|
مشكلة فى الفرامل شيفروليه لانوس
السلام عليكم
يا جماعة أنا من اسكندرية وجبت بفضل الله عربية لانوس 2010 استعمال ... روحت عشان أضبط شوية حاجات عند مركز صيانة فى الابراهيمية (سيور وزيوت) وكنت سامع صوت خشونة فى المشى.. الراجل قالى عندى مشكلة فى الرومبيل الأمامى يمين والخلفى شمال ...والأفضل نغير الطقم كامل... قولتلو اتوكل على الله .. طبعا بعد يوم كامل من الشغل فى تغيير سيور وتغيير زيت وفلاتر هواء وبنزين وبوجيهات وتغيير الرومبيلات الأربعة أمامى وخلفى وأخدت العربية .. واكتشف صوت خبط جاى من الخلف عند الفرملة ورعشة فى بدال الفرامل..رجعتله تانى جرب العربية ومشى عليها ..وقالى الفرامل محتاج انك تتبع عليها عشان الكلام ده حصل نتيجة الحل والتركيب ... طبعا المشكلة مازالت قائمة والصوت ماراحش وكلام الراجل ده أصلا مش مريحنى (مش مقنع) ...أفيدونى الله يكرمكم |
رد: مشكلة فى الفرامل شيفروليه لانوس
المركز اللى انت روحتلوا اسمه ايه و مكانوا فين؟؟
|
رد: مشكلة فى الفرامل شيفروليه لانوس
مركز الأمل اول يمين من اللاجيتيه
|
رد: مشكلة فى الفرامل شيفروليه لانوس
نصاب بكل اسف
|
رد: مشكلة فى الفرامل شيفروليه لانوس
اقتباس:
|
رد: مشكلة فى الفرامل شيفروليه لانوس
شكرا على الرد يا جماعة واليكم آخر ما حدث اليوم
انهاردة قولت انزل أبص على العجل عشان اشوف موضوع الخبط ..واتصدمت لأن لاقيت حاجة غريبة لاقيت زور الطنبور فى العجلة الخلفية اللى بيبات عليها تجويف الجنط مكسور ومشرخ ..وبحط ايدى على الجنوط الأمامية لقيت سخونة جامدة جدا...قولت مبدهاش ورحت عليه وطبعا وريته شكل الكسر فى الطنبور الخلفى ... قالى تمام انا ملزم بيه..قولت خير ... وابص على الصنايعى وهو بيقفل الاقيه برده بيقفل الطنبور المكسور.. دخلت فى حوار طويل معاه المهم خليته يجيبلى طنبور تانى وركبهولى الحمد لله صوت الخبط اللى فى الفرملة راح .. بس الجنوط الأمامية لسه بتسخن جامد ولسه حاسس بخشونة فى العربية...طبعا انا حمدت ربنا انى أخذت منه الطنبور بدل اللى اتكسر..بس طبعا انا فقدت الثقة فى انه يمد ايده فى العربية تانى اساسا...على فكرة صاحب الورشة دى اللى اسمه على فاهم جدا بس المشكلة فى العيال اللى شغالة عنده كلهم عيال مستهترة وشغلهم أى كلام ... المهم يا جماعة ايه الحل دلوقتى ... أنا عاوز احل مشكلة الخشونة اللى فى العربية ديه؟؟؟؟؟ |
الحمد لله
مفيش أى رد من أى حد؟؟؟
طيب على العموم الحمد لله النهاردة ربنا رزقنى بميكانيكى ابن حلال كشف على العربية وحل المشكلة بفضل الله اللى عندى: سخونة العجل الأمامى كان سببها ان الباشا اللى ربط الفرامل بعد ما غير الرومبيلات كان مخلى التيل قافش فى الطنبور وكان مسمار رباط الطنبور بالمايوه مكسور أنا قلت أقولكم اللى حصل معايا عشان الكل يستفيد. |
| الساعة الآن 05:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017