|
النترا - سيراتو - كروز - صنى - ياريس ايهم افضل
بفضل الله قررت شراء سيارة جديدة ف حدود 110 الف جنية
وعاوزها اوتوماتك لان معظم تنقلى داخل المدينة وبصراحة دى اول عربيية ليا لذلك متردد ومحتاج مشورتكم الخيارات هى 1- النتراptmnlo123per1147 2- سيراتو 3 شيفرولية كروptmnlo123per1106ز 4- نيسان صنى 5 ياريسptmnlo123per111 اسف جدا على تعبكم بس بجد محتاج اعرف السيارة الانسب ولماذا وياريت تكون سيارة لها كفاءة ف الحر الشديد لانى الحرارة عندنا ف الصعيد ناااار وشكرا مقدما على ردودكم |
رد: بجد محتاج ارائكم لا تبخلوا ارجو الرد حيران
بم انك فى الصعيد ! اذن الالنترا لن تنفع لك لآنها واطيه على الآرض وانتم عندكم المطبات كالجبال !
كذلك النيوسيراتو أعتقد انك مش محتاج فتيس ستبترونيك فى الصعيد و لا موتور عالى التقنيه ! كذلك الباريس عربيه كوبسه بس برده لن تستحمل الصعيد لآنها صغيره ولن تعطيك الهيبه المطلوبه ! والصنى ! مصرى يا ولداه وامكانياتها متقدمه بس ضيقه من الداخل رغم شكلها الآكبر شويه ! يتبقى الشيفروليه الكروز ! والله أنا شفت السياره دى فى معرض سيارات ! فكرتنى بسيارات زمان القويه فعلا بلا مبالغه ! يعنى لو فتحت الكبوت الآمامى كل شىء مربط جامد و حاول تشد أى حاجه من مطرحها لا يمكن تتزعزع أو تتهز والمقدم طويله و قويه يعنى لو دخلت فى قطر الصعيد ممكن هوه اللى ينقلب ! السياره عضمها جامد جدآ سقف و قوايم حديد و مافيش حاجه بتلب أو تطقطق تحت يدك ! السياره عاليه عن الآرض و شنطتها واسعه جدآ و من الداخل واسعه وفيه عدادات محترمه وبها كومبيوتر تريبات ! وشكلها جميل و كلها على بعضها برستيج جامد جدآ ! ولما رأيتها فكرت أشتريها بدل من النيوسيراتو ! بس عيوبها بالنسبة لى انى وجدت جزء من التابلوه مطعم بفرش قماش و ده رغم ثانويته ماعجبنيش قوى ! فى الخلف أكر زجاج عاديه ! و الموتور 106 حصان طبعآ قوى وكل حاجه بس ممكن بعض الناس تقول صغير على حجم السباره ! آه ثمنها 122 ألف جنيه ! عمومآ رأبى بالمستندات أهه بقول لك شيفروليه كروووووووووووووز ! Dr. Bolbolan :waving: |
رد: بجد محتاج ارائكم لا تبخلوا ارجو الرد حيران
السلام عليكم
الف مليون شكر على هذة النصائح الرائعة فعلا حضرتك موسوعة بس لو ممكن حضرتك تقارنلى بين السيراتو وكروز بصراحة لسة محتار |
رد: بجد محتاج ارائكم لا تبخلوا ارجو الرد حيران
اقتباس:
بص المقارنه سهله موش صعبه ! وأنا قلت بعضها فى المشاركه السابقه و ممكن حضرتك تدخل فى نفس المنتدى على موقع كيا و ستجد كل المعلومات عن السيراتو منى و من غيرى ! بس خلاصة الكلام ان كنت شاب و صغير فى السن نسبيآ وتسكن فى مدينه المظاهر فيها أهم شىء ! أو كبير بالسن ولك أولاد يحبون التباهى على أقرانهم عليك بالسيراتو ! أما اذا كنت فى بيئه تحترم القوى والكبير والوقور ومش محتاج لحركات غرز و جرى بالسياره ! من الآخر برستيج دكتور عقر يبقى الكروز ! ولازم تروح معرض تكون العربيتين جنب بعض ! راجع كلامى هناك واستفتى قلبك ! Dr. Bolbolan :waving: |
رد: بجد محتاج ارائكم لا تبخلوا ارجو الرد حيران
الدكتور بولبلان جابلك من الاخر مافيش كلام بعد كلامه.
مبدأيا انا برضه استبعد الصني لانها سيارات قديمه نسبيا و الالنترا ايضا استبعدها لوجود شقيقتها الجديده ذات الشكل العصري اكثر السيراتو يتبقي الكروزر و السيراتو و الياريس. الدكتور بولبلان وضح الفروق بين الكروزر و السيراتو . لكن لو بتفضل فئه اصغر و عاوز عربيه جوه المدينه يبقي الياريس لانها اكتر سياره موفره للبنزين و تكاليف الصيانه في تلك السيارات جميعا |
رد: بجد محتاج ارائكم لا تبخلوا ارجو الرد حيران
كلام الدكتور مظبوط ميه في الميه ....
بص على الكروز ...... على الطبيعه أنا سألت في منصور التوكيل بتاع الكروز وفيه كامله بزجاج كهربائي خلفي وشوية كماليات تانيه زي الجنط وخلافه وبصراحه عربيه فوق الممتازه بس مش عارف حظها قليل حبتين بسبب إن الكامله فيها بسعر يفوق قريناتها بما لايقل عن 12000 جنيه مصري ولكن ذلك الفرق ستجده بصاج سياره ومكونات تحت رعاية جنرال موتورز .... فهي سياره ممتازه يعيبها فقط مشكلة القماش الموجود بالتابلوه ..وإن كنت فكرت في إيجاد حل لهذه المشكله وتذكرت ماده برش بها القماش والمفروشات عامة تدعى بسكوتش جارد من 3M وهذه الماده تجعل القماش لايملك نفاذيه ولا يشرب المياه نهائيا وحتى سقوط الماء عليه بيمشي عليه زي مابيمشي على الجلد ويمكن تنظيفه كما تنظف الجلد ويحافظ على شكل وملمس القماش وبدون أي تغيير فيزيائي مرئي بالعين المجرده .... وبالنسبة لقوة الموتور فـ 106 حصان ليست بالهينه عندك المازدا الـ m3 الجديده 2010 أيضا مجهزه بموتور 106 حصان وأداء السياره المازدا ممتاز http://img.epinions.com/images/opti/...resized200.jpg وده رابط بيشرح الماده ديه بتعمل إيه http://www.epinions.com/content_223729651332 |
رد: النترا - سيراتو - كروز - صنى - ياريس ايهم افضل
بارك اللة فيكم
انا ان شاء اللة هجيب السيراتو او الكروز وان شاء اللة خير شكرا واسف على تعبكم |
| الساعة الآن 08:40 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017