بلية عجل أمامى اسبرانزا 516
 

اليوم سمعت صوت خشانه عالى فى السرعات بعد 70

ذهبت للميكانيكى فقالى بعد التجربه أنها بلى عجل أمامى

وبعد رفع العجل واحدة واحدة والدوارة والطلوع على سرعات تأكدنا أنها بلية العجله الشمال

ذهبت لشرائها فكانت المفاجأة، لا يوجد بلية لازم تشترى الجنب كامل

رجعت للميكانيكى وسألته هل يتم تغيير البليه فقط أم الجنب كامل

فأكد لى أنه قام بتغيير البليه عدة مرات لنفس الموديل قبل ذلك ولا داعى لتغيير الجنب كله

أيهم أصدق البائع الذى أكد أنه لا تنزل بليه لوحدها ولابد من تغيير الجنب كامل بالفيشه

أم أصدق الميكانيكى
برجاء سرعة الرد لأننى قلقان جدا من خشانة البلية دى

رد: بلية عجل أمامى اسبرانزا 516
 

البليه هاتلاقيها في محلات الرولمان بلي
مش عند بتوع قطع الغيار

رد: بلية عجل أمامى اسبرانزا 516
 

يعنى أخليه يفورها وأخد البليه القديمه وأجيب زيها

رد: بلية عجل أمامى اسبرانزا 516
 

طبعا يفورها وتاخدها تجيب زيها
وفى اقصى الظروف لو ملقتش البلية منفصلة هاتجيب السورة كاملة

رد: بلية عجل أمامى اسبرانزا 516
 

بليه فقط لاغير

رد: بلية عجل أمامى اسبرانزا 516
 

بكل أسف بعد دوخة وتدوير وبحث فى عدد كبير من المحلات (قطع غيار) ومحلات رولمان بلى فى 6 أكتوبر والدقى والتوفيقيه

إكتشفت أن الجميع على قلب رجل واحد،

لا يوجد بلى للعجل الأمامى فى سبرانزا 516

ولابد من تغيير السرة كامله لأن البليه تأتى مطبوخه فيها

وطبعا إشتريتها وركبتها والحمد لله كله تمام

ثمن السرة مختلف كثيرا من محل لأخر فقد وجدت الأسعار الأتيه:
على الدين 6 أكتوبر 270 جنيه ومش موجوده
قاصد كريم 6 أكتوبر 375 جنيه

السرساوى الدقى 275 جنيه
الملك التوفيقيه 275 جنيه
البطل التوفيقيه 250 جنيه
العسكرى التوفيقيه 260 جنيه
شركة يونس التوفيقيه على شارع رمسيس العمومى 240 جنيه

والمصنعيه شامله تغيير كوتشة الكوبلن 50 جنيه

وشكرا لكل من ساهم بالرأى

رد: بلية عجل أمامى اسبرانزا 516
 

مبروك وربنا يباركلك فيها....من كلام حضراتك اعتقد انك من سكان اكتوبر...هل تتعامل مع ميكانيكى من اكتوبر؟ ممكن تقولى على مكانه ورايك فيه؟