|
استفسار بخصوص سكودا فابيا 2002
السلام عليكم ورحمه الله وبركاته هذه اول مشاركه لى بالمنتدى وإن شاء الله لن تكون الاخيره انا اشتريت سكودا فابيا 2002 بس العربيه واخدها فاضيه مييييييح ولا باور ولا تكييف ولا سنتر هو احل مافيها فرشها الجلد والجنط الصينى ptmnlo123per145 السؤال هنا يكمن فى هل من الممكن ان اركب باور ليها عشان انا سمعت انه لو عربيه مافيهاش باور وركبتلها باور ده هيزعلها والله اعلم وفيه اللى قالى مينفعش اركبلها تكييف عشان العربيه على سكترات او حاجه زى كده بس كل دول هواة فا مش متأكد من كلامهم !!! ثانيا ممكن فى المستقبل اركبلها تكييف طبعا ازرار وفتحات خروج التكييف موجوده فهل ممكن اركب تكييف وكم سيكلفنى اذا كان ممكن ؟ وسؤال اخير معلش تعبتكم معايا العربيه جايه بموتور 1000CC طبعا مش شديد خالص !! فهل فى المستقبل لما الموتور يحتاج عمره ولا حاجه وحبيت اسقطلها موتور هيكلفنى كام ولو هسقطلها ايه انسب موتور اسقطه ليها ويكون كام CC ? اتمنى الاجابه فى اسرع وقت وشكرا ً |
رد: استفسار بخصوص سكودا فابيا 2002
اولاً تركيب باور وتكييف للعربية هيدخل فى 5 اللاف جنية ان مكانش اكتر والموديل ده اعتقد سعره فى المتوسط 38 الف
فهل بعد ما تركب الحاجات ديه وجيت تبيعها هتجيب تمنها ولا المبلغ ده تجيب بيه عربية كاملة افضل ؟؟ انت اللى تقدر تجاوب على السؤال ده تكاليف تركيب الباور او الموتور هتختلف من مكان لمكان لكن افضل تتعمل فى مركز صيانة معتمد او التوكيل نفسة علشان كده انصحك باستشارة مركز الاقصى (مركز سكودا معتمد ) فى تكاليف الاتنين ونصيحتى متركبش حاجة بالشكل ده بره التوكيل او مركز معتمد ولازم تاخد ضمان على القطع اللى راكبة مركز الأقصى (مركز معتمد سكودا ) يمنح أعضاء المنتدى 15% خصم مركز الأقصى للسيارات (بجوار كارفور المعادي) مدينة زهراء المعادي – المنطقة الصناعية – الشطر الخامس قطعة 62/ع موبايل :- 0100053860/61 أرضي :- (/57/58/59/60) 29178356 مدينة نصر 1 ش حلمي حسن على من هشام لبيب امتداد مكرم عبيد 22875487مبيعات سيارات – إستلام وتسليم سيارات للصيانة |
رد: استفسار بخصوص سكودا فابيا 2002
استاذى الفاضل شاكر لردك وللأسف انا من الاسكندريه واذا كانت التكاليف غالية بالشكل ده فسأكتفى بالباور فقط فهل تعرف تكاليف تركيب الباور داخل التوكيل ؟ وخارجه
انا مايهمنى الباور حالياً ولذلك ارجوا افادتى فى هذا الشأن بصفه عامه وللعلم انا شارى العربيه بـ 34 الف فهل انا بهذا الشكل خسران ؟ السيارة دواخل فبريكه. شكرا لردك وارجوا الرد على موضوع الباور وهل الباور ضرورى تركيبه فى مركز معتمد ام ليست معضله لانك تعلم التكاليف تكون عالية فى التوكيلات. شكرا . |
رد: استفسار بخصوص سكودا فابيا 2002
سؤال اخر هل لمركز الاقصى فرع بالاسكندريه ؟
اسف لتعبك. |
رد: استفسار بخصوص سكودا فابيا 2002
بص يا ميدو الباور ده حاجة ليها علاقة مباشرة بتوجيهه العربية وبالتالى اى خطاء فيه هيبقى خطير جداً
انا لو مكانك واعرف ميكانكى كويس او متخصص عفشة او سكترا وسمعتة كويسة ومطمنله ممكن طبعا اخليه يعملها لكن لو معرفش حد يبقى مش هقدر اثق فى حد غير فى مركز خدمة او فى التوكيل حتى لما تيجى تبيع العربية هتقول انك مركب الحاجات ديه فى التوكيل او مركز معتمد واكيد ده بيفرق بالنسبة لسعر العربية مش وحش وربنا يباركلك فيها بإذن الله بس انا مش عايزك تصرف عليها اكتر من اللازم وتخسر جامد لما تيجى تبيعها فلازم تبص للحسبة ديه دايماً لما تيجى تصرف على العربية (هتصرف عليها كام + انت اشتريتها بكام = لو بيعتها هتجيب كام) هل المعادلة مظبوطة ومتساوية ولا لاء انت الادرى زى ماقوللتك وعلى فكره كمان التكييف لو ركبتة هيفرق فى سعر العربية لما تجى تبيع لكن الباور مش هيفرق اوى انا مش عايز اشتتك بس عايزك تحسبها كويس اما بخصوص مركز الاقصى فانا بعت لحضرتك ارقامه انا معتقدش ان ليهم مركز فى الاسكندرية بس ممكن تتاكد بنفسك كمان فيه مركز اسمة ثرى اس (نور الدين شريف) فى الكيلو 27 طريق الاسكندرية الصحراوى وتليفونة 034704948 |
رد: استفسار بخصوص سكودا فابيا 2002
شكرا لحضرتك على الافاده .
بص انا هقولك على حاجه حقيقيه 100*100 وهى انى عمرى ما اشتريت حاجه فى حياتى وبعتها غير لما خسرت فيها :) فا انا مش هفكر فى الحسبه دى غير لما افكر ابيع وبيني وبينك انا مش ناوى ابيع دلوقتى خالص ويعالم بعد فتره من الزمن سعر العربيات يقل غصب واقتدار وهخسر برضوا فيها . المهم انا بقول ان التكييف دلوقتى مش مهم لسبب واحد وهو ان احنا هندخل على الشتاء والميزانيه حالياً مش هتكفى عشان انا عاوز اظبط اكسسوارات للعربيه .فالتكييفان شاء الله على دخول الصيف الجاى لانى مش هحتاجه حالياً اما بخصوص الباور فده لراحة بالى وانا من النوع اللى بحب الراحه ومش عاوز العب مارعه وانا سايق ptmnlo123per184 عشان كده مضطر اركب الباور مهما كلف انا هتصل بالمركزين واشوف مين اللى كلامه منطقى فيهم وهاروحله ان شاء الله حتى لو اضطريت اروح مركز الاقصى المهم الجوده طبعا وزى ما حضرتك قولت ان اى خطأ فيه خطر . شكراً لحضرتك واسف لازعاجك وصراحتاً المنتدى ده كنت اتمنى انى اجده من زمان واهو الحمدلله لقيته . |
رد: استفسار بخصوص سكودا فابيا 2002
بص يا ياباشا زي ماقال ابو نورا بالظبط تقريبا التكييف حيكلف 3000 وشوية فكة والبور حيدخل في 1700 تقريبا اوزيد حاجة بسيطة بتركييبه وانت في الاول وفي الاخر بتصرف لنفسك مش لحد تاني لدماغك انت فشوف انت ايه اولوياتك وابدأ بيها الاول وحاول متحسبهاش كتير في الاول وفي اليبع والكلام دا من دلوقتي لانك بتظبط مزاجك انت فالمزاج برده بفلوس وياما ناس بتصرف ب20 الف و30و40 الف تظبيطات في العربية ولما بتبيع مش لازم بتجيب تمنها فتوكل علي الله وشوف واحد معتمد في الاسكودا ويعملك البور وهي مش قضية يعني حتجيب حاجتها استعمال اسكترا بور وطرمبة والخراطيم وحاجتها كلها وحيركبهالك وممكن لو انت من اسكندرية تروح لهريسة بتاع الفولكس في محطة الرمل ودا مركز جامد جدا شغال في الفولكس وبشوف عربيات سكودا اوكتافيا كتير بتيجي عنده وربنا يقدم اللي فيه الخير
|
| الساعة الآن 03:44 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017