استفسار هام من ذوي الخبره
 

أريد معلومات عن هذه السياره رجاء
واسمها كول كار
بيقولو عليها سوزوكي لأنها نفس مكونات السوزوكي لاندي
ما رأيكم بها
رجاء الرد للأهميه
الصيانه بطوخ
وقطع الغيار بمصر الجديده وجسر السويس لدي الوكيل

رد: استفسار هام من ذوي الخبره
 

1400 سي سي
7 راكب
معدل استهلاك الوقود 4.8 ليتر لكل 100 كم
السعر 67000

رد: استفسار هام من ذوي الخبره
 

وما رأيكم ايضا في سياره سوبر باندا من ابو غالي سعرها 59000 تقريبا

رجاء سرعة الرد للأهميه

رد: استفسار هام من ذوي الخبره
 

سعر الكول كار بدون كماليات 70 الف وكماليات 75 الف
استهلاك البنزين الحقيقى عرفته من احد الاشخاص هو 10 ليتر لكل 100 كيلو
البنزين هو 92 ولا تستخدم 80 نهائيا
لا يوجد منها اتوماتيك
يبقى موضوع قطع الغيار واسعارة لو حد عندة معرفه اسعار قطع الغيار يقول

رد: استفسار هام من ذوي الخبره
 

شكرا أخ هاني

فعلا كما تفضلت حضرتك

بس فعلا اكتشفت ان السوزوكي نمره 1 في السوق

من حيث قطع الغيار

روحت لتوكيل فاو
لقيت العربيات علي الأرض من 2012!!!
في إن في العربيات الصيني
وكفايه عدم توفر قطع الغيار إلا عند الوكيل
ودي من الحاجات اللي هتخليه يبيع ويشتري فينا

لا ياعم احنا مش لاقيين فلوسنا

رد: استفسار هام من ذوي الخبره
 

على فكرة انا عرفت ان الموتور سوزوكى سوفيت والفتيس والكارونه سوزوكى وايضا عرفت ان قطع غيار السوزوكى بتركب على الكول كار الكلام دة من فم الاستاذ عادل مدير معرض الكول كار لانى متابع السيارة وافكر فى شرائها لان السيارة هى سوزوكى تقفيل الصين بمعنى اخر ان الكول كار هو وكيل تجميع السوزوكى فى الصين
والضمان لمدة عامان او 60000 كيلو انا لو منك اروح ازور المعرض واتفرج على السيارة واقرر الرؤيه على الطبيعه وسؤال المسؤلين عن السيارة افضل من كلام اى حد واتمنى لك التوفيق والنجاح

رد: استفسار هام من ذوي الخبره
 

شكرا استاذ هاني

وإن شاء الله اختياري الان بين اثنين شانجي سوبر باندا,,وسيارة السوق سوزوكي فان

وأحاول في جمع معلومات أكثر عن سوبر باندا ولو تعرف أي معلومات عنها ياريت تخبرني
وشكر لك