عربية زيرو في حدود 50 الف ايه الاحسن ماروتي 2014 ولا شانا بيني ميني 2014 ؟
 

السلام عليكم :)
ان شاء الله قررنا نجيب عربية و الحمد لله و بعد ما دورت في المستعمل علي حاجات كتير .. الناس خوفتني من المستعمل باني هصرف عليه فلوس كتير و نصحوني اني اجيب حاجه جديدة .. الميزانية متسمحش باكتر من 50 الف .. و لما شوفت اسعار الزيرو 2014 ملقتش حاجه مناسبة غير سوزوكي ماروتي تعمل 47 الف و شانا بيني ميني كاملة مانيوال تعمل 49.900 .. السؤال بقي ايه الاحسن فيهم مع مراعاة ان انا اللي هسوق العربية و دي اول مرة ليا خالص .. عايزة اعرف ايه منهم يستحمل و قطع الغيار كمان نظامها ايه و التوكيل يعني اي معلوووووومه ممكن تفيدوني بيها ابقي متشكرة اووووي :)

و طلب تاني معلش انا غلسه شويه .. انا كمان لسه متعلمتش السواقه فا ايه الافضل اتعلم مع حد و لا اروح مدرسة سواقة ؟؟ مع مراعاة اني من اسكندرية .. و كمان الرخصة اطلعها ازاي

معلش انا محتاسة اووووي استحملوني .. انا لسة مسجلة جديد في المنتدي و دي اول مشاركه يا ريت تساعدوني

و شكرا مقدما :)

رد: عربية زيرو في حدود 50 الف ايه الاحسن ماروتي 2014 ولا شانا بيني ميني 2014 ؟
 

اولا ماتتعلميش سواقه على عربيه زيرو ثانيا الشانا بينى ممتازه كماليات كتيره العيب الوحيد انها صينى اوسع بكتير من الماروتى بس الماروتى يابانى فسعر اعادة البيع للماروتى مرتفع لكن الشانا لأ انا عن نفسى باذن الله هابيع ال28 بتاعتى واجيب شانا بينى

رد: عربية زيرو في حدود 50 الف ايه الاحسن ماروتي 2014 ولا شانا بيني ميني 2014 ؟
 

متشكرة اوي لرد حضرتك .. بالنسبة لاعادة البيع فا كل العربيات بتخسر ده غير اننا قررنا نجيب جديد عشان تقعد معانا وقت اطول لان العربية بالنسبالنا مجرد وسيله بس ترحمنا من المواصلات يعني فكرة البيع بعيده شوية الا لو جدت ظروف .. بس يا ريت حضرتك تفيدني اكتر لان مع الوقت اكيد العربية هتحتاج قطع غيار فا هتكون متوفرة و لا لاه للشانا .. و الوكيل ده اعرفه ازاي .. و تمام كدا ان شاء الله هتعلم ع عربية تانية .. بس اروح مدرسة و لا ايه و هل المدرسة بتاعة المرور بتعمل السواقة من الالف للياء و لا لازم يبقي في جنبها مدرب خاص او مدرسة تانيه ؟؟ .. و كمان الرخصة اطلعها ازاي ايه الخطوات يعني ؟؟ .. و هل في بدليل تاني غير العربيتين دول و لا لاه ؟؟
معلش انا مزعجه بس انا معرفش حاجه في اي حاجه في موضوع العربيات و السواقه ده

رد: عربية زيرو في حدود 50 الف ايه الاحسن ماروتي 2014 ولا شانا بيني ميني 2014 ؟
 

ده غير ان مجرد كلمة انها صيني قلقاني .. هي عجباني شكلا و امكانيات اوووووي .. فا عايزة حد يطمني لاني لو جبتها هبقي ادبست خلاص مفيش مفر

رد: عربية زيرو في حدود 50 الف ايه الاحسن ماروتي 2014 ولا شانا بيني ميني 2014 ؟
 

بالتوفيق ان شاء الله وربنا يحفظ عربياتنا من سواقتك وانتى بتتعلمى


اول شىء حضرتك تتعلمى على مانيوال وتشترى مانيوال اول امره فى حياتك عشان فى المستقبل تقدرى تسوقى كل العربيات والاتوماتيك هاتبقى سهله بالنسبالك اوى بعدين لمما تحبى تغيرى وكمان مش هاتبقى مجبره انك تشترى اتوماتيك بفرق سعر بيوصل احيانا ل 10 الاف جنيه مابين الاتوماتيك والمانيوال فى بعض الانواع ده بسبب انك اتعلمتى على اتوماتيك فا هاتقابلك المشكله دى بعدين لمما هاتغيرى تمام كده دى نمره واحد

بالنسبه لحد ماعندوش خبره وقرر يسوق يبقى لازم اشترى العربيه الشعبيه وقطع غيارها رخيصه واى حد بيشتغل فيها وحاجتها موجوده كتير ولو عطلت لاقدر الله الاقى تاكس ينقذنى تبقى الفيرنا مثلا انسب شىء ممكن تجيبى حاجه 2011 مانيوال وتقسطى العشر الاف فرق دول وهاتبقى راكبه عربيه صالون ونضيفه وحماله اسيه وموديل قريب وكامله من كله وخصوصا فى الصيف مابتسخنش ومافيهاش مشاكل خالص وبتلف مصر تاكس وحاجتها برخص التراب

وربنا يوفقكم وتلاقوا افضل اختيار بس الماروتى عربيه صغنطوطه اوى ولو ركبتيها اول مره مش هاتعرفى تسوقى عربيات كبيره بعد كده

ده راى ممكن صح وممكن يكون خاننى التعبير فى حاجه منه
بالتوفيق:vctry:

رد: عربية زيرو في حدود 50 الف ايه الاحسن ماروتي 2014 ولا شانا بيني ميني 2014 ؟
 

ههههههههه و الله انا نفسي خايفه علي الناس و عربياتهم من سواقتي بس ربنا يستر ان شاء الله

انا كدا كدا هجيب مانيوال عشان فرق السعر زي ما حضرتك قولت .. بس فكرة التقسيط مش هتنفع .. بس افهم من كلام حضرتك ان شانا وحشة و الماروتي هي اللي كويسة بخلاف طبعا انها صغيرة ؟؟ و لا حضرتك لسه مش مجمع معلومات عن شانا .. و يا ريت تقولي فكرتك ايه عن الصيني عامة .. انا بصراحه مبقتش فهماه ناس بتشكر في الصيني و ناس لا و تخوفك منه في حين ان اسبيرانزا ما شاء الله منتشرة
و يا ريت تفيدني في حكاية تعليم السواقه مع مدرب و لا مدرسة و لا مدرسة المرور .. و كمان الرخصة
و شكرا علي ردك اوي و معلش هتعبك معايا :)

رد: عربية زيرو في حدود 50 الف ايه الاحسن ماروتي 2014 ولا شانا بيني ميني 2014 ؟
 

الصينى على حسب يعنى مثلا العربيه بريليانس جالينا او جيلى شانا الاتنين صينى بس فرق السما من الارض بينهم الجالينا موتور ميتسوبيشى وعفشه بورشه ولو هاختار بينهم بنفس السعر هاركب جالينا مثلا 2009 فخامه وواسعه وليها احترامها فى الطريق الماروتى تعتبر ملطشه اى عربيه بس متفقين على ان الاتنين فيهم بعض العيوب فى الصيانه واسعار قطع الغيار وتوافرها انما العربيات تجميع محلى بالنسبالك افضل مثال الهيونداى بتشتريها وتمشى بيها ولمما بتبيعيها بتكسبى فيها عشان خبرتك ضعيفه بلعربيات هى هاتكون افضلهم لاقدر الله وانتى بتتعلمى طلعتى على الرصيف وده وارد وعادى كلنا ركبنا عالرصيف بس بالهيونداى ممكن تصلحى ب 200 جنيه انما بغيرها الله اعلم عشان كده برشحلك المحلى بقوه الماروتى حلوه بس بالنسبالى لو معايا 50000 جنيه هاركب هيونداى او عربيه صالون مضمونه بصراحه رغم انى مهندس وفاهم العربيات كويس وركبت موديلات مختلفه ممكن تشوفى حاجه فى الهيونداى وموجود كتير حالات هاتبقى بالخمسين وافضل من الماروتى زيرو وتعيش معاكى وموديلات من 2011 وانتى طالعه مايعتبرش مستعمل فى حاجات كسرزيروه تسوى 100 الف جنيه وبتتباع ب50000 وصاحب القرش صياد فا ماتستعجليش على الشراء
وبالنسبه للسواقه انا عالنفسى اتعلمت بنفسى وانا بتفرج على والدى وهو بيسوق عليه رحمه الله واهم حاجه انك اى حد بتركبى معاه انتى تراقبيه بيعمل ايه واساليه ودى طريقه سهله السواقه حاجه عبيطه جدا وممكن تتعلميها فى يومين تلاته بعدين هاتتعودى وتتعلمى الباقى من نفسك عشان ماحدش يفتيلك كتير وياخد منك تمن حصص عالفاضى خليكى فى حد معرفه يعلمك بطريقه بلدى هاتستوعبى اسرع المهم تشيللى الرهبه من جواكى عشان ماتكسريش العربيه

واى استفسار تحت امرك واى حد من الاعضاء
01011147247 م يوسف