ما أفضل سيارة اوتوماتيك فى هذة الفئة ؟
 

السلام عليكم

احتاج المشورة من أهل الخبرة فى أفضل سيارة اوتوماتيك فى فئة المائة الف جنية او المائة وعشرة مثلا

لانى محتاج عربية خلال هذة الايام ومتحير فى الاختيارات

فرجاء المساعدة

وشكرا

رد: ما أفضل سيارة اوتوماتيك فى هذة الفئة ؟
 

متسوبيشى لانسر والهيونداى ماتريكس والنترا

رد: ما أفضل سيارة اوتوماتيك فى هذة الفئة ؟
 

لو بتتكلم فى مستعمل
يبقى النترا 2010 المهم الشكل القديم وخلاص اى موديل بقى مش فارق ....المهم حالة وعداد قليل

رد: ما أفضل سيارة اوتوماتيك فى هذة الفئة ؟
 

اشكرك على ردك ومساعدتك اخى احمد

ممكن افكر فعلا فى المتسوبيشى كجديد
والماتريكس كمستعمل لانها توقف انتاجها كما تعلم

اما النترا صراحة لا اشعر بالراحة فى التفكير فيها

والحقيقة اذا ما قارنت بين المتسوبيشى والماتريكس اجد راحة كبيرة لاختيار الماتريكس
لانها عملية اكثر ومقعد السائق مرتفع عن الارض نسبيا فيعطى راحة فى الرؤية اكثر

هى النقطة الوحيدة التى تشعرنى بالقلق الفتيس الاوتو
اخاف من ظهور مشاكل كبيرة او يكون لا يعتمد علية
لذلك طرحت سؤالى عليكم لكى اطمئن

.

رد: ما أفضل سيارة اوتوماتيك فى هذة الفئة ؟
 

والله يا اخى الكريم انا لا اجد راحة للالنترا عموما ولا ادرى ما السبب :F_14WA~16[1]:

لكن اذا كنت شايف انها بالاعتمادية الجيدة والفتيس الاوتو لن تقابلنى فية مشاكل
يبقى لابد لى من اعادة تفكير فيها بجدية
لانى انسان عملى وافضل الشئ الجيد

اشكرك لتفاعلك
خالص تحياتى
.

رد: ما أفضل سيارة اوتوماتيك فى هذة الفئة ؟
 

طبعا لا غبار على الماتريكس من ناحية الاعتمادية عريبة زى الطوبة فعلا
لكن ودة مش راى لوحدى قاعدة الكنبة الخلفية فى منتهى السؤ

وطبعا انا مستغرب من رفضك للـ النترا الشكل القديم دى حتة ملبن يا باش مهندس

رد: ما أفضل سيارة اوتوماتيك فى هذة الفئة ؟
 

انا مش رافض الالنترا الشكل القديم بشكل قاطع
يمكن معلوماتى عنها قليلة وهذا اللى خلانى لا اعرفها جيدا واشعر بعدم ارتياح

عموما سأقوم بعمل بحث عنها لاقترب منها اكثر واتعرف عليها اكثر

اما بالنسبة للماتريكس
سمعت كثير بالفعل عن ارهاق القعدة الخلفية
لكن هذا فى كل موديلاتها ؟

واية رأيك فى الصينى ؟
مثلا BYD
او الايمجراند

لاحظت من خلال متابعتى للبى واى دى انها اصبحت سيارة ناجحة فى فئتها ويمكن الاعتماد عليها

.