخرة كهربا: البستم وصل لآخر مشوارة و بدأ ينزل لتحت تانى و لسه البوجية مطلعش شرارة الإحتراق, يعنى الشرارة متأخرة هتلاقى البوجية مهبب لإن الحرق مش كامل و ممكن تشم ريحة عادم العربية مكتومة و مفيش سحب خاصة على مطالع الكبارى مع الحموله برضه لو مأخرة أوى ممكن تفصل منك لما عدد لفات المكنه يقل ----------------- طريقة الضبط: الطبيعى إللى معظم الميكانيكية بيعملوه يروح مهوى مسمار رجلاش الإسبراتير, و مأخر و بعدين يقدم سنه سنه لحد ما المكنه ترعش يروح مرجعها سنه (يعنى آخر حركه قبل الرعشة) و يربط على كده و عادة ضبط الكهربا لازم تضبط معاه كربراتير علشان بيأثرو فى بعض بشكل مباشر الأصح يتضبط على لمبه 10 أو بجهاز ضبط توقيت الإشعال الومضى http://xorl.files.wordpress.com/2011/03/img11.gif أعانك الله |
رد: ماهو تاثير الاسبراتير على العربيه فى حاله التقديم والتاخير ؟
اقتباس:
|
رد: ماهو تاثير الاسبراتير على العربيه فى حاله التقديم والتاخير ؟
@zing شكرا تانى للاهتمامك
بس حصل عندى الموضوع ده بعد الميكانيكى لعب فى مسمار الهوا والاسبراتير دخنه خفيفه وريحه بنزين عند الدواره فى الصباح والعربيه بارده "الصباح فقط" ولما تسخن يخنقى الدخنه والريحه . حتى لو سبتها 8 ساعات ونزلت اشغلها فى بعد العصر مش بيكون فى دخنه ولا ريخه لما ادوس بنزين جامد والعربيه واقفه كذا مرة الدخنه تطلع وتختفى وده لينك بيشرح كل اللى حصل فى العربيه عندى دخنه سمرة خفيفه اكسنت 1300 مدويل 2005 - مصر موتورز مجتمع السيارات |
رد: ماهو تاثير الاسبراتير على العربيه فى حاله التقديم والتاخير ؟
رديت على حضرتك فى الموضوع التانى
ماهو تاثير الاسبراتير على العربيه فى حاله التقديم والتاخير ؟ - مصر موتورز مجتمع السيارات المشكله ضبط كربراتير |
رد: ماهو تاثير الاسبراتير على العربيه فى حاله التقديم والتاخير ؟
اقتباس:
جيت اكحلها عميتها - مصر موتورز مجتمع السيارات |
رد: ماهو تاثير الاسبراتير على العربيه فى حاله التقديم والتاخير ؟
اقتباس:
ما شرحك لما ذكرته ( لمبة 10)؟ هل استخدمتها؟ |
| الساعة الآن 12:42 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017