|
باركولى يا رجالة على العربية
الحمد لله جبت عربية لانسر كلاسيك 2006
عاملة 82000 كيلو متر كنت عايز نصايحكم عن الحاجات اللى تتعمل يعنى اغير سيور وبوجيهات ؟ ومشكورين مقدما |
رد: باركولى يا رجالة على العربية
اول حاجه تعملها حتما ولا بد وعاجل وفورا تعزم المنتدي كله علي حاجه ساقعه
الف مبروك ربنا يباركلك فيها ويكفيك شرها |
رد: باركولى يا رجالة على العربية
بس كدة ده انت تامر يا باشا
|
رد: باركولى يا رجالة على العربية
الف مبروك على العربية .... ربنا يديك خيرها و يكفيك شرها
هل المالك السابق غير طقم سيور ؟؟؟؟ ده مهم جدا علشان السيور كلها لازم تتغير على 80 الف كم ... لو حضرتك مش متاكد ... غيرهم و امرك لله |
رد: باركولى يا رجالة على العربية
الف مبروك وربنا يديك خرها و يكفيك شرها
وبالنسبة للبوجيهات لو هو مغيرش لازم عشان العربية معدية ال80 الف |
رد: باركولى يا رجالة على العربية
لازم لما تجيب عربية تغير شوية حاجات فيها من الصيانة علشان تمشى وانت مستريح ان شاء الله
الفلاتر والسيور والبوجيهات لانها عدت 80الف ممكن تساله ايه الى انت مغيره لو ماعرفتش لاى سبب يبقى غير وريح دماغك وماتنساش تراجع على تيل الفرامل قدام وخلف لان ده من امان السيارة لا تتهاون فيهم وروح مغسلة كده ونضف الريداتير والكوندينسور واعزل خراطيم الفريون الساقعة علشان التكيف يظبط معاك يعنى ظبط نفسك لو انت غاوى شغل فى العربية بنفسك بالنسبالى متعة انى اقضى بعض الوقت مع عربيتى....... ومبروك على العربية تحياتى |
رد: باركولى يا رجالة على العربية
ألف مليون مبروك |
| الساعة الآن 12:03 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017