|
ايه رايك فى اتوبيسات النقل العام الجديدة
الحوار فى الاتوبيسات هيكون كالتالى .. الكُمسرى :: لو سمحت يا حاج الاجرة .. اتفضل يا سيدى .. الكُمسرى :: معلش يا حاج عاوزين جنيه كمان - الراجل : ليه يعم ؟؟!! ما كل يوم بنركبها بكدااااا ايه اللى غلاها ومفيش ازمة بنزين كماااااااااااااااان .. الكُمسرى :: معلش احنا زودنا خدمة " واى فاى " للانترنت وشاشات بلازما وبالتالى الاجرة هتزيد ... - الراجل : نعم .. ايه اللى انت بتقوله ده مش فاهم .. الكُمسرى :: يعنى يا حاج ممكن تتفرج ع التليفزيون وتفتح نت من الموبايل بتاعك وانت راكب اكنك فى اوروبا اهو يعنى حاجة جامدة اوى .. - الراجل : انت عبيط يعم ؟؟ .. ااساسا موبايلى مفيهوش نت .. وبعدين الاتوبيس هينفجر من الزحمة اللى فيه... نت ايه وزفت ايه ... والاتوبيس اساسا مهكع ومنتهى الصلاحية .. الكُمسرى :: ملناش دعوة .. روح قول للحكومة اللى سايبة الصحة والتعليم والاقتصاد ومسكت ف المشروع ده بحجة التطور ... روح قولها صلحى الاتوبيسات قبل ما تركبيلها الواى فاى من أصله روح قولهم الكلام ده يتعمل مثلا مع السياح كنوع استثمار اولا مش مع الغلابة اللى على قد حالهم زى حلاتى كدااااااا ... روح قولهم الاطفال والناس الكبيرة ف المستشفيات بتموت بالبطئ بسبب سوء الخدمة هناك والمعاملة .. روح قولهم البلد فيها 20.000 مستشار بياخدو شهريا مش أقل من 25 : 30 مليار جنيه عشان يحلو مشاكل البلد وعمرها ما اتحلت .. روح قولهم فين حقى وفين الحاجات اللى المفروض تنفذوها والحلو كلها عندكو والله بس انتو اللى مش هاين عليكو تشتغلو بضمير والاعلام مطبلاتى وكلب اى نظام ليه ... روح قولهم يعرفو انهم هيتحاسبو عليك يا حاج .. روح قولهم ان اليابان فى 2011 حصل عندهم اعصار والبلد اتدمرت بنيتها الاساسية بالكامل بما فيها محطات الطاقة النووية والاقتصاد وفى ظرف 21 يوم شغل بس البلد وقفت على رجليها من تانى روح قولهم لو سألتو ع حلول لكل مشاكلكو هتلاقو والله (( عندكو شباب اكبر ثروة قومية عندكو عقول جامدة من دكاترة جاماعات ممكن تستيشروهم فى حل المشاكل مفيش مشكلة بدون حل طالما فى عقل بيفكر وينفذ صح )) بس انتو طالما بتقبضو وتاكلو وتشبعو ومبسوطين انتو عيالكو طظ ف العالم الغلابة ... روح قولهم حقى وحق الناس اللى ماتت مش عايزه منكو ف الدنيا بس يوم القيامة مش هسيبو ... وهربنا هيجبهولى غصب عنكو .. الراجل : حسبى الله ونعم الوكيل ... https://fbcdn-sphotos-c-a.akamaihd.n...98955767_n.jpg https://fbcdn-sphotos-f-a.akamaihd.n...29905493_n.jpg http://productnews.link.net/general/...1229133720.jpg |
رد: ايه رايك فى اتوبيسات النقل العام الجديدة
الموضوع مفتوح لنقاش ولا تريقة ولا اه بالظبط ؟؟؟
هما 200 اتوبيس عمى متعاقدين عليهم من ايام مرسى عشان خطوط معينة واللى كان موصى عليهم وزير فودافون اصدى وزير الاستسمار اللى كان مدير ففودافون التسعيرة مميزة والخدمة مميزة ومش بيركب ركاب زيادة وعربيات معينة ومميزة اللى عاجبة يركب واللى مش عاجبه ميركبش فيه ناس غلابة مش معاها تركب ابو 2 جنيه بيركب المفخخ ابو 1 جنيه الصراحة فكرت أجيب تويوتا سقف عالى واعمل فيه النظام ده لأ وكمان أختار الزباين من الطريق :P :P :P تقبل تحياتى |
رد: ايه رايك فى اتوبيسات النقل العام الجديدة
الموضوع مش محتاج تعليق
انت قلت كل التعليقات |
رد: ايه رايك فى اتوبيسات النقل العام الجديدة
|
رد: ايه رايك فى اتوبيسات النقل العام الجديدة
http://img.youm7.com/images/issuehtm...%20%284%29.jpg http://img.youm7.com/images/issuehtm...%20%283%29.jpg http://img.youm7.com/images/issuehtm...%20%282%29.jpg http://img.youm7.com/images/issuehtm...%20%281%29.jpg " التحرش فى الأتوبيسات ح يبقى أونلاين"، وكل أتوبيس واى فاى له جروب واتس آب خاص به. ياسطى معلش اعمل ريستارت للراوتر عشان النت قطع. http://img.youm7.com/images/issuehtm...%20%286%29.jpg http://img.youm7.com/images/issuehtm...%20%287%29.jpg FLASHCar:CONGRA~238:FLASH Car |
رد: ايه رايك فى اتوبيسات النقل العام الجديدة
متعرفوش كمان انه فيه جى بى اس وتصوير اونلاين عشان لو حصل حاجة يعرفوا يحددوا مين
|
رد: ايه رايك فى اتوبيسات النقل العام الجديدة
ديما اي فكرة بتنزل فالتكنلوجيا عموما .. بيقابلها .. ثرثرة الجهلاء .
ومن ثما يبدءو يوعو ويفهمو فكرتها وخواصها .. وبعدين يبدء يمجدو فيها . الفكرة زي ما قال الاخ Hisham.Elgazzar خطوط معينة . وبتسعيرة معينة . وبعدد معين . اما بالنسبا لموضوع السياح فـ في فعلا اتوبيسات مؤهلة بالكلام دة . ومكروباصات اتش ون . وعموما هيئة النقل العام اصبحت محسنة بشكل كبير . ومبقاش فية اتوبيس مليان عالاخر زي زمان .. والاتوبيس ألي جيبين صورو دية من التسعينات وفي مش بمصر اصلا. وبعدين لازم يكون في تفائل مش كلها تشائم كدا واحباط ومش كل ما اي حاجة كويسة تحصل وبالاخص فالتكنلوجيا تفضلو تمسكو لينا الليستا الحمضانة الي نصها اصلا غير دقيق وتبليف ورغي بالظبط زي ايام احمد نظيف كنتم انتم برضو ألي بتتريقو علي شغلو في تطوير التكنلوجيا .. ولولاها مكنش فية ثورة حصلت من الاساس . زي برضو لما عملو التاب المصري ... كمية تريقة مهولة وكانهم عملو فلم سكس .. علي انو جهاز افضل من الصيني وعلي اني الصين نفسها محدش فيها بيتريق علي حاجة بالعكس بتعمل مبيعات رهيبة علي حس نفس الفئة ألي اتريقت عالمصري وتلاقي كل واحد في الطيفة دية .. فاتح بقو3 متر وبيتريق ويقلك دة مش مصري دة تجميع مصري دة حتي الاندرويد منزلينو من جوجل .. او البروسيسور او او او .. جملة تدل انة انسان متخلف ولا يملك اي معلومات ومع ذالك بينشر المعلومة الفاسدة وبيلاقي اقبال من التشجيع المهول .. حتي تنتهي السلعة بأني الناس بتكون عايزة تشتريها بس بتخاف انها تتحرج او حد يتريق عليها لانها اشتريتها .. وفالنهاية الامور لازم تكون بالتوازي جمب ألي جمب تطوير فالتكنلوجيا وتطوير فالصحة ووو ولا تكون الامور بالتوالي واذا شفنا ألي عملوة في الاتوبيس في تطوير التكنلوجيا هتلاقونا لازلنا متأخرين جدا جدا . لكن لأننا بطبيعة الحال شعب يتسم بالجهل فالمعلومات فلا ندري عن الاخرون شىء تقبلو احترامي |
| الساعة الآن 01:08 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017