سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

السلام عليكم

رمضان كريم عليكم

كنت عايز اعمل مقارنة ما بين العربيات التاليه :

سيات ابيزا 94

ولا ستروين zx موديل 99

ولا تويوتا ستارليت 97

ولا دايو جيولت 97

ولا فيات بونتو

اعتقد واضح شكل او استايل العربية اللي بحبه , وان شاء الله انا معايا في حدود 35 الف , الحمد لله الحج وافق عليهم , فياريت تساعدوني لانها اول عربية ليا ان شاء الله ومش عايزها تتعبني ولا تضيع وقتي لاني اثناء الدراسه او العمل وقتي حرج جدا , ولو حد عنده اقتراح تاني لعربية تاني ياريت ما يتاخرش عليا وشكرا لكم

من حيث قطع الغيار ومعرفة الميكانيكة فيهم ومع قدرتهم على السفر اثناء الصيف ( مصر لاسكندرية مثلا ) واستهلاك البنزين وقوتهم في شوارع مصر و...و..و.. ؟

ياريت اللي عنده اي معلومات عن اي حاجه ياريت ما يبخلش عليا لاني حيران جدا

وشكرا لكم مقدما

وياترى مستعمل يعملوا كام دلوقتي تقريبا علشان ما يضحكش عليا في السعر

والسلام عليكم جميعا

رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

اولا اهلا بيك في مصر موتورز معانا
بالنسبه للاختيارت فحضرتك فعلا اخترت عربيات كويسه جدا
بس واضح ان كلها هاتش باك مافيش ولا عربيه بشنطه!!!!
لكن نستبعد الzx لعدم وجود قطع غيار كافيه و صعوبه صيانتها نوعا ما رغم انها تعتبر افضلهم بصراحه!!!
نيجي علي العربيات الباقيه

الجوليت:
عربيه كويسه جدا و ارخص قطع غيار في المجموعه المرشحه كلها و عربيه ممتازه لو حالتها نضيفه.

بونتو:
عربيه تحفه و اعلي مبيعات في اوربا و سياره العام كذا سنه بس مالهاش نصيب في مصر لو حاببها توكل علي الله بس بشرط الحاله النضيفه جدا علشان ما تتعبش معاها و تعتبر اقوي عربيه في المجموعه كلها

سيات ابيزا:
نفس الكلام اللي اتقال علي البونتو يقال علي الابيزا لكن مشكلتها قليل لو لقيت منها عربيه تتركب اساسا لان معظمها مع شباب و متهدله احلي بهدله و كمان تقيله جدا في سواقتها حتحس انك بتعمل مجهود.

تويوتا ستارليت:
دي عربيه مالهاش حل بجد و مرنه جدا و في الجري فظيعه و ممكن تلاقي منها كتير بتكييف و شغال و افضل تكييف فيهم الصراحه و التمن دا او اقل يجيبلك عربيه منها كويسه بس شوف الاول اسسوارتها زي الفوانيس و ما الي ذلك موجود ولا صعب الحصول عليه لاني مش عارف حاجه عن قطع غيارها .


انا لو بختار لو ما لقتش بونتو كويسه و بنت ناس تتركب و لقيت ستارليت نضيفه اوي حجيب الستارليت
و مش حفكر نهائي في الستروين و الجوليت

رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

هو حضرتك ليه متحامل على الابيزا اوى كده فى كل رودك المفروض ان ديه عربية محترمة وتكنلوجيا المانى ptmnlo123per195

رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

فين ردودي المتحامل فيها علي الابيزا حضرتك؟؟؟
هو لما اقول انها تحفه و عربيه كويسه يبقي متحامل عليها في نظرك؟؟؟

رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

اهوه الموضوع حضرتك برضو رشحت الكروسا على الابيزا مع ان كل الناس تقولك الابيزا برقابه الكورسا كتكنولوجيا واداء وقوه موتور وثبات ووو فانا مش عارف حضرتك بترشح او بتفاضل بناء على ايه بصراحة !!!!!!!

http://www.masrmotors.com/vb/showthr...1194#post71194

رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

هيا دي بقي كل ردودي اللي حضرتك عرفت تجيبها!!!!!!


دا ردي و اعتقد اني فضلت الكورسا عن عربيات كتير مش الابيزا بس رغم اني رشحت العربيات كلها
و قولت دول افضل عربيات في الفئه دي يا ريت حضرتك تقرأ الكلام كويس و قبل ما ترمي الناس بالباطل لحسن حرام احنا في رمضان

الكلام اللي حضرتك قولته دا تقوله لو فيه مقارنه بين ابيزا و مورسا و انا فضلت الكورسا و قولت علي الابيزا زباله.
لكن انا بقارن عربيات كتير و ما قولتش علي عربيه وحشه و بعدين برشح من وجهه نظري العربيه اللي شايفها افضل
و دي حاجه انا حر فيها لا حضرتك ولا غيرك ليك انك تغير من رأيي لان دا رأيي انا مش لازم اكون متوافق مع حضرتك علشان اكون صح.


مستني (كل ردودي) اللي حضرتك بتقول عليها و بتتكلم بصيغه الجمع

رد: سيات ابيزا ولا ستروين zx ولا تويوتا ستارليت ولا دايو جيولت ولا فيات بونتو ... ؟
 

إهدوا يارجاله ... رمضان كريم .... هدوء من فضلكم
معلش ياحازم الراجل باين عليه متلخبط وعايز ياخد قرار في شراء سياره اليومين دول .. والدنيا صيام .... هدي نفسك شويه

ويامصطفى باشا الراجل ماقالش حاجه غلط ورأيه متزن طول عمره في المنتدى وغير متحيز لشيء على شيء آخر نهائيا وحاول تكون الطريقه بتاعتك ألطف من كده
والإختلاف في الرأي لايفسد للود قضيه

صوموا يارجالة مصر موتورز