مية الريداتير بتنقص ده طبيعي ولا فيه مشكله
 

غريت الريداتير و حطيت ميا خضراء و بعد أسبوعين الميا قلت شويه كانت فوق الماكس بشويه عند كلمه ماكس و الان نزلت لحد ماكس تقريبا كل ما اسال حد يقول الميا لازم تفضل ثابته رحت للصنيعي قالي مش هتنقص تاني زودا و تابعها تاني ده طبيعي ولا اعمل ايه

رد: مية الريداتير بتنقص ده طبيعي ولا فيه مشكله
 

لو استمرت فى النقص ..اطلع على بتاع الردياتير يعمل كبس للميه ويشوف لو فى تسريب ..ول انت كنت بتستعمل ميه حنفيه الاول وبعدين استعمل ميه خضرا ممكن يكون حصل بعض التسريب نتيجه الصدأ

رد: مية الريداتير بتنقص ده طبيعي ولا فيه مشكله
 

طيب انا فعلا كنت بستخدم ميا حنفي بس من فتره و غريت خضرا من فتره طيب تسريب الصدا الي انت بقول عليه ده يعالج ولا ملو أضرار يعني اعالجه ولا عادي اسيبه

رد: مية الريداتير بتنقص ده طبيعي ولا فيه مشكله
 

عزيزي

تعمل غسل دورة تبريد المحرك وتستعمل مية موبيل الزرقاء تركيز 33% فقط


تحياتي

سيف

العراق

رد: مية الريداتير بتنقص ده طبيعي ولا فيه مشكله
 

لو فيه تسريب غالبا بيكون من فين بالضبط و علاجه ايه

رد: مية الريداتير بتنقص ده طبيعي ولا فيه مشكله
 

التسريب ممكن يكون فى اى مكان فى دوره التبريد يعنى خراطيم ...غطاء قربه ..افيز...وببساطه عمليه الكبس لليمه بتبين بسرعه جدا المشكله فين ..لكن مبدئيا ممكن تشترى غطاء قربه جديد .....

رد: مية الريداتير بتنقص ده طبيعي ولا فيه مشكله
 

اصبر شوية
ممكن نقصان المياه لوجود هواء بدائرة التبريد والهواء طلع ودخل مكانة مياه
فنصبر شوية لو فضلت على نفس المستور يبقى تفتح الغطاء والعربية باردة تماما وتزود لغاية العلامة وتقفل الغطا تانى
لو فضل النقصان مستمر يبقى اولا تشيك على الغطا
ثانيا تتابع اى تسريب فى الدورة بالكامل
مش عاوز اوصيك على تسليك ماسورة المياة الرفيعة اللى جنب مسطرة الرشاشات لان تملها بتتسد