|
تغيير موتور جيلى 2004
انا عندى جيلى 2004 1000 سى سى
و بصراحة و للامانة عربية تحفة و ما اشتكيت منها لحد فترة قريبة لما الموتور خف و بدأ يظهر مشاكله الفيتيش عندى على شمال الموتور انا عايز اغير الموتور بموتور سوزوكى سويفت او ماروتى 1300 او اكسل 1300 الحوض عندى واسع جدا و شبه الحوض فى اكسل او سوزوكى سويفت افيدونى هل التغيير ينفع و هل التعديلات فى القواعد و الكبالن هتنفع و لا هتأثر و تسبب مشاكل و لو سمحتم عايز اسعار ماكينة سوزوكى كاملة بالفيتيس بكل مشتملاتها سواء سويفت او ماروتى ايهما ينفع او سعر ماكينة اكسل 1300 كاملة اسف انى اطلت على حضراتكم و ارجو الرد تفصيليا عشان ابدا الخطوات |
رد: تغيير موتور جيلى 2004
كوروللا او تيرسيل بيمشى عليها وموجود ف الحرفيين
مستر أسترا عاوزين رأيك لو سمحت |
رد: تغيير موتور جيلى 2004
اقتباس:
اشكرك استاذ هشام على سرعة الرد لكن هل الكورولا او تيرسيل نفس قواعد موتور الجيلى ؟ و لا فيه اختلاف يحتاج لتعديل ؟ من فضل حضرتك لو عندك معلومة عن ماكينة الكورولا او التيرسيل كاملة يا ريت توافينى مع العلم حضرتك ان 3 ميكانيكى عندى اجمعوا على اما اكسل 1300 او سوزوكى سويفت او هوندا دا حسب الترتيب اللى هما قالوه ارجو الافاده لأنى تحيرت كدا بصراحة و شكرا لك |
رد: تغيير موتور جيلى 2004
حد يرد عليا يا جماعة من فضلكم
|
رد: تغيير موتور جيلى 2004
اشكرك صديقى العزيز استاذ هشام على ثقتك الغالية
لكن احب اوضح بس حاجة صغيرة مواتير التيرسيل او الكورولا بتركب على عربيات الجيلى بس مش الفروتة ... بتركب على العربيات الـ CK عربية الاخ اللى بيسال راكب عليها موتور ديهاتسو شاريد 3 سلندر و بيركب عليها موتور السويفت بدون اى تعديل سوى فى اكس كوبلن بيتقصر شوية |
رد: تغيير موتور جيلى 2004
اقتباس:
اشكرك اخى mr_astra على رد سيادتك لكن احب اعرف حضرتك انا عربيتى جيلى هاتشباك 2004 - 1000 سى سى و دا المكتوب فى الرخصة و للامانة برضو مش مكتوب فروتة و لا ck لكن ممكن حضرتك تفيدنى بسعر ماكينة الديهاتسو شاريد او السوزوكى سيوبفت كاملة بالفتيس بكل مشتملاتهم و اشتريها من فين حضرتك ؟ او اى ماكينة تصلح لعربيتى كما وصفتها لحضراتكم و سعرها كاملة ؟ معلهش يا جماعة انى اطلت على حضراتكم لأنى من اسيوط و معرفش محلات قطع غيار يا ريت الاسعار و الاماكن ان امكن و لحضراتكم جزيل الشكر |
رد: تغيير موتور جيلى 2004
مش هى دى عربيتك
http://media.hatla2eestatic.com/uplo...e9a577bd10.jpg اصل طالما قلت انها 1000 سي سي تبقى هى فروتة انما السيدان بتكون 1400 سي سي واسمها جيلى سبارك والـ CK بتكون 1500 او 1600 سي سي بالنسبة لسعر موتور الشاريد استسمحك تسيبنى شوية هاعرفلك بكام وفين عشان ما اشترتهوش قبل كدة |
| الساعة الآن 11:02 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017