|
لكل من يمتلك ﻻنوس 99
العربية لما بتدوس جامد على دواسة البنزين متسحبش خالص وبسمع صوت جعرة ولما اشيل رجلى من على دواسة البنزين براحة العربية تسحب وتجرى مع العلم مغير بوجيهات وموبينة وطقم سلوك وكمان فى حاجة تانى فى دخنة سوداء عند الضغط على دواسة البنزيىن جامد وكمان rpm بيوصل لغاية 3اخرة وكشفت على العربية كمبيوتر قالى الحمد للة كل شغال تمام ياريت ياجماعة حد يفدنى اعمل اية
|
رد: لكل من يمتلك ﻻنوس 99
اخى الكريم نفس المشكله كانت عندى غيرت الأتى فلتر الهواء وفلتر البنزين لو مفيش تحسن غير طلمبه البنزين وطقم رشاشات كان استهلاك البنزين كبير اتمنى اكون افادت حضرتك
|
رد: لكل من يمتلك ﻻنوس 99
الف شكر يا اخى الكريم على سرعة الرد حغير الفلاتر وحجرب مع انى لسة مغير فلتر بنزين من حوالى شهر بس ممكن يكون الرجة اللى فى الطلعة من طرمبة البنزين
|
رد: لكل من يمتلك ﻻنوس 99
متابع واية راى باقى اﻻعضاء
|
رد: لكل من يمتلك ﻻنوس 99
لو فى رجة فى الطلعة تشك ان طقم الدبرياج تعبان
الدخان الاسود غالبا بسبب فلتر الهوا مسدود جامد ( مغيره من كام الف كم ؟ ) او ان حساس الاكسوجين تعبان و مش مدى كود خطأ بس المفروض يبان على السكانر القرائات بتاعته حكاية ال rpm اخره 3000 : هل و هى واقفة و دوست بنزين من الدواسة برضه اخره 3000 ؟ و بخبرتك مع الصوت كدا هل فعلا الماتور مش جايب عالى ؟ اصل ممكن يكون العداد مش مظبوط هل لو زودت بنزين من البكرة مباشرة نفس النتيجة ؟ !! لو نعم يبقى لازم تفك خرطوم الهوا و تبص على البوابة و تتاكد ( و العربية مبطلة ) انك لما تدوس بنزين على الاخر البوابة بتفتح للاخر لو كله تمام كدا تشك ان سير الكاتينة مرحل جامد |
رد: لكل من يمتلك ﻻنوس 99
استاذاحمد اسف للتاخير فى الرد ﻻنى كنت عند الميكانيكى هو نضف اﻻيدل والبوابة وفلتر الهوا ونضف الرشاشات كمان وحاسس بردة ان مفيش فايدة صوت جعرةوالعربية متسحبش اﻻ لما اشىل رجلى براحة وادوس تانى وبالنسبة لكﻻم حضرتك فلتر الهواء لونة فاتح مش اسود وحساس الشكمان مغيرة اول لما جبت العربية من حوالى شهرين وبالنسبة rpmممكن يكون من اعداد انا حروح لكهرباءي واشوف حكايتة اية بس انا عوذك تنصحنى اعمل اية واسف على اﻻطالة
|
رد: لكل من يمتلك ﻻنوس 99
و لا يهم حضرتك
لو فى رجة فى الطلعة تشك ان طقم الدبرياج تعبان ( هى مانيول و لا اتوماتيك ؟ ) وارد برضه ان الحساس الاكسوجين الجديد ( هو استيراد و لا زيرو ؟ ) تعبان و مش مدى كود خطأ بس المفروض يبان على السكانر القرائات بتاعته حكاية ال rpm اخره 3000 : هل و هى واقفة و دوست بنزين من الدواسة برضه اخره 3000 ؟ و بخبرتك مع الصوت كدا هل فعلا الماتور مش جايب عالى ؟ هل لو زودت بنزين من البكرة مباشرة نفس النتيجة ؟ !! لو نعم يبقى لازم تفك خرطوم الهوا و تبص على البوابة و تتاكد ( و العربية مبطلة ) انك لما تدوس بنزين على الاخر البوابة بتفتح للاخر لو كله تمام كدا تشك ان سير الكاتينة مرحل جامد ( اى ميكانيكى حيكشف بسرعة السير مرحل و لا لأ ) و بالمرة يحط ايده على طنبورة الكرنك يشوفها مبوشة و لا لأ و يتأكد ان قاعدة حساس الكرنك تمام انت بتحط بنزين ايه ؟ و فيشة الاوكتان مظبوطة على ايه ؟ |
| الساعة الآن 06:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017