استفسارات واسئلة الى مهندسين السيارات
 

يراود اصحاب السيارت اسئلة كثيرة وعلشان كدة فكرت اننا نسال وكانة برنامج للحوار مع المهندسين وطبعا معانا اساتذه مهندسين متخصصين كتير افاضل فى المنتدى

1 . هل هناك طريقة للحفاظ على موتور السيارة وهل يمكن غسيل الماتور من الداخل للحفاظ علية بعد سنة او 2 من شراء السيارة وبزات لو السيارة بتتعمل فى الايجار للحفاظ عليها او تستعمل ذات مشكة عالية وكيف يتم ذلك

2 . افضل انواع الزيوت وبزات للسيارات لانسر وما الفرق بين مختلف انواع الزيون الموجودة فى السوق
ولا استعمال الزيت من التوكيل دة بيكون من باب الاتفاق التجارى بين شركة الزيت والتوكيل وكلة عادى

3 . هل يتم غسيل الفتيس هو الاخر بطريقة معينة من الداخل وبذات فى الفتيس الاوتوماتيك ولا نكتفى فتنزيل الزيت القديم واضافة زيت جديد ولا نكتفى باننا نزودة فقط ومتا يفضل ذلك للسيارات الحديثة


على فكرة دة اسئلة مبدئية ولسة ومعلش نوين نتعبكم معنا شوية

رد: استفسارات واسئلة الى مهندسين السيارات
 

لا يوجد طريقة لغسل المحرك و لا علبة التروس,
هذه المهمة يتولاها زيت المحرك, فهو يقوم بغسيل المحرك و ازالة الأتربة و القطع الدقيقة.
للحفاظ على محرك السيارة لأطول وقت ممكن :
- تغيير الزيت فى مواعيده, مع تغييره بمعدل أسرع فى فصول الصيف.
- عدم الضغط على المحرك و تجنب الوصول به لسرعات دوران عالية قدر الامكان.
- تجنب الزحام بقدر الامكان.
- تجنب ظاهرة الصفع تماما(تحدث عند تحميل المحرك على سرعات منخفضة جدا) و تشغيل المحرك على سرعة مناسبة للحمل الموجود فى السيارة.
- مراعاة تسخين السيارة صباحا.
- عدم السير بالسيارة اذا زادت الحرارة عن الحد المسموح به, و اصلاح أعطال دورة التبريد بأسرع ما يمكن.

بالنسبة لنوع الزيت, فلا يوجد فروق حقيقية بين نوع زيت و أخر, لكن تختلف درجات الزيوت من تخليقية الى معدنية, و طبعا يجب استعمال نوع الزيت المناسب لتصميم محرك السيارة, لكن مش هتفرق موبيل أو اسو أو شل أو كالتكس, كلهم قريبين من بعضهم فى الأداء.

رد: استفسارات واسئلة الى مهندسين السيارات
 

اهم حاجه الصيانه و العنايه بالعربيه
يعني تغيير الزيوت في مواعيدها
الكشف دايما على مستوى السوائل
نضافه الفلاتر و تغييرها
تربيط العفشه و الكشف عليها كل فتره

السلاسه في السواقه
يعني الغيار المناسب مع السرعه المناسبه و عدد دورات متوسطه قدر الامكان
الدورات العاليه للموتور بتقصر عمره وكمان عدد الدورات القليله بيتعب الموتور و بيحمل عليه
زياده السرعه دايما بالتدريج .. الزيادات المفاجئه تتعب الموتور على المدى البعيد

الصيانه مش لازم في التوكيل .. ممكن عند اي حد كويس بس تكون كامله للعربيه ... كهربا - عفشه - زيوت - سوائل - ....
يعني مثال بسيط لو في قطع في كاوتشه الكبالن بتتغير .. لكن لو اهملت بتدخل اتربه للكبالن و تبوظها

فدايما الصيانه بدري بدري و تصليح اي عيب في اوله حتى لو بسيط احسن حاجه
معلش هو كلام مهندس مش متخصص خالص .. بس قلت ازوق بأي حاجه اعرفها يعني ptmnlo123per1127

رد: استفسارات واسئلة الى مهندسين السيارات
 

رد: استفسارات واسئلة الى مهندسين السيارات
 

نحن فى انتظار ردود وتفسيرات السادة مهندسين السيارات

وتابعونا فى استفسارات اخرى هتفيد الجميع

رد: استفسارات واسئلة الى مهندسين السيارات
 

موضوع جميل يا أ/سيف
الحقيقة مش لاقى إضافات كتيرة بعد الكلام الجميل من ا/فادى و البشمهندس سامح بس اوضح بعض النقاط
1. هل هناك طريقة للحفاظ على موتور السيارة وهل يمكن غسيل الماتور من الداخل للحفاظ علية بعد سنة او 2 من شراء السيارة وبزات لو السيارة بتتعمل فى الايجار للحفاظ عليها او تستعمل ذات مشقة عالية وكيف يتم ذلك
بالطبع يمكن الحفاظ على محرك السيارة بعد 20 سنة و ليس سنة أو 2 كالأتى
أ - القيادة السلسة و المرنة و إعطاء الغيار المناسب فى الوقت المناسب ( عدد اللفات و سرعة السيارة )
ب - تغيير زيت المحرك فى مواعيده و إن كانت هناك ظروف شاقة كالإيجار مثلا و العمل فى الصيف حيث الحرارة المرتفعة نفضل تغيير الزيت قبل موعده
ج - تغيير البوجيهات و فلتر البنزين و فلتر الهواء و مياه التبريد فى مواعيدهم بالتاكيد سيكون له أثر إيجابى على إطالة عمر المحرك
د - معظم السيارات الحديثة بها محركات ذات نسبة إنضغاط عالية لذلك أنصح بإستخدام بنزين ذو أوكتان مناسب ( عالى )
ه - أفضل إعادة تمويل السيارة بالوقود عند منتصف مؤشر البنزين و ذلك يؤدى لعدم سحب الترسبات من التنك إلى الفلتر و قد يمر أجزاء غاية فى الدقة للمحرك مما يؤثر عليه سلبا
و - بالطبع يمكنك غسل المحرك من الخارج بالفوم أو بالماء و لكن بشرط ألا تلمس المياه اى فيشة لأى حساس و لمزيد من الامان أنصح بطلب عسيل المحرك بالفوم داخل مركز الخدمة و ليس بأى محطة وقود
و بالطبع من البدهى ان نقيس مستوى زيت المحرك و مياه التبريد قبل إدارة السيارة


. افضل انواع الزيوت وبزات للسيارات لانسر وما الفرق بين مختلف انواع الزيون الموجودة فى السوق
ولا استعمال الزيت من التوكيل دة بيكون من باب الاتفاق التجارى بين شركة الزيت والتوكيل وكلة عادى
الزيوت كفائتها متقاربة للغاية المهم ان تعرف بعد كم كيلو متر سيتغيير الزيت و بالطبع هى إتفاقيات و مصالح مشتركة بين مراكز الخدمة و صانعى الزيوت
ميتسوبيشى و نيسان و فيات يستخدمون موبيل و بى إم دبليو و أرتوك وكيل سكودا يفضلون توتال


. هل يتم غسيل الفتيس هو الاخر بطريقة معينة من الداخل وبذات فى الفتيس الاوتوماتيك ولا نكتفى فتنزيل الزيت القديم واضافة زيت جديد ولا نكتفى باننا نزودة فقط ومتا يفضل ذلك للسيارات الحديثة
نقوم بغسل دورة زيت الفتيس بالكامل و يوجد ماكينات مخصصة لعمل flashing لدورة التزييت او نقوم بغل الفتيس من الداخل بزيت لتنقيه الفتيس من أى شوائب ثم نضع زيت جديد نظيف تماما

رد: استفسارات واسئلة الى مهندسين السيارات
 

إيه الجمال دة كله
شكرا يا جماعة على المعلومات القيمة دى
ومزيد من التقدم