انا بساعد الكل ارجو المساعده
 

بصو انا دلوقتى لظروف ماديه و كده معايه 60،000 و شايف ان احسن حاجه ممكن اركبها بيهم هما :
1-اوبل استرا 2004 2005 اتوماتيك
2-رينو ميجان 2006 2005 اتوماتيك
وبالفعل قدامى اتنين مشين حاجه و تمانين الف كيلو و محتااااااااااار فى الاختيار جدا و مش عارف اعمل اه ارجو المساعده

Sent from my GT-I9100G using Tapatalk

رد: انا بساعد الكل ارجو المساعده
 

.........?

Sent from my GT-I9100G using Tapatalk

رد: انا بساعد الكل ارجو المساعده
 

رد: انا بساعد الكل ارجو المساعده
 

هشام بيه شكرا لردك بس ليه الميجان لا انا بصراحه مبهور بالاوبشن الى فيها و شكلها ......؟

Sent from my GT-I9100G using Tapatalk

رد: انا بساعد الكل ارجو المساعده
 

العربيتين ممتازين
انما راى خليك مع الاسترا عشان قطع غيارها اكتر وارخص

رد: انا بساعد الكل ارجو المساعده
 

شكرا مستر استرا ....بس انا عندى استفسار ..اه نظام الاسترا فى البيع لان انا ملاحظ ان الميجان مش بتتباع فهل لو الواحد حب يطلع من الاسترا حيعرف يبيع ؟؟

Sent from my GT-I9100G using Tapatalk

رد: انا بساعد الكل ارجو المساعده
 

ما فيش حاجة مش بتتباع كل العربيات بتتباع
انما العربيات الاروبي عموما مش بتتباع زى الكورى واليابانى
الفكرة فى سرعة البيع
التويوتا بيقولو عليها فى البيع انك معاك شيك فى جيبك تصرفة اى وقت انت عاوزة
انما الالمانى بصراحة تقيل شوية وخصوصا الاسترا البرازيلى
عارف الاسترا الالمانى اللى هى 2000 و 2001 بتتباع اسرع ودلوقتى اغلى .... تخييل !!!!
دة فى ناس بتطلب فيها 70 الف
كانت معايا شركة برة وجوة حالة فوق الممتازة بـ 45 الف من 4 سنين تقريبا
الاسترا البرازيلى عربية قوية وناشفة صراحة زيادة عن اللزوم
فيها موتور بقتيس ممتاز لكن فيها عيب مشهور اوى وهو الكنترول بتعها لازق فى المحرك فبيسخن وبيعمل مشاكل
كمان عشان هى متعملتش غير فى البرازيل وعندنا ملها اكسسوار استيراد لازم جديد
كنت بكلم تاجر استيراد اوبل وبقولة لية ملهاس فوانيس واكسوار استيراد
قالى انة سافر البرازيل يجيب انصاص من هناك واكتشف ان الحالات عندنا احسن من عندهم فامجبش
العربية على فكرة اقتصادية جداااااااا فى البنزين
تكيفها حلو كتبريد لكن بيبوظ باستمرار
ثبات ممتاز وفرامل ممتازة
اشترى حالة بغض النظر عن الفلوس وخلى بالك من الطابلون بتعها خصوصا من عند مكان الـ ايرباج
ربنا يكرمك بحاجة كويسة