ممكنعناوين ورش تعديل الجيب ورفعها وتعديل العفشه
 

كنت عايز اعرف عنوان ورش افضل واكثر الناس احترافيه في مجال سيارات الدفع الرباعي
يعني تسقيط المواتير وتعديل العفشه والكلام دا كله

رد: ممكنعناوين ورش تعديل الجيب ورفعها وتعديل العفشه
 

متابع معاك

رد: ممكنعناوين ورش تعديل الجيب ورفعها وتعديل العفشه
 

ممكن حضرتك تشاركنا معاك انت بتفكر تعدل ايه ؟؟

رد: ممكنعناوين ورش تعديل الجيب ورفعها وتعديل العفشه
 

جيبولي موتورز (168 عمارات صقر قريش المعادي)
موبيل (01003331310-0166929461)
خبرا عشر سنين في التوكيل
ادارة م\ايهاب احمد
http://www.masr1.com/dm/RIRS/watermark.jpg

رد: ممكنعناوين ورش تعديل الجيب ورفعها وتعديل العفشه
 

عايز أجمع عربيه او اعدل عربيه تكون متخصصه للصحراء يعني تركيب عفشه ome تعديل الماتور وفتيس الغرز عشان يستحمل
ريدياتير اكبر وعمل ريدياتير للفتيس
تكبير التانك

رد: ممكنعناوين ورش تعديل الجيب ورفعها وتعديل العفشه
 

زميلنا مينا اكتر واحد كان ممكن يفيدنا فى الموضوع ده .... ربنا يرجعه بالسلامة

يعنى ايه عفشة او ام اى ؟؟ و يعنى ايه حضرتك تعمل ردياتير للفتيس ؟؟

من خبرتى البسيطة فى الدفع الرباعى ... ممكن اوضح لحضرتك بعض النقاط البسيطة :-

لو حضرتك عاوز تجمع عربية دفع رباعى ..... ابسط و اقرب حاجة بتتعمل .. ان حضرتك تجيب شاسيه رانجلر و اكسات الرانجلر و البودى بتاع الرانجلر ... نيجى للموتور ... حضرتك تجيب موتور رانجلر ال 2500 او 4000 سى سى ... وكدة حضرتك معملتش تعديل .... نشترى عربية رانجلر على بعضها احسن
او فيه ناس بتركب مواتير ديزل بالفتيس بتاعه على شاسيه الرانجلر
زميلنا مينا عمل الحركة دى و العربية كانت جامدة جدا ... انا ركبتها
كان يعيبها بس صوت محرك الديزل المرتفع قليلا .... و العربية كانت الشاسيه القصير .. و دى انا مش بحبها ( اسباب شخصية )
غير كدة ... العربية كانت جامدة جدا
و كمان كان مفصلها تانك تانى و كان موصلوا بالتانك الرئيسى

- فكرة تانية ..... العربيات الجيمس الامريكانى القديم ( زى عربيتى ) بيتسقط فيها مواتير ديزل 4000 سى سى .. بتاعة العربية الجامبو ... و للأسف ده تمنه ما يقارب ال 20 الف جنيه

نبيجى للفتيس ... حضرتك يا تجيب الفتيس ذو الغطاء الالومنيوم و ده تقريبا ثمنه 1200 جنيه ( على ما اذكر ) ... او تجيب نفس الفتيس ذو الغطاء الزهر .. و ده ثمنه 800 جنيه تقريبا ... و هو زى الالومنيوم بس انشف شوية .. و 3 نقلات فقط
فتيس الغرز مش حتلاقى فيه اختلافات كتيرة ... حتلاقى نوع واحد ... بس للأسف مش فاكر سعره كام
بالنسبة للأكسات .... البليزر الشاسيه القصير بيكون راكب عليها اكسات ... بيسمو الاكسات دى ... 6 مسمار ... علشان طنبورة العجل فيها 6 مسامير
البليزرات النصف نقل بيكون راكب فيها اكسات 8 مسمار و كوارين اكبر شوية من البليزر الشاسيه ال 2 باب

بالنسبة لتنك البنزين .....
استاذنا العزيز عم حمدى ... ممكن يفصل تانكات من صاح مخصوص و بيتعمل بطريقة فنية

الردياتير ... فى الغالب بيكون 4 ماسورة ... و ده ممكن نسأل عليه ... انا الى اعرفه ان ال3 ماسورة بيتباع بحوالى 700 جنيه ... و ده بيتوقف على الموتور الى حتركبه

-علشان العربية تمشى على الرمال .... من المستحسن انها تكون خفيفة قدر الامكان ... مع وجود كاوتش عريض علشان الغرز .... على موتور لا يقل عن 6 سلندر علشان يكون عفى معاك

- الامريكانى ثقيل على الرمال ... فغير مستحب .... الموتور 8 سلندر على بودى ثقيل ... مش حتساعدك فى الرمال
الامريكانى القديم فيه ميزة .... العربية جامدة و شاسيها قوى .. و العربية مفتوحة ... يعنى ممكن تعمل فيها الى انت عاوزه
تغير الاكسات ... ترفع العربية ... تسقط مواتير... براحتك

رد: ممكنعناوين ورش تعديل الجيب ورفعها وتعديل العفشه
 

هوا لغايت كدا الكلام جميل جدا
بس الفكره كلها انا عايز تفاصيل اكتر من حيث مين الي يركبلي الحجات دي صح هل هوا شخص واحد ولا هيبقا كذا واحد
ويفضل كتابه الاماكن الي ممكن اجيب منها المواتير وهل المواتير مضمونه انها تكون حالتها كويسه ؟؟