رجه فى السلاسنية مع تشغيل التكييف
 

السلام عليكم
السيارة فيها رجه على السلانسيه بتخف بنسبة 80 % لما بشغل التكييف
غيرت بوجيهات وفلتر هوا وزيت ونظفت الثرتل بدى وايدل فلف، واعدت برمجة
ولم يتغير الحال
هل حد جرب هذا الامر وما الحل؟

رد: افيدونا اكرمكم الله
 

نوع السيارة وسنه الصنع والموديل

رد: افيدونا اكرمكم الله
 

السلام عليكم ورحمة الله
دائما سباق ومحب لافادة الاخرين بارك الله فيك romeoalmansour
السيارة متسوبيشي اوتلاندر موديل 2004، 2400 سي سي

رد: افيدونا اكرمكم الله
 

شكرا لشخصك الكريم - كلنا اخوات في مصر موتورز وكلنا تحت امرك في اي خدمة مطلوبة
الاوتلاندر 2004 عربية جميلة جدا - ربنا يبارك لك فيها
الرجة دي ان شاء الله سببها الاتي بالترتيب ان شاء الله
الايدل فالف : لم يتم تنظيفة جيدا
حساس كمية الهواء محتاج يتنظف
ممكن يكون الوقود مش نظيف - فيه ميه علي سبيل المثال
حساس الـ (EGR) محتاج تنظيف
وجود رشاش او اكثر به مشكلة
حساس درجة حرارة المياه او الهواء
اغلب الظن بنسبه كبيرة لانك لما بتشغل التكييف الرجة بتخف انه الايدل فالف
ياريت تقولي
الرجة دي والعربية باردة او سخنة
القواعد سليمة ولا مكشفتش عليها
الرجة دي حصلت امته وايه اخر اصلاحات عملتها

والله اعلي واعلم

.

رد: افيدونا اكرمكم الله
 

السلام عليكم
وجزاكم الله خير اخى روميو المنصورة
اولا انا شارى السيارة من خمس شهور والرجة دى فيها من ساعة مشريتها
ثانيا انا نظفت الايديل فالف وحساس الهوا جيدا بنفسي
ثانيا البنزين نظيف لأنى بحط بنزين 95 ومن اكثر من محطة،وانا فى البحرين فمعتقدش ان فيه مشكلة
ثالثا البخاخات تم تنظيفها لدى متخصص وتم اختارها من قبل المكانيكى
رابعا الرجة لما تكون العربية واقفة سواء هى باردة او سخنه
خامسا انا اعرفش مكان حساسات درجة الحرارة او الهوا و (EGR)
اخيرا جزاكم الله خيرا

رد: افيدونا اكرمكم الله
 

وعداد الار بي ام (rbm) عند كام والعربية سلنسية (idle) وكام لما بتشغل التكييف
فيه حد قريب من حضرتك ممكن تكشف عنده كمبيوتر


واهلا ومرحبا باهل البحرين الاعزاء

رد: رجه فى السلاسنية مع تشغيل التكييف
 

السلام عليكم، وجزاكم الله خيرا، على فكرة انا مصر باعمل فى البحرين
اولا عداد الار بي ام (rbm) والعربية سلنسية عند حولي 700 ولما بشغل المكيف بيرتفع الى 900
ثانيا للاسف معرفش حد كويس للكشف بالكمبيوتر
يا ريت تشاركنى افكارك فى تشخيص العطل
بارك الله فيك