ممكن اجيب ايه في حدود 22000 بفكر في ستروين AX
 

السلام عليكم
بفكر اشتري عربية في حدود 22000 و كنت بفكر في الستروين AX من حيث السعر و الامكانيات حاسسها مناسبة جدا لكن ناس حذروني منها و قالولي قطع غيارها و ميكانيكتها فيها مشاكل و ناس تانية تقولي لا عادي قطع الغيار موجودة و بالنسبة للميكانيكا اعرف ميكانيكي كويس و المشكله دي مش هاتحس بيها
و مش عايز اجيب 128 عشان مش عايز كل شوية افضل رايح جاي علي الميكانيكي لنفس الاعطال و مش حاسسها مريحة في سواقتها
رجاء المساعدة.....

رد: ممكن اجيب ايه في حدود 22000 بفكر في ستروين AX
 

رد: ممكن اجيب ايه في حدود 22000 بفكر في ستروين AX
 

شكرا علي ردك لكن بالنسبة للموتور السيتروين 1400 و الماروتي 900 و هل الماروتي بالنسبة للسفر و المشاوير الطويلة هتبقي كويسة؟

رد: ممكن اجيب ايه في حدود 22000 بفكر في ستروين AX
 

إدخل قسم الماروتى و شوف الناس عامله إيه بيها
الأستاذ (حبيب الناس) ربنا يباركله فى عربيته
بيسافر و مركب تكييف
و ناس ياما بتعمل بيها العجب متخفش منها غير فى حاجه واحده....
على الطرق السريعة و جنب النقل الثقيل متجريش بيها
يعنى لو عاوز تسافر بيها أى مكان عادى جداً بس متزودش السرعة عن 100 علشان سلامتك و علشان تحافظ عليها (رغم إن السرعة القصوى ليها 120 و العداد 140 كم)

رد: ممكن اجيب ايه في حدود 22000 بفكر في ستروين AX
 

ربنا يكرمك
طيب هل النكييف مش هيأثر علي السحب خصوصا إن ماتورها صغير و هل هي اوسع من جوه ولا السيتروين وبالنسبة لاعادة البيع ايه نظامها و الف شكر ليك علي الرد :)

رد: ممكن اجيب ايه في حدود 22000 بفكر في ستروين AX
 

العربيه طالما مظبوطه هتمشي معاك لمسافات طويله انا بسافر بسترونتي مرسي مطروح وبصراحه عربيه جرايه يعني تجيب بيها 150

رد: ممكن اجيب ايه في حدود 22000 بفكر في ستروين AX
 

أكيد الموتور بيأثر على السحب فى السرعات الأولى, بيعلوا السلانسية شوية و خلاص
و فيه ناس كانت عاوزه تركب تكييف كهربا, مش على الموتور, علشان يآخد من الدينامو و ميأثرش على السحب بس متابعتش الموضوع كله.

بالنسبة لإعادة البيع, طبعاً الماروتى بياعة جداً و ماسكة سعر كمان
بتتباع بسرعه جداً عن السيتروين, و كمان سعرها مبينزلش ... بيطلع!!!
السنة إللى فاتت كان معدل الأسعار ليها كالتالى
موديل 2000 >>> 20 ألف
2001 >>>21 ألف و هكذا
السنه دى زادت 1000
موديل 2000 >>>21 ألف
2001 >>> 22 ألف و هكذا

أنا متابع الرسم البيانى بتاع الأسعار من موقع "هتلاقى"