عاوز اسئل على العربيه هيونادى نيو اكسنت
 

ارجو انكم تفيدونى
عاوز اسئل على
سعر العربيه الهيونداى نيو اكسنت ومميزتها وعيوبها
فى اسرع وقت ممكن

رد: عاوز اسئل على العربيه هيونادى نيو اكسنت
 

المانيوال 78 الف
الاوتو 84 الف
العربيه كان فيها مشكله في الباور الكهربا لكنها مش موجوده دلوقتي في الموديل الجديد ( باور زيت )
فيما عدا ذلك مسمعتش عن مشاكل ليها
واكتر واحد يفيدك فيها احمد كار

رد: عاوز اسئل على العربيه هيونادى نيو اكسنت
 

و الله يا حاج سامح مش عارف اقولك ايه اخجلتم تواضعنا

هو فعلا زى ما حضرتك قولت العربيه كان فيها عيب صناعه و ان البور الكهربى كان بيسبب مشاكل كبير لكن من موديل 2008 تم تغير البور الى بور هيدرولكى

و كمان العربيات اللى البور بتعها كهرباء كانت اول ما تظهر عليها بواد العيوب كان بيتغير فى التوكيل على طول ( بس معرفش ببلاش و لا لآ )

نيجى بقى للعربيه ككل

الموتور 1600 سىسى 16 صباب و بتمتاز بخاصيه cvvt اى التحكم الالكترونى فى فتح و غلق صمامات الوقود و العادم و دى بتوفر بنزين و بتدى اداء رائع للسياره

على فكره الموتور بتعها هو هو موتور الفيرنا و الجيتز و الالينترا موديل 2006 بس مع الاختلاف فى منطقه التكيهات فقط نظرا لوجود النظام السالف ذكره

يعنى البلوك هو هو مافيش فيه اى اختلاف

العربيه نفسها جميله و ثابته كويس على الطريق لحد 160 كويسه معاك

القعده من جوه جميله و خامات التقفيل ممتازه بالنسبه لعربيه ب 80 الف

لكن يعيبها انها ناشفه شويه فى المطبات و ده بسبب نظام التعليق بتعها اللى بيوفرلك الثبات

دى حبه معلومات عنها كده على الماشى

لو محتاج اى حاجه تانى اسال ياباشا

رد: عاوز اسئل على العربيه هيونادى نيو اكسنت
 

ياريت كمان نصائح للاعتناء بالسيارة الجديدة لان انا قريت مثلا انها لا تحتاج تسخين قبل القيام صباحا والكلام ده فى الكتيب الخاص بها
لكن تترك دايرة 1 دقيقة بعد اى استخدام عنيف ومش متاكدة انى فعلا اعمل كدة؟

رد: عاوز اسئل على العربيه هيونادى نيو اكسنت
 

فعلا كتيب الهيونداي بيقول ان العربيه مش محتاجه تسخين
بس هو الواحد بيدور العربيه عقبال ما يفتح الازاز و يربط الحزام و يظبط مراياته يكون فات دقيقه و يتحرك ببطء الاول لحد ما مؤشر الحراره بتبدي يتحرك و بعدها يسوق عادي جدا
اما موضوع ان العربيه تتساب دايره في حاله الاستخدام العنيف فمعتقدش ان حضرتك بتستخدمي العربيه بعنف
لكن لو حصل سواقه عنيفه ( يعني المشي على ار بي ام عالي وتغيير غيارت كتير و استخدام الفرامل بقوه) ...
فالواحد بيسيب العربيه دايره شويه علشان تهدى بالتدريج
وحضرتك طيب يا دكتور خيري ...
ممكن حضرتك تتابع الاسعار من خلال موقع كونتاكت كارز ..
www.contactcars.com
وبتكون الاسعار فيه اكتر و اوضح من الجرايد .. لكن بتكون اسعار الوكيل بس مش الاستيراد
لو حضرتك تحب تسأل على موديلات معينه قول عليها و ان شاء الله نجيب اسعارها لحضرتك

رد: عاوز اسئل على العربيه هيونادى نيو اكسنت
 

ميه ميه يا سامح و الله

و برضو بخصوص التسخين انا بفضل انى اول ما ادور اسيب العربيى زى ما قولت من دقيقه لدقيقتين و بعد كده بتحرك و مش بخلى الار بى ام يعلى عن 2 او 2.5 بالكتير و يعد ما مؤشر الحراره يتحرك

خلاص اعيش بقى و ادوس برحتى