|
ضبط سير الكاتينه فى اللادا إزاى ... للخبراء فقط
السلام عليكم
عندى مشكلة مزمنه فى العربية بقالها أكتر من 6 شهور رجرجة على السلانسية جامده و بتهز العربية كلها رحت بيها لكل صنايعية مصر و غيرت و فحصت و صرفت و لا فيه فايدة المهم إمبارح توكلت على الله و نزلت برنامج أوتو داتا و سميت الله و دخلت برجلى اليمين على اللادا لاقيت خير اللهم إجعله خير كلام مش فاهمه و عاوز شرح (للأغبياء فقط) قصدى شرح مبسط أوى. علشان نضبط توقيت الإشعال المفروض علامة الكامة مع الزونبه إللى فوق طيب و الكرنك؟؟؟ ليه 3 علامات, 2 قصيرين و و بعدهم واحدة طويله بين كل علامة و إللى بعدها 5 درجات !!! نضبط على أنهو واحده؟ فى البرنامج بيقولى كلام كثير مش فاهم يعنى أيه http://im39.gulfup.com/Caf3k.jpg عاوز أفهم معنى الكلام إللى عليه أسهم حمراء و برضة عاوز أفهم الإشكاليه دى: فى البرنامج عرض الصورة دى و كتب معاها without vacuum and basic timing يعنى المفروض من غير خراطيم الهوا إللى داخله على الكبراتير (بيلغيها يعنى) و لا قصده إيه؟ - الصورة أهى و لاحظ العلامة بتاعة الكرنك http://im39.gulfup.com/0wwut.jpg فى كتالوج النيفا (كنت بإستعمله قبل البرنامج) عامل نفس الصورة بس العلامات مختلفه و الشرح كمان مختلف http://im39.gulfup.com/1sFob.jpg شكراً مقدماً ربنا يجازيكم خير و يا رب يكون هو ده سبب العيب |
رد: ضبط سير الكاتينه فى اللادا إزاى ... للخبراء فقط
هو يقصد هنا من غير الأدفانس تركبه بعد ما تخلص ولازم تقفل المسورة بتاعته مؤقتا عشان تظبط تمام
وتظبط تاكيهات وإن شاء الله هترجع مظبوطة وبعدين لازم يكون معاك جهاز ظبط باللمبة عشان تظبط تقديم وتأخير الإشعال ما أشتغلتش بإيدى فى اللادا قبل كدا حاول تشوف مستر أسترا هو ماشاء الله خبير ورئيس قسم اللادا تقبل مرورى |
رد: ضبط سير الكاتينه فى اللادا إزاى ... للخبراء فقط
ربنا يخليك يا استاذ هشام
انا لو منك يا اخ زنجو هاظبط على العلامة اللى فى النصف وبعدين ابقى اقد واخر من الاسبراتير او لو احترت هافك البوجية رقم 1 بس كان بنا رسايل خاصة وانا اقترحت اننا نغير الاسبراتير عشان الـ لادا مشهورة بلخبطة الاسبراتير الصينية بتاعتة تملها بتخرف |
رد: ضبط سير الكاتينه فى اللادا إزاى ... للخبراء فقط
اقتباس:
والتكلفة والتفاصيل اتصل عليه رقمه اهو :01065229805 |
رد: ضبط سير الكاتينه فى اللادا إزاى ... للخبراء فقط
معلش يا جماعة تاعبكم معايا
هحاول أشوف واحد جارنا معاه لادا و أجرب منه الإسبراتير و نشوف يعنى إيه (الأدفانس) ده إللى بيقولوا عليه خرطوم الأبانص ده (إللى طالع من الكربراتير للإسبراتير) و لا حاجه غيرة معلش يا جماعة بجد نفسى أحل الموضوع ده و ربنا يخليكوا لينا و يباركلكم دايماً |
رد: ضبط سير الكاتينه فى اللادا إزاى ... للخبراء فقط
بعد دراسة و فحص لكتالوجات الصيانه و المواقع الأجنبيه و لجان منبثقه و لجان غير منبثقه لمناقشة الموضوع توصلنا بفضل الله إلى الآتى:
- يتم ضبط سير الكاتينه على الزونبه العليا أمام العلامه على ترس الكامه تماماً, و فى نفس الوقت تكون علامة ترس الكرنك على العلامة الأولى (أطول واحده) * تستخدم العلامة الثانيه (إللى فى النص) لضبط الإسبراتير كالتالى: - بعض ضبط سير الكاتينه, يتم تعشيق الغيار الرابع أو الخامس , و تزق العربية سنه بسيطه أى للوراء, و ضبط ترس الكرنك على العلامه االلى فى النص (القصيرة), و طبعاً فى نفس الوقت هتلاقى ترس الكامه قبل الزونبه بسنّه واحده, يعنى قبل الـ TDC (نهاية مشوار البستم لفوق) بحوالى 5 درجات, و هو التوقيت المضبوط للإشتعال. - عند وصولك لهذة المرحله يتم تسقيط الاسبراتير بحيث يكون الشاكوش متجه لسلك أول بوجيه (من ناحية الفتيس), و تضبط الكرفين بتوعه على ركب الإسبراتير بحيث يكون مفتوح (على الركبه) و تضبط المقاس بالفيللر على 0.40 مم - المفروض كده لما تفتح كونتاك و توصل لمبه 5 على الطرفين بتوع الأبلاتين (أو مطرقة الأبلاتين و أى أرضى) اللمبه تنور. الطريقه ممكن تكون صعبه شويه بس عاوزه تجربه أو تشوف ميكانيكى و هو بيعملها. أنا عملت طريقة حلوه علشان أتعلم صيانة اللادا بأكتب إللى أنا عاوز أعرفه (عنوان الموضوع)_ مثلاً : طريقة ضبط أو تركيب .... بالعربى على ترجمة جوجل, و أخليه يترجمه للروسى و أنسخه و ألصقه فى اليوتيوب, بصراحه العربيه دى ليها فيديوهات الروس عاملينها زى الفل, حاجتهم بقى و بيعتزوا بيها. طبعاً هتتفرج عالفيديو و سيبك من الكلام لأن إحنا طبعاً كلنا بنفهم روسى زى الفل. بس زى ما المثل الصينى بيقول: رب صورة أفضل من ألف كلمه هأكمل و أقول: رب فيديو أفضل من ألف صورة و مليون كلمه Regards |
| الساعة الآن 09:33 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017