هواء ساخن من فتحات التكييف
مشكلة وحيدة محيراني في الوزة
و هي خروج هواء ساخن من فتحتات التكييف بيخلي العربية زي الفرن حد واجهه المشكلة دي من قبل؟ و هل هناك حل مقترح لها؟ و جزاكم الله خيرا |
رد: هواء ساخن من فتحات التكييف
اتاكد من زرار تدوير الهواء انة على وضع اون
|
رد: هواء ساخن من فتحات التكييف
جزاك الله خيرا مستر استراعلي سرعه الرد
بتقصد اتأكد منه انه علي وضع تدوير الهواء من داخل السيارة و ليس من الخارج؟ فعلا انا متأكد منه و هو علي وضع اون بالفعل و ما زالت المشكلة و علي فكرة التكييف شغال كويس معايا متشكر ليك مرة اخري |
رد: هواء ساخن من فتحات التكييف
خلى بالك احيانا الزارا بيكون على وضع on وتلاقى الشكل فى لوحة تشغيل التكييف يرمز لتدوير الهواء ولكن الباب بيكون مفتوح
عربية حضرتك موديل كام؟ |
رد: هواء ساخن من فتحات التكييف
السلام عليكم
انا عندي نفس المشكله وفي الاول كنت بحسبها بتخرج من فتحات التكييف فقط وكان الحل اني باقفل فتحات التكييف لكن قفلت فتحات التكييف ولقيت برده فيه حراره بتطلع عليا وكان حرارة المكنه كلها بتهب عليا مع العلم ان الحمد لله العربيه حرارتها مظبوطه وعربتي موديل 2008 وفيه ناس بتقول انها ظهرت معاها المشكله دي كمشكلات فرديه في العربيه ال 516 وان حلها ان التوكيل بيفصل دورة السخن من التكييفوساعتها مبيبقاش فيه الحراره دي بس ساعتها برده مش هيبقا فيه تكييف سخن وبصراحه لسه مجربتش الحل ده عندي لسه شوية مشاكل اهم باظبطها في العربيه بعدها ان شاء الله هفضاله ولو عملته هبلغكم بالنتيجه |
رد: هواء ساخن من فتحات التكييف
انا شبة متاكد ان زرار تدوير الهواء مفتوح حتى لو بيدى شكل انة مقفول فى شاشة التكييف
الـ 2008 فلتر التكييف بتعها فى الصالون وتحديدا تحت درج الطابلون كمان موجود فى الحتة دى باب تدوير الهواء ومع التراب الناعم الباب بيعجز انة يقفل قفل تام وناء علية بيدخل هواء من خارج العربية للداخل وطبعا الهواء بيكون ساخن اصلا الترس المسؤل عن الحركة دى تملى بيفوت فى سبرانزا لونة ابيض وفيشتة زرقاء وموجود اعلى دواسة الفرامل جهه اليمين |
رد: هواء ساخن من فتحات التكييف
اقتباس:
له تصليح؟لازم اروح لحد ولا له حل ممكن اعمله بنفسي؟ |
الساعة الآن 02:35 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017