|
ايه اسباب أستهلاك البطاريه وانتهاء عمرها الأفتراضى
السلام عليكم
كنت عايز اعرف يا جماعه ايه اسباب استهلاك البطاريه وانتهاء عمرها الافتراضى ؟ هل المشى الكتير بالعربيه ؟ ولا انى احمل عليها كتير كاسيت وتكيف مثلا ؟ يعنى انا البطاريه اللى معايا دلوقتى داخله فى تلات سنين اهيه وحالتها تعتبر جيده مع العلم انى مش بمشى بالعربيه كتير ممكن مره فى الاسبوع ولما بزيد اوى بيبقى تلات مرات فى الاسبوع اينعم النهارده لقيتها نايمه واطريت اطلع بالعربيه زق بس ده لانى متحركتش بالعربيه اسبوع كامل مع الركنه والسقعه فده منطقى لكن كنت عايز اعرف بصفه عامه ايه اللى يخلى البطاريه ينتهى عمرها الافتراضى ؟ |
رد: ايه اسباب أستهلاك البطاريه وانتهاء عمرها الأفتراضى
جودة البطارية نفسها + تاريخ انتاجها + حالة الدينامو المسئول عن شحنها + حالة الوصلات الكهربائيه
وطبعاً لو موصل جهاز انذار او اى جهاز على البطارية مباشرة بيستهلك منها حتى والعربيه مش دايرة |
رد: ايه اسباب أستهلاك البطاريه وانتهاء عمرها الأفتراضى
اقتباس:
استاذ احمد .... اخبار حضرتك ايه ؟ و اخبار استهلاك عربيتك للبنزين ايه ؟ اتظبطن شوية و لا لسة ؟؟ البطارية عاملة زى خزان المياه تقريبا ..... بمعنى انها بتخزن الطاقة الى بيزودها الدينامو ... ده بالاضافة الى ان البطارية تنتج الطاقة بصورة مبدئية ... اهم اسباب تلف البطارية :- 1- شحن الدينامو مش منتظم ... و فى الواقع ... شحن الدينامو الزيادة .. ده بيخلى مياه البطارية ممكن تغلى و تتبخر .... و هناك بعض الوقائع من الصنايعية ان البطارية ممكن تنفجر 2- جفاف مياه البطارية .... و ده بيبوظ البطارية و بيفقدها قدرتها على الشحن و التفريغ ... نتيجة تعرض الالواح الداخلية للهواء و بالتالى تغيير تركيبها الكيميائى 3- التحميل الزائد على البطارية .... زى اجهزة السنتر لوك و الانذار و بقية الاوبشنز الى بتشتغل على طول الوقت .... ده بيقلل عمر البطارية تحميل كاسيت و تكييف على العربية و هى شغالة .. مفيهاش مشكلة |
رد: ايه اسباب أستهلاك البطاريه وانتهاء عمرها الأفتراضى
اقتباس:
|
رد: ايه اسباب أستهلاك البطاريه وانتهاء عمرها الأفتراضى
اقتباس:
انا بخير والحمدلله بس العربيه مش بخير :( للأسف أستهلاك البنزين زفت زى ما هوه امبارح حطيت بنزين اخدت اكتر من 40 لتر على 81 كيلو !!!!!!!!!!!! خلاص انا يأست وسلمت للأمر الواقع -_- وشكرا يا باشا عالمعلومات والأفاده بخصوص استهلاك البطاريه |
رد: ايه اسباب أستهلاك البطاريه وانتهاء عمرها الأفتراضى
استاذ احمد ...
استهلاك العربية كدة مش طبيعى بالمرة ..... عربيتى 8 سلندر ... و بتعمل ضعف الى بتعمله عربيتك تقريبا ... انا بعمل 80 كم فى الصفيحة .... اعذرنى انا معرفش فى نظام الحقن و الكلام الكبير ده ... انا اخرى الكاربراتير .... على العموم ... لو حضرتك تحب تروح لميكانيكى كويس .... بلغنى وانا ممكن ارشح لحضرتك 2 ميكانيكية كويسين جدا ... ده على حسب حضرتك ساكن فين و رغبتك مالكى الشيروكى (السيارات القديمة ) لازم يكونوا بالهم طويل .... مفيش حاجة اسمها استسلام للأمر الواقع ... احنا بنحاول مرة و اتنين و نروح لميكانيكى و 2 و نتبهدل شوية لغاية لما ربنا يكرمنا و نجد اسباب للعطل و نصلحه و ربنا يوفقك |
رد: ايه اسباب أستهلاك البطاريه وانتهاء عمرها الأفتراضى
اقتباس:
هوه الولد الميكانيكى اللى بتعامل معاه كويس فى مشاكل كتير بيحلها بالأضافه انه قريب من بيتى فأى حاجه بيسعفنى وساعات بيقف معايا كمان فى حاجات مش ميكانيكيه وبيظبطها بأستثناء المشكله دى بتاعت استهلاك البنزين اللى للأسف مش قادر عليها أنا والله اخر ما غلبت وشاكك حاليا فى اربع حاجات والله اعلم : 1- طرمبة البنزين " لانها الحاجه الوحيده اللى مغيرتهاش " 2- يكون فى تسريب بنزين " مع انى مش بشوف بنزين فى الارض بس ممكن يكون بينزل عالمواسير ويتبخر مثلا خصوصا انى لما بدور الصبح بشم ريحة بنزين من عند الشكمان أو بقى يكون حد بيسرق بنزين والعربيه واقفه فى الجراج !!!!!!!! 3- ترموثتات الكوع : اللى هيا ملغيه عندى واللى عرفت انها بتلعب دور مهم جدا فى توصيل الموتور لدرجة السخونيه المطلوبه لأتمام عملية الحرق بشكل مظبوط خصوصا انى لاحظت انى وانا ماشى بالعربيه مؤشر الحراره مش بيعلى عن الربع الأولانى ومش بيقرب من ال100 او تحت الميه 4- ودى بقى المشكله اللى بتمنى انها متكنش هيا : ان لقدر الله يكون الموتور فيه مشكله فى الصبابات او التاكيهات او الحاجات اللى مش بفهم فيها دى ومحتاج عمره مع العلم ان سحب العربيه كويس مش وحش انا فى جميع الاحوال زهقت لانى صارف عالعربيه الفتره اللى فاتت دى حوالى 4000 جنيه ومبقاش عندى استعداد اصرف تانى اليومين دول فهستنى شويه بقى وقبل الفحص نبقى نوديها تتظبط ولو محتاجه عمره تتعمر |
| الساعة الآن 11:38 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017