|
احسن طريقه للسير فى المطالع شديده الانحدار للسيارات المانيوال ؟
السؤال هنا مش للطلوع على الكبارى العاديه .
السؤال ده علشان شوفت مطلع جراج منحدر جدا و عربيه بتطلع من الجراج و كل شويه تقف و تبطل و ترجع لورا و بيلعن فى اصحاب الجراج و اللى عملوه و الناس بتقول هو فى مطلع يبقى عامل كده :) . السؤال يطلع ازاى صح من غير ما تبطل منه ؟ |
رد: احسن طريقه للسير فى المطالع شديده الانحدار للسيارات المانيوال ؟
لازم يكون قارص على العربية من قبل ما يفصل الدبرياج بفترة قصيرة
|
رد: احسن طريقه للسير فى المطالع شديده الانحدار للسيارات المانيوال ؟
ممكن ترجمه :) يعنى ايه قارص على العربيه ؟
|
رد: احسن طريقه للسير فى المطالع شديده الانحدار للسيارات المانيوال ؟
قارص على العربية ... تعنى .. دايس بنزين و العربية صوتها عالى ... و طبعا ده على الغيار الاول
و من اللافضل ... اذا امكن ... انه يجرى بالعربية مسافة قصيرة قبل ما يطلع المطلع ... اذا امكن |
رد: احسن طريقه للسير فى المطالع شديده الانحدار للسيارات المانيوال ؟
فعلا
المطلع اللى كدا لازم على الاول فقط و مشلش رجلى من على الدبرياج تماما الا لما الاول يشد حيله |
رد: احسن طريقه للسير فى المطالع شديده الانحدار للسيارات المانيوال ؟
من كام يوم طالع مطلع زي دا ودايس بنزين جامد .. لقيت قدامي فجأة طفل صغير رحت مفرمل لكن العربية بطلت والعربية رجعت لورا والغريب الفرامل ما جابتنيش حتى ان افضل واقف على المطلع لحقت نفسي بفرامل اليد بس بعد ما كنت نزلت تماما من على المطلع ورجعت دورت مرة تانية لحد ما طلعت
|
رد: احسن طريقه للسير فى المطالع شديده الانحدار للسيارات المانيوال ؟
يعنى حضرتك دوست فرامل و العجل وقف و مع ذلك العربية اتزحلقت للخلف ؟!!! الحمد لله ان العربية ما مالتش منك يمين او شمال او خبطت فى الحيط
|
| الساعة الآن 09:10 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017