رجاء المساعدة لتجديد كامل لسيارة جيب رانجلر قديمة بالاسكندرية
 

السلام عليكم جميع الاعضاء
رجاء مساعدتى فى هذا الامر
هوايتى للأسف السيارات الجيب الرانجلر القديم و اول ما اتوفر معايا مبلغ اشتريت سيارة جيب رانجلر كوديل 75 و لكنها تحتاج الى تجديد كاااااامل ميكانيكا عفشة كهربا سمكرة و دوكو و سروجى و كاوتش و للاسف عملى كطبيب لا يتيح لية فرصة متابعة اصلاح السيارة و اللف بها على الورش لذلك ارجو نصيحة السادة الاعضاء ... حد يدلنى على ورشة متكاملة داخل الاسكندرية تقبل تستلم العربية من الاول للاخر تتصلح كلها فى مكان واحد و يكون شغل نضيف و اسعار معقولة و تقبل تشتغل فى سيارة قديمة زى دى لان معظم الورش و المراكز الكبيرة بتشتغل فى الجديد بس ... برجاء نصيحتى

رد: رجاء المساعدة لتجديد كامل لسيارة جيب رانجلر قديمة بالاسكندرية
 

يااااااه هية مشكلتى صعبة للدرجة ملهاش حل ؟؟؟

رد: رجاء المساعدة لتجديد كامل لسيارة جيب رانجلر قديمة بالاسكندرية
 

عزيزى دكتور محمد

اذا كانت هواية فلابد من أن تخصص لها وقتا كل اسبوع لكى تستطيع أن تمارسها .

فلا يوجد مكان واحد يمكن أن يشترى القطع لك و يركبها لك و ينقل السياره من مكان لآخر و يتابعها عند مختلف الورش ...و كل ذلك باتقان و سعر رخيص .

بداية لا اعرف الورش بالأسكندريه و انما استطيع أن اذكر لك الخطوات اذا اردت

رد: رجاء المساعدة لتجديد كامل لسيارة جيب رانجلر قديمة بالاسكندرية
 

ياريت تساعدنى بأى شيئ حتى لو الخطوات و شكرا لك .... و للأسف انا هوايتى أركب جيب لكن أكيد مش هوايتى انى أصلحه و المشكلة التانية انى الصنايعية بيحدفونى لبعض .. الميكانيكى يقولى بتاع الكاربرتير يشتغل الاول و الكاربتير يقولك الميكانيكى بشتغل الاول عشان التقسيمة بتاعت الموتور مخالفة ارجع للميكانيكى يقولى الميكانيكا فل و الكاربراتير هو المشكلة !!!! اعمل ايه بقى

رد: رجاء المساعدة لتجديد كامل لسيارة جيب رانجلر قديمة بالاسكندرية
 

دى البداية يا باشا ... الصنايعية متعبين جدا
الله يكون فى العون .... متابع معاك

رد: رجاء المساعدة لتجديد كامل لسيارة جيب رانجلر قديمة بالاسكندرية
 

طيب نبتدى الأول بأنك تقولنا ايه حالة الجيب اللى معاك و يا ريت لو رفعت صور ليها

بمعنى ماهى حالة الموتور و الجير بوكس و العفشه و الصالون و الكهرباء .

و هل توجد برومه أو صدأ أو خبطات فى الصاج

و ليكون لنا بعد ذلك حديث

رد: رجاء المساعدة لتجديد كامل لسيارة جيب رانجلر قديمة بالاسكندرية
 

كلام جميل أبدأ بالميكانيكا ... الموتور بيدور بس طبعا بعد رش بنزين جوة الكاربراتير و لازم تفضل محمل بنزين برجلك لو شلت رجلك تبطل و ساعات بقى مع ضغطة البنزين يظهر صوت خبط فى الموتور اللى يقول صباب و اللى يقول تاكيهات و اللى يقول تقسيمة الموتور مخالفة و كل ده طبعا بيقولوه بتوع الكاربراتير لأن ببساطة الميكانيكية أجمعوا ان الموتور كويس و الكربراتير هوة اللى وحش (دى مشكلة الميكانيكا باختصار) عفشة طبعا ناشفة جدا حتحتاج تظبيط بس معرفش ايه حيتغير بالظبط ... سمكرة فى حتت برومة قليلة اوى بس المشكلة دهانها وحش تحس انها مدهونة جير مش دوكو ... كهربا عادية حتحتاج حاجات ترفيهية مش اساسياات ... جيربوكس سليم .. سروجى طبعا لشغل الصالون عشان يناسب استخدامى انا مع تظبيط ابواب السيارة و طبل الابواب ده غير كاوتش جديدو جنوط