مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   128 FIAT (https://www.masrmotors.com/vb/forumdisplay.php?f=199)
-   -   موضوع مفتوح للنقاش -ازى نرفع كفائة التبريد موتور 128 (https://www.masrmotors.com/vb/showthread.php?t=129592)

sasao 11-06-2014 03:29 PM
موضوع مفتوح للنقاش -ازى نرفع كفائة التبريد موتور 128
 
السلام عليكم ورحمة الله وبركاتة

اصدقائى لى سؤال وياريت لو حد عارف اجابة او حته اخترع يمكن يتنفذ
هو - ازى منخليش العربية 128 دى تسخن حتى لو درجة حرارة الجو 50 درجه ؟
ايه اللى ممكن نعمله علشان الحرارة تبقى 85-90 على سبيل المثال ومتعديش حتى 95 درجه
منتظر الاراء ...................:w6w20 0504112245306e:w6w2005041 12245306e:12422A~17:ايه ياترىايه ياترى

zing0 11-06-2014 05:25 PM
رد: موضوع مفتوح للنقاش -ازى نرفع كفائة التبريد موتور 128
 
مش إختراع, دى الحلول اللى أتعملت و أثرت فعلاً فى التبريد مع كل العربيات القديمة (هنا الكلام عن اللادا بإعتبارها من أكتر العربيات اللى بتسخن)
* الكلام ده منقول من كذا عضو فى النت كله
اقتباس:
الريداتير وطرمبة المياة هما متنفس هذة السيارة الوحيد ، ويجب مراجعتهما معاً : بالنسبة للراديتير لازم يكون نحاس 3 ماسورة أصلى أو يتعمل عمولة من ريداتير استيراد يابانى او المانى كبير بيتقطع على قد العربية وتركب علية العلب بتاعة ريداتير العربية وبلاش تجيب جديد مصرى :
أما بالنسبة لطرمبة المياة فيمكنك التعرف على صلاحيتها من خلال مسكها باليد وهزها اذا كانت بتلق(مبوشة ) لازم تغيرها وتجيب واحدة روسى أصلى أو المانى (موجودة المانى ب 100 ج)
وقبل أى مصروف لازم تراجع التاكيهات لأنها لو مزنوقة يعنى مقفولة تولع العربية وتأكلها بنزين
ومقاس ضبطها بفللر 25 سواء الصيف او الشتا.......يبقى الخلاصة
1- ضبط التاكيهات
2- مراجعة الريداتير وطرمبة المياة وضبط كهرباء الاسبراتير لأن الكهربا لو كتير بتسخن بردة
يبقى مشوار للميكانيكى وبعدة مشوار لصنايعى الريداتير
---------------------------------------
الاجابة عن خبرة 6 سنوات فى الادا
اولا تنظيف الريداتير واصلاح اى تسريب بيه ثانيا عند فنى اصلاح الريداتير خليه يحط كمرة كوتش جديدة فى وصلة المياة
كانك تعمل طبة ليها اى متخصص ريداتير حيعرف يعمل اللى باولك عليه ده السبب فى سخونة الادا 2105
لان المروحة بيها تعمل ديركت مع المتور وليست اتوماتيكيا
وباذن الله مشكلة السخونة تنتهى

-------------------------------------------
الحل الوحيد انك تشيل القميص بتاع الريدياتير وتركب المروحة الكبيرة على طرمبة المية وانسى السخونة نهائيا
========================= ====================
طب نسمى ونقول على اشهر عيب فى لادا او ما يشاع عنها وهى السخونة

فى حلين والاتنين عملتهم والحيثيات كالاتى
لادا 2107 موديل 85 موتور 1600
تم تركيب ردياتير نحاس 3 ماسورة وتركيب مروحة 6 ريشة خفيفة تستمد حركتها من سير مربوط بالكرنك وراكبة على طمبورة اصغر من طمبورة الفبريكة
النتيجة مؤشر الحرارة لا يتعدى المساحة البيضاء فى مختلف ظروف التشغيل ( اشارات ،،،طريق مفتوح )
الحل الثاني
تم عملة فى لادا 2107 موديل 2007
تم ترك الردياتير الالومنيوم اللى العربية بتنزل بية
تركيب مروحة كهرباء على الردياتير وتركيب سينسور 82:60
النتيجة بعد تشغيل المحرك لفترة قصيرة جدا المؤشر يوصل لاول المنطقة الخضراء ولا يمكن باى حال من الاحوال ان يتعدى المنطقة الخضراء يعنى المروحة تبدا عملها اخر الاخضر الى ان تصل بالحرارة الى اول المنطقة الخضراء
والحلين تم نزع ثرومستات الحرارة اللى راكب فى الكوع

sasao 11-06-2014 11:12 PM
رد: موضوع مفتوح للنقاش -ازى نرفع كفائة التبريد موتور 128
 
تسلم ايديك يا باشا على هذة الحلول بس
وارجو من باقى الاعضاء المشاركة
:pod_of_gold::THUMB_~112: :THUMB_~112::THUMB_~112:: THUMB_~112:

momen_bondok 22-06-2014 04:15 PM
رد: موضوع مفتوح للنقاش -ازى نرفع كفائة التبريد موتور 128
 
من واقع التجارب
1- يكون عندك ردياتير 3 ماسورة لو فية اى حاجة عايزة تتلحم تعملها فورا
2- التاكد من ان جميع الوصلات جيدة (يعنى مش بتسرب ولا لما تضغط عليها تكون ناشفة)
3- التاكد ان مروحة التبريد تعمل بصورة جيده
4- ثرموستات المروحة مهمة جدا
5- طرمبه المياه مهمة جدا جدا لانها ممكن تهرب المياه (حصل معايا بالفعل وحلها التغيير)
6- غطا الردياتير والقربة مهم ايضا انهم يكونو نوع كويس
7- لو عرفت تعمل مفتاح تتحكم منه بالمروحة من داخل الصالون يبقى ممتاز (انا عندى كدة)
بصراحة دة اللى انا فاكرة دلوقتى وعذرا على عدم الترتيب

eng_mo 05-07-2014 04:07 AM
رد: موضوع مفتوح للنقاش -ازى نرفع كفائة التبريد موتور 128
 
شكرااااااااااااااااااا

شيكو صباح 16-07-2014 12:01 PM
رد: موضوع مفتوح للنقاش -ازى نرفع كفائة التبريد موتور 128
 
مروحه اكسيل وودع السخونه نهائي

coly 23-10-2014 10:31 AM
رد: موضوع مفتوح للنقاش -ازى نرفع كفائة التبريد موتور 128
 
نرجوا من المشرف تثبيت الموضوع ، وشكرا علي المعلومات المفيدة.


الساعة الآن 12:54 AM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017