|
علبة الدركسيون ؟؟؟؟؟؟؟
السلام عليكم
الحمد لله معايا عربية لادا 2107 موديل 2014 لسه شاريها من شهر تقريبا عامله دلوقتي حوالي 1500 كيلو وقد لاحظت وجود تسريب زيت من علبة الدركسيون فقلت يمكن مساميرها مفكوكه قرط علي كل مسامير العلبه ومسحت اثار الزيت ولسه بتجيب زيت تاني يتري ده يكون سببه ايه؟؟؟ الميكانيكي قالي ممكن يكون الاورسيه اللي جوه العلبه وبعدين قالي ممكن يكون فايظ زيت من العلبه وبعدين قالي ان العربيه جديده ومش عايز افك العلبه واعملك الاورسيه هل لو حل العلبه وعمل الاورسيه ده هيكون بعد كده ليها توابع يعني اصوات من ناحية الدركسيون او العلبه ؟؟؟ او اصلا العلبه هتبوظ مش عارف ؟؟؟؟؟؟؟ من فضلكوا افيدوني لاني رايح للميكانيكي بكره ؟؟؟؟؟؟؟؟؟؟؟؟؟؟؟؟؟؟ |
رد: علبة الدركسيون ؟؟؟؟؟؟؟
التوكيل... مصلحتك أولاً
|
رد: علبة الدركسيون ؟؟؟؟؟؟؟
الف مبروك على العربية وربنا يديك خيرها ويبعد عنك شرها بالنسبة لعلبة الدركسيون العيب هيكون من الأورسيل او الجوانات وبالنسبة لعملها هيحل علبة الدركسيون برة ويبص على الأورسيل اذا كان ضارب ولا لا وهيغير طقم جوانات بص هو كان بيكلمك على أساس انو يعملها هو ولا حضرتك هتعملها فى التوكيل علشان لو هو اشتغل فيها ورحت بعد كده التوكيل وبان ان صنيعى اشتغل فيها هيسقطو العربية من الضمان.
ومعلش انا أسف ان كنت هقول لحضرتك على المعلومة دية بس للأمانة لازم اعرف حضرتك أن الموديل بتاع 2014 موديل عفوا زبالة كل أصحابى معهم موديل 2014 تأكسى وكلهم بيشتكو منه انا اسف انى عرفتك بس كان لازم تسأل الأول عن العربية قبل ما تجيبها. أرجو ان اكون أفدت حضرتك. أرجو انك متكونش متضايق منى. وأى أستفسار انا ورجالة المنتدى فى خدمتك. أخوك محمد |
رد: علبة الدركسيون ؟؟؟؟؟؟؟
كان ايه معظم شكوي اصدقاءك اصحاب تاكسي 2014 ؟؟؟؟؟
|
رد: علبة الدركسيون ؟؟؟؟؟؟؟
لو قارفك أوى موضوع الدركسيون ليه حل
ممكن تغيرة بعلبة دركسيون تيوتا على نفس مقاسات البارات و المسامير و كل حاجه التغيير ده كان بيعمله محمد طلبه و موجود الشرح بتاعه على النت |
رد: علبة الدركسيون ؟؟؟؟؟؟؟
اقتباس:
2-عربيات آخرى وليس كلها صعوبة ظبط المحرك والعربية بتأكل بنزين بسبب بكات الكرابراتير وان جبت بكات تانية تظبط الأستهلاك بس تكتف العربية. 3-الأطوانة والديسك وحشيين. 4- يايات ورء بحاجة للتغير مع انهم كويسيين بس لظبط اداء السيارة حيث انها تاكسى بيوطه شوية من الخلف. 5-الرومبيلات بتاعت العجل وحشة. 6- تيل فرامل وراء بينزل وحش وبختك يا أبو بخيت. 7-العربية اول ما الحرارة تخش على اول الأخضر الماكينة بتبرجل وحضرتك تقوم مغير الثرمثتات ده اذا كمان مغيرتش المروحة وخليتها شغالة دريك. 8-الأكصدام من قدام من ناحية السائق مائل للأسفل قليلا بس مش ملحوظة أوى ودة يا أما عيب بجودة التقفيل او عيب بالشاسية او الأكصدام لسة متوصلتلهش. 9- بصراحة مش فاكر اية تانى لما أفتكر هبلغ حضرتك بالباقى والقائمة طويلة. أخوك محمد |
رد: علبة الدركسيون ؟؟؟؟؟؟؟
ما دام اشتريتها فكبر دماغك من البحث عن عيوبها
وان شاء الله تكون كويسه معاك الاهم انك فى الضمان يجب الاصرار على اصلاح اى مشاكل بمعرفتهم واسبدال اى شيئ تالف او تهددهم باللجؤ لحماية المستهلك بس نصيحة وربنا يسامحنا ابقي اديهم الشاى فى التوكيل وده مش عن تجربة ابدا مع وكيل لادا ولكن عن تجربة مع الصنايعيه كلهم |
| الساعة الآن 09:00 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017