|
قررت أعمل عمرة موتور 128 و عوضي ع الله :( أرجوا مساعدتي
بعد معاناة مع نفسي عشان أخد القرار يا تري أجيب موتور إستيراد ولا أعمل عمرة للموتور و خلاص و سألت هنا و هنا و استفسرت هنا و هنا و كلهُ عشان خاطر عروستي دي :( http://im34.gulfup.com/KnmFM.jpg والحقيقة اني موصلتش لقرار غير ان 50% من الناس يقولوا بلاش عمرة فوكك منها خليك ف موتور استيراد بفتيسه يكون 1300CC بدل الـ1100CC اللي راكب ف العربية. و الـ50% التانيين يقولوا بلاش استيراد عشان مش مضمون حتي لو معاك ضمان شهر زي ما بيقولوا الموتور الاستيراد مش مضمون و كأنك بتشتري سمك ف مياة الافضل انك تعمل عمرة للموتور ع الاقل تبقي انت شايف اللي بيحصل ف موتور عربيتك و عارف اولهُ من أخرهُ. و بصراحة انا احتارت و محتاج مُساعدتكم و ارائكُم معايا :( :( أعمل عمرة للموتور ولا أجيب إستيراد !؟ يا تري لو عمرة هتكلفني كام :( و لو موتور أستيراد 1100CC يكلفني كام ولو موتور استيراد 1300CC بفتيسهُ يكلفني كام :( أتمني من الشباب الخبرة ف الموضوع ده و اللي اتقرص قبل مني في الموضوع ده فقط هما اللي يردوا عليا مش عايز كلام عشوائي دي فلوس بتدفع يا جدعان وانا شاب و ف اول الطريق و مش عايز يكون ده اخر الطريق و انتحر :( [/CENTER] |
رد: قررت أعمل عمرة موتور 128 و عوضي ع الله :( أرجوا مساعدتي
من رأييي انك تشتري موتور 1300 سي سي بفتيسه 5 غيار هيكون عزمه اشد من 1100 وميتعبش معاك بسرعه وتاخد معاك ميكانيكي يجبهولك وحتي لو احتاج شغل بعد كده مش مشكلة بس ركبت مكنه 1300 فيها عزم اشد
|
رد: قررت أعمل عمرة موتور 128 و عوضي ع الله :( أرجوا مساعدتي
والله يا اخى احمد هقولك تجربتى لعلها تفيدك
انا معايا 127 نصر ومريت بنفس التجربة من تغيير ماتور واشتريت ماتور استيراد من عزبة شلبى ولكن اخذت معايا ميكانيكى شاطر وجرب الماتور هناك وتوكلنا على الله وركبة وطلب منى اعمل مشوار قيمة 100 كيلو عملتلة مشوار 200 كيلو :) ورجعت علية عدل وبعدين شيك على الماتور وجدنا دخان ابيض من الشكمان فقال هنفك تانى ويرجع ونغيرة وبالفعل رجعنا الماتور ولما رجع واخذنا نجرب ماتور تانى لاحظت ان الناس هناك مضايقة من رجوع الماتور فاخذوا يطلعوا لينا المواتير الصح بحيث اننا منرجعش تانى ونتعبهم واللى ساعد على كدة الميكانيكى كان شادد معاهم فى الكلام لانة هو اللى بيتعب فى الفك والتركيب وهو اللى مختار وبالفعل اخذنا ماتور وتم التركيب وطلع ممتاز والكلام دة من سنة 2008 والى الان الماتور شغال بدون اى مشكلة فنصيحتى لك اذا هتشترى ماتور استيراد يكون معاك ميكانيكى شاطر وخدوم اهم شئ يكون صبور وخدوم علشان يختارلك صح |
رد: قررت أعمل عمرة موتور 128 و عوضي ع الله :( أرجوا مساعدتي
السلام عليكم
اولا بدون اطالة تابع موضوع الفتيس وهو تم تثبيته والحمدلله وتوجد به فوائد كثيرة. ثانيا اقترح انك تشترى ماتور استيراد كما قال احد الاعضاء وهو يشكر على ذلك ....ولى راى وهو ان للاسف الميكانيكى الى عنده ضمير قل ...وبالتالى ممكن تشترى وان حبيت تفك الماتور قبل التركيب وان كان ده مسموح ليك هيكون اكيد افضل .....وخالى بالك من موضوع الميكانيكى لابد من ان يكون عنده ضمير ضمير ....ولكم تحياتى |
رد: قررت أعمل عمرة موتور 128 و عوضي ع الله :( أرجوا مساعدتي
بشكر اخوتي ايمن و سامح و حسن لردودكم
امبارح كنت عند الميكانيكي و قالي ان موتوري هيحتاج طقم شمبر مع طقم دبرياج و قالي التكلفة هتكون مش أقل من 1300 جنية و ف وسط الكلام قالي نفس كلامكم نجيب موتور 1300 لكن يا جماعة ما باليد حيل انا متقيد بالمبلغ المتاح اللي معايا :( انا احتارت و مش عارف أعمل ايه بجد انا عايز اجيب 1300 لكن امكانياتي متجيبش انا فكرت و قولت اني اعمل طقم الشمبر و اتوكل ع الله و بعد شهرين كده ولا حاجة ابيع الموتور اللي معايا اتوقع انه يجيبله 1000 جنية و اكمل من معايا و اجيب موتور 1300 بفتيسه يبقي انا مشيت حالي و ف نفس الوقت مخسرتش فلوسي :( رأيكم إيه ؟ خاصاً ان الميكانيكية ضميرهم قل اووي و بصراحة نادراً لما تلاقي واحد قلبه عليك من الاخر كله عايز يخلص نفسه و يخلع |
رد: قررت أعمل عمرة موتور 128 و عوضي ع الله :( أرجوا مساعدتي
اول حاجه حضرتك مش هينفع تبيع الماتور تانى حاجه ما دام كدا كدا بعد شهرين هتكمل على الفلوس لو كنت هتبيع الماتور وتجيب ماتور 1300 يبقى اصبر الشهرين وهات ماتور استيراد على طول وريح نفسك بدل كل وجع الدماغ ده |
رد: قررت أعمل عمرة موتور 128 و عوضي ع الله :( أرجوا مساعدتي
اقتباس:
بيجيب شهادة بيانات للموتور من المرور وبيروح الشهر العقارى بيعمل عقد بيع مسجل واللى بيشترية بيثبتة فى المرور بتاعة عادى جدا اكنة شارية استيراد راى فى الموضوع انك تعمل عمرة لموتورك وتسيب الفتيس على وضعة متعملش فية حاجة لو ناوى على تسقيط تشوف موتور تانى غير بتاع الـ 28 وادامك مواتير كتير وكلهم ينفعو وما فيش مشاكل فى المرور انما اجيب موتور استيراد وانا وحظى طبعا مغامرة |
| الساعة الآن 10:23 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017