|
مشكلة بعد ضبط الزوايا
السلام عليكم ذهبت لاعمل ضبط زوايا فى لان السيارة كان بها حدفة يمين فلما كشف عليها قال العجلة اليمين الامامية ماخرة ومش عارف اية المهم عايزة 2 زرجية وعملها وضبط زوايا امامى وخلفى وفى الاخر قاللي ان كاوتش الكبالن عايزة تتغير وكاوتشة علبة الدريكسيون وقال لي تعالي بعد التغيير علشان نضبط زوايا تانى طبعا مش هدفع تانى السؤال : هو لو كان الكوبلن وكاوتشة علبة الدريكسيون (البيانو) تالفين يخلي العربية تحدف يمين بصورة كبيرة لان بعد الزرجية وضبط الزوايا لم تذهب الحدفة فما تنصوحى ؟ العربية 128 مو 89 |
رد: مشكلة بعد ضبط الزوايا
برجاء الرد ضرورى |
رد: مشكلة بعد ضبط الزوايا
مش شايف علاقة بين كوتشة علبة الدركسيون و الكبالن و حدفة العربية
بس هل ممكن يكون بسبب فرد الكاوتش ؟ طيب جرب اعكس العجلتين الى قدام |
رد: مشكلة بعد ضبط الزوايا
يعنى رأى حضرتك اذهب لية تانى لانى من حقى ارجعلة خلال 15 يوم هو فى بنزينة وطنية |
رد: مشكلة بعد ضبط الزوايا
ياريتك سالت قبل ماتعمل الزرجينة دى عااااااااااااااااالم فااااااااشلة بيبوظو عربيات الناس وخلاص عشان ياخدو فلووس
وفى الاخر العربية مابتتصلحش لاء بتبووظ اكتر انا من خلال تجاربى مع الصنايعيية فى مصر اقدر اقوللك انهم فاشلة اخرهم يبيعو طماطم وخيار |
رد: مشكلة بعد ضبط الزوايا
ايوة طبعا و جرب اكشف على الكاوتش
و برضه اتاكد من الفرامل متكنش ماسكة بسيط فى ناحية متقلاها |
رد: مشكلة بعد ضبط الزوايا
اخى الكريم ايمن بندق
لو العجلة فعلا ماخرة متعملش حدفة يمين ولا حدفة شمال لو ماخرة عن اختها تعوم العربية معاك خصوصا لو الارض مش مستوية انما اسباب تاخر العجلة حجتين الميزان اللى فى القنطرة فى صدر العربية دة ملحوم فى الركبة وتملى تملى فى الـ 128 مكان تثبيت الميزان مع الطلعة بيطق (اللحام) بتاعة بيطق وتلاقى تحت كاوتشة الميزان شرخ فبالتالى العجلة بالكل بتروح لورة شوية ثانيا مكان تثبيت المقص مع الشاسية ولاسف تملى بتمسكة البارومة وبتخلى فية بوش وبيبقى المقص سليم وتلاقى العلة سايبة لقدام ولورة بكرر عليك لو عجلة ماخرة عن عجلة العربية تعوم مش تحدف طب اية سبب الحدفة وحضرتك لسة ظابط زوايا امامى وخلفى اشك وبقوة فى علو السيارة من الخلف حضرتك عندك سوستة بالعرض فى الخلف وهى دى المسئولة عن علو العربية وبطبيعة الحال تملى تلاقى المساعد الامامى يمين هو اللى بيبوظ اسرع من الشمال كزلك الامر النحية اليمين فى الخلف تملى بتهبط اكتر من النحية الشمال فى الخلف راجع على مستوى علو العربية من الخلف يمين زى الشمال وبعد كل الكلام دة انا مش عارف عمل زرجينة ازاى الزرجينة بتتعمل عشان تعل العجلة على المحور الراسى لما تكون قالبة لجوة او لبرة ودى بنعملها يا اما زرجينة يا اما تخويش لمسمار المساعد |
| الساعة الآن 05:53 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017