مصر موتورز مجتمع السيارات - مقاس R 13 /185 /70 للكاوتش ؟

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - مقاس R 13 /185 /70 للكاوتش ؟ (https://www.masrmotors.com/vb/showthread.php?t=123158)

مقاس R 13 /185 /70 للكاوتش ؟

السلام عليكم ورحمة الله وبركاته

كنت ناوي اغير جنوط عربيتي " لانوس 2006 " لجنوط 14
بس كنت مرة عند حد بتاع كاوتش قالي غير كاوتش بس لمقاس 13 / 185 / 70
وهتدعيلي احسن واوفر من تغير الجنوط والكاوتش

فايه راي الاخوة الكرام هنا ؟!!!!!!!!!
وجزاكم الله خيرااااااا

رد: مقاس R 13 /185 /70 للكاوتش ؟

فى رايى ممكن بالرغم انه مش مقاس فى الكتالوج بس ممكن لانه مش حيغير ارتفاع العربية هو بس حيزود عرض الكاوتش 1 سم و دا مسموح بيه
اعتقد انه حيحسسك بفرق افضل

رد: مقاس R 13 /185 /70 للكاوتش ؟

جزاك الله خيرا يا اخ احمد
بس ممكن توضحلي هيحسسني بفرق افضل ازاي ؟!
وايه هي الخيارات المتاحة لي في مقاسات الكاوتش بالنسبة للجنط 13 وميضرش بالعربية ؟
وممكن تقولي لو خلصتوا في الجنوط الحديد خلصتوا على كام من بابب اني اخد فكرة ؟
وجزاك الله خيرااااااااااااااا

رد: مقاس R 13 /185 /70 للكاوتش ؟

( معلش انا اتلخبط فى الرد الاولانى لان ال R 13 185 70 حيبقى اعلى و ياثر على عداد المسافة و السرعة فقط )
طبعا الكاوتش الاعرض حيديك احساس افضل فى النقر و المطبات و الاتزان
المقاسات المتاحة على الجتط ال 13 هو ال R13 175 70 و دا اللى فى دليل المالك
و المقاس R13 185 65 (هو اقرب ما يكون للارتفاع الاصلى )و مفيهوش ضرر نهائى فى زيادة العرض لان الكتالوج كان قايل على ال R14 ال 185 اللى هو نفس عرض اللى حضرتك بتقول عليه لان الفرق فى العرض 1 سم فقط
خلصنا على 500 ج ( ال 4 جنوط + الطاسات الاصلى ) من غير ما نسأل عن الاسعار فى السوق اتفقنا على السعر دا و الحمد لله ربنا وفق فى البيعة

رد: مقاس R 13 /185 /70 للكاوتش ؟

اقتباس:

المشاركة الأصلية كتبت بواسطة احمد على 1999 (المشاركة 944667)

( معلش انا اتلخبط فى الرد الاولانى لان ال R 13 185 70 حيبقى اعلى و ياثر على عداد المسافة و السرعة فقط )

معلش يا أستاذ أحمد مفهمتش النقطة دي ممكن توضحلي النقطة دي اكثر ياثر ازاي ؟

طبعا الكاوتش الاعرض حيديك احساس افضل فى النقر و المطبات و الاتزان

طيب تفتكر ايه اللى ممكن يحصل لو انا ركبت الفردة الاستبن مقاس 13/ 185/ 70 وكان الثلاث فرد التنين 13/175/70 ، انا كنت مفكر ان الفرق هيكون بس في ان الفردة دي هتكون اعرض عن التنين بس ودا ميأثرش فهل دا صح ولا كدا أنا عاكك ؟!!!!

المقاسات المتاحة على الجتط ال 13 هو ال R13 175 70 و دا اللى فى دليل المالك
و المقاس R13 185 65 (هو اقرب ما يكون للارتفاع الاصلى )و مفيهوش ضرر نهائى فى زيادة العرض لان الكتالوج كان قايل على ال R14 ال 185 اللى هو نفس عرض اللى حضرتك بتقول عليه لان الفرق فى العرض 1 سم فقط
خلصنا على 500 ج ( ال 4 جنوط + الطاسات الاصلى ) من غير ما نسأل عن الاسعار فى السوق اتفقنا على السعر دا و الحمد لله ربنا وفق فى البيعة

مبروك عليك وعليه وربنا يباركلك فيهم

رد: مقاس R 13 /185 /70 للكاوتش ؟

بص يا باشا
ال R 13 معناها الجنط قطره 13 بوصه يعنى بال سم تضرب 13 فى 2.54 = 33.02 سم
و ال 185 دا عرض المداس بال مم يعنى = 18.5 سم
و ال 70 ديى معناها ارتفاع الحائط الجانبى للكاوتش من الارض لحافة الجنط = 70 % من عرض المداس ( 18.5 سم ) = 12.95 سم

يبقى كدا القطر النهائى للكاوتش = 33.02 سم +( 12.95 مضروبة فى 2 عشان ارتفاع الحائط من فوق و من تحت ) = 58.92 سم

لو حسبت نفس الحسبة للمقاس الصح اللى هو R13 175 70 حيطلع القطر النهائى = 57.53 سم
كدا الفرق = 1.389 سم يعنى تقريبا 1 سم و 4 ملى للمقاس اللى انت بتقول عليه اكبر من المقاس الاصلى
طبعا الفرق دا مش حيفرق فى اداء العربية نفسها بالعكس حيخليك تعدى المطبات اسهل لان العربية حتعلى 7 مم ( نص ال 1 سم و 4 مم ) لكن عداد السرعة و المسافة بيعتمدوا على قياس عدد لفات الكاوتش على الارض و منها بتترجم للمسافة عن طريق ان محيط العجلة معروف انه = 2 ط نق و ال نق معروفة نصف القطر و ال ط = 22 على 7 المهم العربية حتعرف عدد لفات الكاوتش و تضربها فى ال 2 ط نق و منها تعرف المسافة المقطوعة
و السرعة نفس الحكاية بس مع الزمن
فانت لما تعلى الكاوتش السرعة المقرؤة على العداد حتبقى ابطىء من السرعة الحقيقية و كذلك المسافة المقطوعة

طبعا تركيبك لاستبن مخالف لل 3 حياثر على العفشة و الاتزان و تأكل الكاوتش

الله يبارك لحضرتك و ميغلوش عليك يا باشا

رد: مقاس R 13 /185 /70 للكاوتش ؟

اقتباس:

المشاركة الأصلية كتبت بواسطة احمد على 1999 (المشاركة 944690)

الله يجزيك خيرا يا استاذ أحمد علي شرحك المبسط
ومعلش دوشتك معي
وربنا يباركلك في الجنوط ويطرح لك فيهم البركة