هزه خفيفه في العربيه 516
 

السلام عليكم يا شباب المنتدي
اكيد زهقتوا مني بس هنعمل ايه بس العربيه مجنناني
العربيه فيها هزه خفيفه وهيا واقفه تحس انها مرعوشه كده شويه انا كنت فاكر ده الطبيعي بس من كام يوم ركبت عربية واحد صاحبي موديل 2009 وماشيه 220 الف كيلو وملقتش فيها الهزه دي مع العلم ان عربيته عاوزه تغيير قواعد موتور
مع العلم ان انا عربيتي مغيره قواعد الماتور من 10 ايام
رحت للمياكانيكي قاللي ممكن فيها سنة كاتينه قلتله ماشي نفك وبالمره نغير الكاتينه وفعلا غيرت الكاتينه ولا تزال الهزه الخفيفه او الرعشه الخفيفه دي موجوده



فيدوني افادكم الله العربيه فيها ايه؟

رد: هزه خفيفه في العربيه 516
 

لا مش سنة كاتينة
اما انة سلك بوجيهات او انة بوجية نفسة بقى ضعيف

رد: هزه خفيفه في العربيه 516
 

شكرا استاذنا مستر استرا للرد وبالنسبه للبوجيهات فهي جديده والسلوك هشوفها بس فيه مقوله وعاوز اتاكد من حضرتك
فيه اخ كريم قاللي شوف لمبة epcبتطفي امتا وشفت لقيتها بتطفي بعد ما ادور العربيه لكن مع الكونتاكت بتفضل منوره وقاللي المفروض تفصل قبل ما تدور وقاللي لو ما فصلتش قبل الدواره يبقا حساس كامه اكيد - ايه رايكم؟ هل ممكن فعا حساس الكامه يسبب الرعشه دي؟
وايه تاني اعراض يسببها تلف حساس الكامه؟

رد: هزه خفيفه في العربيه 516
 

متابع للأهميه

رد: هزه خفيفه في العربيه 516
 

طيب اؤلك على تجربة احلى بكتير اوى
والعربية دايرة شيل فيشة حساس الكامة خالص
عارف اية اللى هايحصل
ولا حاجة
طب بطل العربية ودورها تانى هتلاقيها دارت بدون ادنى مشكلة
اعتقد حساس الكامة فى العربية دى مش عشان يشغل البوبينة وانما عشان يحسب الفرق بين وضع البستم ووضع الصبابات عشان لو السير اتقطع يفصل الموتور خالص

لمبة EPC الطبيعى انها تطفى بعد 3 ثوانى من فتح الكونتاكت
ممكن تعمل ريستارت لكمبيوتر السيارة يمكن ترجع طبعية ولو مرجعتش ولا يهمك
فى الـ 6 عربيات اللى جبتهم لناس معرفة وبشوفهم كل يوم
نصهم اللمبة بتطفى ونصهم اللمبة بتطفى مع الدوارة
وكلهم عربياتهم زى الفل
ما تشغلش بالك باللمبة طالما مش بتنور والموتور شغال
خلينا فى مشكلتنا الاساسية وهى النتشة
كنت طلبت من حضرتك تشك على البوجيهات او سلوك البوجيهات

عارف كلمة البوجيهات جديدة دى بتخوف لانالبوجيهات الموجودة كلها مضروبة كلها كلها
لازم تجيب الوجبيهات من توكيلهم على حسب الماركة

رد: هزه خفيفه في العربيه 516
 

تمام يا مستر استرا انتا استاذ بجد والميكانيكي قاللي سلوك البوجيهات كويسه
رحت للميكانيكي ولقيت عنده عربيه تيجو جربتها لقيت اللمبه بتطفي قبل الدواره ولقيت عنده واحده 516 لقيت برده فيها اللمبه مش بتطف غير بعد الدواره - سالت صاحبها قاللي انها معاه من 2007 واللمبه مش بتطفي غير بعد الدواره والميكانيكي قالي دي موديلات 2007 و 2008 اللمبه بتطفي بعد الدواره والموديلات اللي بعد كده اللمبه بتطفي قبل الدواره وكمان جربنا حساس كامه تاني وفضلت اللمبه تطفي بعد الدواره برده والرعشه زي ما هيا
المهم الميكانيكي في الاخر رايه انها حساس هوا
ايه راي حضراتكم؟
وبعد اذنك مستر استرا ممكن اعرف ازاي اعمل ريستارت لكمبيوتر السياره؟

رد: هزه خفيفه في العربيه 516
 

السلام عليكم
بتفك كابل البطارية الارضى (-) وتلمسة لكابل البطارية (+) لمدة ثوانى
ومش لازم تفك كابل البطارية الموجب
كدة انت عملت ريستارت لكمبيوتر العربية
بخصوص المشكلة
اولا معرفش الميكانيكى حكم ازاى على سلوك البوجيهات انها سليمة
بمجرد النظر ولا شال سلكة بوجية رقم 1 وحط مفك فى فتحة السلك اللى بيدخل فيها البوجية وقرب الجزء المعدنى للمفك من جسم العربية ودور الموتور ولاحظ الشرارة الخارجة او الشرارة بين المفك وبين جسم الموتور
وبعدها جرب فى بوجية رقم 2 وبوجية رقم 3 وبوجية رقم 4


وانا قناعتى الشخصية انة مش حساس هواء
وانما لو افترضنا ان كل سلوك البوجيهات سليمة وان البوجيهات سليمة ...... مفروض كان فكها وشافها !!!!
يبقى الاحتمال الاقرب ان فى رشاش ضعيف
او فيشة رشاش عاوزة تنضف

اؤلك
الميكانيكى الشاطر لازم يلف ويدور حولين العيب
لو انا مكان الميكانيكى لازم لازم لازم افك البوجيهات
عارف لية
لان لو في نتشة زى ما حضرتك بتقول اكيد البوجية المتسبب فى النتشة مش هايكون حارق كويس وهايكون علية طبقة كربون او مبيض زيادة عن اللزوم
يبقى طالما حدد ت اى بوجية هو اللى ضعيف اشوف بقى احتمالات ضعف البوجية من اية
واولهم ان السلك نفسة محمص او مخمر
او ان فرع بوبينة البوجية دة ضعيفة
او ان رشاش البوجية دة ضعيف او مسدود سدد جزئى
او ان فيشة البوجية عاملة باد كونتاكت
افضل بقى اجرب احتمال ورا احتمال
ابدل السلوك
ابدل البوجيهات
المهم لازم اوفر احتمالات زوال العيب
بس كدة
انما اية اللى يخلية يقول حساس هواء
طب مهو حساس الهواء هاياثر على اداء المحرك كليا وليس جزئيا
نتشة = عدم الاحتراق الكامل للخليط فى غرفة واحدة صح ولا انا بتكلم غلط