زهقت من العربيات كلها بسبب الصنايعية و و و و....
 

السلام عليكم
مش عارف شعورى إيه بالضبط
بس عندى إحساس قوى أبيع العربيه و أبطل أخرج من البيت إلا للضرورة القصوى و لا زيارات و لا مناسبات و لا ... الشغل فقط لو فى شغل.

الصنايعية كلهم بلا إستثناء بقوا حاجه صعبه
أسعار المصنعية و قلة الخبرة و التجريب و التخريب كمان و قلة الضمير فى العمل.
الواحد عمال يحسبها شمال و يمين مش لاقى حل وسط

العربية رحمه من بهدلة المواصلات و خاصة مع الأسرة و الأطفال
بس فى نفس الوقت بهدله مع الصنايعية إللى لازم تصاحبهم و هما لازم يشتغلوك و ينصبوا عليك, بخلاف الزحمة و الشوارع المكسرة و رخامات الطريق....

مش بأتكلم عن موقف بعينه و لا صنايعى محدد
أنا براجع كل الصنايعية إللى إتعاملت معاهم من ساعة مركبت عربيه, مش قادر أفتكر حد بيتقى ربنا فينا.

واحد جارى و زميلى فى الشغل, لسه بايع عربيته و عمال يقول بجد كانت همّ و إنزاح, حسيت إن الموضوع مش إدمان و تعود و مش هتعرف تركب مواصلات تانى!!! زى الكلام الشائع يعنى.

حتى لما بقارن العربيات الجديدة , برضه التوكيلات نصابة و سرقه علنى إلا القليل النادر
يعنى الموضوع بقى زهق و قرف من العربيات كلها, جديد و مستعمل,كل الماركات اللى بتمشى على أرض مصر و بتتعامل مع صيانات صنايعية و مراكز مصر أياً كان مكانهم.

مش عارف أعمل إيه؟
حاله مؤقته و مرت على حد هنا قبل كده
و لا فعلاً الشعور صحيح و أعرض العربية للبيع زى زميلى و أقعد فى البيت و أرجع للمواصلات العامه تانى.

رد: زهقت من العربيات كلها بسبب الصنايعية و و و و....
 

لو فكرت أبيع بعد ما طلع كارت البنزين بإسمى المفروض أعمل إيه؟
يعنى المشترى هيأخد الكارت بإسمى و لا هأبلغ مكان ما بإنى بعت العربيه و هما يحولوه على إسم المالك الجديد و لا كأن الكارت لسه متعملش و هو يعمل بدل فاقد بعد البيع و لا ؟؟؟
الصح إيه؟

رد: زهقت من العربيات كلها بسبب الصنايعية و و و و....
 

اهدى بس وصل على النبي
الحالة دى مرت علينا كلنا

رد: زهقت من العربيات كلها بسبب الصنايعية و و و و....
 

الصح انك ماتبيعش العربية لأن المواصلات بقت زفت
انا ما شوفتش حالة العربية حمدى المخترع هو اللى شافها بس معرفش كان رأيه ايه فيها
النهردا أقل تاكسى هياخد منك 10 جنيه على الأقل فى مشوار 2- 3 كيلو
مهما كان العربية بتصون
بس انا مش عارف انت عاوز تبيعها ليه ؟
وهل بعد كل المعاناه دى معاها مقدرتش تعرف ناس محترمين يتقوا ربنا
عموما لازم تاخود رأى ناس كتير فى الموضوع ده
المواصلات بقت زفت
التكاسى بقت غالية
ده رأيى الشخصى تقبل تحياتى

رد: زهقت من العربيات كلها بسبب الصنايعية و و و و....
 

لا إله إلا الله
حاسس أنى مخنوق
بس عالعموم أنا فكرت فى حاجه
أنا هأركنها شويه كأنى بعتها
و أشوف المواصلات عامله أيه, يعنى هأعتمد عليها تماماً فى كل مشاويرى
يا إما أتعب و أرجع لها يا إما رصيدها عندى يكون خلص
و الله المشكله مش فى العربيه, كل العربيات مليانه مشاكل و لا تنتهى و خاصة اللادا و الـ 128
بس ساعات الواحد بيزهق, يعنى أنا جايبها تخدمنى و لا أنا إللى أخدمها؟

و شكراً لأخى الغالى مستر أسترا
و الأنسان الفاضل هشام باشا

رد: زهقت من العربيات كلها بسبب الصنايعية و و و و....