|
ماهى مشكله أن يكون الزيت أعلى من علامه MAX ؟؟
كل ماأغير زيت الموتور فى التوكيل أو فى محطة خارجيه لازم يحطوا خمسه لتر زيت مع تغيير الفلتر...المشكله انى لما بشوف مقياس الزيت (طبعا وهى بارده) ألاقى الزيت أعلى من علامه max ..ولما أسال يقولوا مش مشكله ..طيب بيحطوا علامات ليه لما هوه مش مشكله؟؟ الحكايه دى مضايقانى وقلقانى ..فياريت لو حد من الزملاء الأفاضل عنده فكرة عن الموضع ده وبالتفصيل ..يتفضل بالمشاركة ونقل التجربه لينا ..وشكرا مقدما
نسيت أقول ان عربيتى اسبيرانزا 516 موديل |
رد: ماهى مشكله أن يكون الزيت أعلى من علامه MAX ؟؟
الموضوع ده اختفلت فيه الاراء ومحدش عارف الصح من الغلط فيه
لكن انا شخصيا ميال لاءنه 4/5 بالفلتر ال 5 لتر دي بدعه مش عارف مين اللي طلعها |
رد: ماهى مشكله أن يكون الزيت أعلى من علامه MAX ؟؟
الكتالوج الأنجليزى الى ممكن تحمله من على موقع شيرى الرسمى للسياره بيقول ( 4 لتر بالفلتر ) فى الصفحة رقم 112 Engine Oil with Filter (all engines) = 4.0 L ايضا بالنسبة لسؤالك نفس الكتالوج الرسمى بيقول فى صفحة 104 فى وسط مربع للأهميه بخصوص مقاس الزيت : CAUTION! Do not overfill the engine oil. Overfilling will cause oil aeration, which can lead to a loss of oil pressure and an increase in oil temperature. This could damage your engine. Also, be sure the oil fill cap is replaced and tightened after adding oil. وده تحذير صريح بيقول ما تحطش زيت اكثر من الازم ( اعلى من علامة ال MAX ) لأن ده ممكن يؤدى الى فقدان لضغط الزيت ومن ثم تدمير الموتور لتحميل الكتالوج من موقع الشركة http://cheryinternational.com.s11770...com/en/manuals اختار A5 manual تحياتى |
رد: ماهى مشكله أن يكون الزيت أعلى من علامه MAX ؟؟
فعلا الزيت الزيادة يؤدى لتقليب الزيت جامد و تكون فقافيع هواء " كلمة aeration " و بالتالى فقدان الضغط
|
رد: ماهى مشكله أن يكون الزيت أعلى من علامه MAX ؟؟
اقتباس:
|
رد: ماهى مشكله أن يكون الزيت أعلى من علامه MAX ؟؟
طيب لو سمحتم .. ازاى اشيل الزيت الزياده ده؟؟
أنا عارف انه سؤال ممكن يكون هايف بس السؤال أحسن مش كده؟ ..علشان ما أعوكش.. |
رد: ماهى مشكله أن يكون الزيت أعلى من علامه MAX ؟؟
السلام عليكم الزيت الزياده له اضرار منها تلف الأويل سيلات والجوانات وايضا كما قال مشرفنا العزيز احمد واضيف انه لو الزياده كبيره الكرنك هينغمر في الزيت زياده مما يأدي الي زيادة المقاومه وضعف قدرة المحرك ولتقليل الزيت يتم فك طبه الزيت الي ان يتم نزول الزيت الزائد ومن ثم نربط الطبه مره اخري ونقيس الزيت لو كان زائد يتم اعادة الكره مره اخري ولو نقص يتم تزويده لكن لابد ان تكون على ارض مستويه وعدم رفع العربيه على كوريك عند قياس الزيت والله المستعان |
| الساعة الآن 06:50 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017