|
صوت حكه وتصفير من ناحيه سير الكاتينه مع دوارة العربية فقط !!
السلام عليكم ******** عربيتي f3 عاملة 37000 كيلو في مشكلة غريبة لاحظتها في العربية عندي اول ما ادورها الصبح اسمع صوت حكة وتصفير من ناحية سير الكاتينه ولما العربية تسخن الصوت يختفي خالص ولو دورتها في اي وقت بعد كدة عادي مفيش اي اصوات !!! ... انا بقى شاكك في حاجة الموتور عندي من ساعة ما جبت العربية مغسلتوش ولا مرة وكنت بعملوا بالهواء فقط هل ممكن يكون مثلا في تراب على السير وزيت وقع عليه اثناء تغيير الزيت وهايروح مع الغسيل ولا الموضوع أكبر من كده |
رد: صوت حكه وتصفير من ناحيه سير الكاتينه مع دوارة العربية فقط !!
شد سير المجموعة حاجة بسيطة بس إحتمال يكون مشكلة فى السير او طرنبة المياة إحذر
|
رد: صوت حكه وتصفير من ناحيه سير الكاتينه مع دوارة العربية فقط !!
ممكن يكون سير الباور
|
رد: صوت حكه وتصفير من ناحيه سير الكاتينه مع دوارة العربية فقط !!
السلام عليكم ************ بعد الاخذ بنصائح الاخوة الافاضل الاعضاء , قمت بالاتي : 1- شد سير الدينامو الصوت مارحش 2- شد سير المجموعة ( الميكانيكي بيقول عليه سير التكييف !! ) الصوت مارحش 3 - جبت الميكانيكي وانا بدور العربية الصبح عشان يسمع الصوت .. وقالي ان الصوت ده من طرمبة الباور واكيدلي كلامه بأنه لما يكسر الدريكسيون للأخر خالص يمين او شمال اسمع صوت نحره السؤال بقى هل طرمبة الباور ديه ضمن ضمان العربية ولا لاء !! انا عامل بالعربية 38 الف كيلو |
رد: صوت حكه وتصفير من ناحيه سير الكاتينه مع دوارة العربية فقط !!
طلمبة الباور ضمن الضمان بس معرفش ضمان حضرتك كام الف كيلو او كام سنة
|
رد: صوت حكه وتصفير من ناحيه سير الكاتينه مع دوارة العربية فقط !!
اقتباس:
|
| الساعة الآن 10:29 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017