|
مشكلة الحرارة فى لادا 2107
اشتريت لادا2107 مصرى موديل 2008 من كام شهر وظهرت لى مشكلة الحرارة فالمؤشر يصل لنهاية اللون الأخضر فكشفت على كل شئ من كرابرتير وكهرباءوترموستات كوعة المياه وتاكيهات مع العلم بأن الرديتير ألومنيوم
فماذا تنصحونى ؟؟؟؟؟؟؟؟؟؟؟؟؟؟؟؟؟ |
رد: مشكلة الحرارة فى لادا 2107
بس كدة الموتور فى امان طالما فى نطاق الاخضر
|
رد: مشكلة الحرارة فى لادا 2107
لكن يا فندم المؤشر بيبقى قريب جدا من الأحمر ولما سألت أصحاب اللادا من نفس الموديل كان المؤشر ميعديش النص وفى أول الأخضر ولكن عندى بيعدى النص وفى نهاية الأخضر وساعتها بقف حتى لما العربية تقل الحرارة
|
رد: مشكلة الحرارة فى لادا 2107
اقتباس:
ممكن اعرف من حضرتك العربية بتسخن فى الطوالى وفى الزحمة ولا فى الزحمة فقط و لا فى الطوالى فقط |
رد: مشكلة الحرارة فى لادا 2107
فى الطوالى بتسخن وتجيب نهاية الأخضر وبكون ماشى على الخامس لمسافة طويلة ولكن لما اهدى السرعة تقل الحرارة
|
رد: مشكلة الحرارة فى لادا 2107
لو حضرتك ظبت تاكيهات تمام
وهانفترض ان توقيت الاشعال تمام يبقى المشكلة فى الردياتير او طلمبة المياه طلمبة المياة سهل اختبارها بمجرد النظر على تقليب الطلمبة داخل الردياتير لو تمام يبقى الطلمبة تمام |
رد: مشكلة الحرارة فى لادا 2107
انصحك بالغاء ترموستات الكوعة لان السيارات الادا صممت للجواء البارده و ترموستات الكوع لا يسمح بدورة المياه كاملة لتسخين السيارة فى وقت اقل و هذا غير مطلوب فى مصر علما اننى قابلت هذه المشكلة و بالغاء ترموستات الكوعه انتظمت الحرارة و لما يكن هناك اى شكوى
|
| الساعة الآن 11:34 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017